الموضوع: ارجو الرد بسررررررررررررررررررررررر رعه

المشاركة الأصلية كتبت بواسطة iori2000

يا شباب انا و الحمد لله على اعتاب انى انضم للرابطة ركيبو السكودا....و بالأخص الأوكتافيا a4
و الحمد لله لاقيت واحده حلوه 2007 اوتوماتيك و عامله 53000 كيلو...و عامة نضيفه اوى...
بس بعد اللى حصل فى مصر ده الله اعلم بالأسعار ممكن تتغير و لا لأ...يا ريت حد يقولى بس بسرعه علشان ناوى اكشف عليها فى التوكيل السبت بأذن الله....يا ريت الرد بسرعه علشان اطمن و مالاقيش بعد يومين العربيه سعرها وقع....و تبوظ فرحتى ...ولا اصبر شويه..
مع العلم ان العربيه مطلوب فيها 95000 جنيه....يا ريت اراء الخبراء فى الحكايه اللى قولتها دى و على السعر اذا كان مناسب ولا لأ...و لو العربيه الموديل ده حلو و لا فيها مشاكل فى الأوتوماتيك زى ما سمعت....

ايه...محدش عارف يقولى رأيه فى الموضوع ده....يا جدعان انا من براعم السكودا المفروض تراعونى و تساعدونى...بليززززززززززز علشان الوقت

رأيى الشخصى ماتشتريش دلوقتى واستنى لما تتضح الرؤية بعد الاحداث الجارية لأن ماحدش عارف الدنيا هايحصل فيها ايه بعد ساعة.وكدا كدا العربيات المستعملة وكسر الزيرو موجودة وبكثرة بس عايزة الواحد يتعب شوية فى اللف ويكون صبور ومش متسرع. وعموما صلى صلاة استخارة وربنا يوفقك

ميرسى جدا على الأهتمام و الرد بس المشكله اصلا ان الراجل مديله عربون (مش مهم العربون يعنى ) من قبل اول جمعه حصلت فيها المشاكل دى فالراجل متعلق كل ده..هى حلوه بصراحه...بس هل فعلا السعر كده حلو....و انا فى الأول لاحظت ان سعرها مش بيوقع بس حيبقى ايه الكلام علشان المفروض الكشف بكره فى التوكيل

احمد شفيق كان فيه حوار معاه في التلفزيون وقال انه هيحصل في مصر انفتاح كامل .. اعتقد لو الكلام ده حصل بجد ان اكيد مش هيبقى فيه جمارك على السيارات .. انا بقيت قاعد على ركبي ومنتظر حجات كتير تحصل

السلام عليكم
صلى الاول ركعتين استخارة ثم قرار
وهل لاو ممكن تقدر تسحب العربون وتنتظر شويه
مش ممكن خلاص بعد الصلاه ان شاء الله ربنا يهديك الى الخير