+1111111111111111111111111111111111111111111111111 11111111111
مش البلد بس
دى كل بلاد العالم
عرض للطباعة
طــــــــــــول ما المظاهرات سلمية يبقى مفيش فايدة
البيان واضح انه متمنتج ده أولا
حالته النفسية اتغيرت مرتين , شوية بيقرا و صالب طوله و شوية بيتكلم من نفسه و منظره مهزوم و مهدود و بيتلجلج
بيان مدروس و نصب كالعادة
عمر سليمان كان صبيه , دلوقت بقى صبيه و متفوضة له حاجات
هو ان شاء الله هايغور هايغور , بس مصر انه يصعبها على الكل لآخر لحظة
ربنا يستر من سيلان الدم
و رأيي انا انه - بعد بيان الجيش - خبط الجيش على قفاه , فعليا , و بقى واجب عليهم الرد
و للأسف , بعد خطابه ده هايتحطوا في اختيار مباشر بينه هو و سليمان و بين الشعب
بعد خطابه على طول كتايب الفيس بوك اياها اشتغلت تاني فعلا
شوفي بقي الكليب ده و ادعيلي دعوه حلوه
http://www.youtube.com/watch?v=nhdon...layer_embedded
"مع الاعتذار للتوقيع الخاص بيا ان شاء الله التزم بيه بس قلت اشارككم بواقع من الفيس بوك"
يا جماعة فى أول فترة رئاسية قال الرئيس أنه لن يرشح نفسه مرة أخرى ثم هاهو على أعتاب المرة السادسة !!!!!
قال إن الكفن بلا جيوب ثم يكشفون عن ثروة 70 مليار دولار !!!!!
و بعد خطابه السابق تقع موقعة الجمل !!!!!!!!
فكيف يمكن الثقة كيف يمكن ؟؟؟؟؟؟؟
باشا بعد اذنك..فين الدستور الى اتعدل دا كل الى اتقال كلام على ورق ولو كان عايز مصلحه البلد زى ما بيدعى كان عدل كل المواد دى من الاول مش كل ما يتزنق يعدلنا ماده... وهو اصلا شرعيته ساقطه يعنى اى قرار بيتخذه باطل .. ولو عايز كمان هو قال افوض لعمر سليمان حسب الدستور الحالى..شوف بقى الدستور الحالى بيوفر ايه للنائب ولا حااااااااجه
ولو عايز كمان حتى لو فعلا عمر سليمان بقى فى ايده كل حاجه.. تقبل على واحد كان ركيزه من ركائز نظام الارهاب والفساد دا يحكمك..دا مش معترف ان الشعب يستحق الديمقراطيه اصلا !! دا مش معترف ان الناس الى خارجه دى خارجه تطالب بحقوقها !!.. كل الى عنده اجندات دا حتى قالها النهارده
محاربه الفساد الى بتقول بيعملوها... فى حرامى بيحاسب الحراميه ؟ وشغل النائب العام دا فين من زمان ولا الرجاله الى النظام ضحى بيهم ادوا بعدها ضوء اخضرر للنائب العام يعمل انه بيحقق عشان يخدر الناس ..واحب اطمنك لما الموضوع دا مجابش نتيجه اجلوا التحقيقات دى يعنى استكراد علنى
دم الشهداء الى بتقول عنه...والله عيب لما الناس تصدق الكلام دا!! هما الشهداء دول ماتوا امبارح ولا قبل خطابه بنص ساعه؟
لما هو معترف بيهم مجبس سيرتهمم ليه فى الخطابين التانيين؟ عشان هو ونظامه الى قتلوا الشهداء دول واسمع من كلام اهالى الشهداء شوف الناس دى ماتت ازاى والله ولا كان اليهود الى بيقتلو فيهم
ونسيتوا انهم مكانوش معترفين بانها ثوره اصلا وبيقولوا دى اجندات ومخربين ... دلوقتى بقت ثوره وشهداء
ياناس فكروا فكروااااااااااا والله بنعيد نفس الكلام الى اتقال بعد غسيل المخ الى فات
في الصفحه 2 من اهرام اليوم الخميس مقال باسم 10 اسباب وراء رفض شباب التحرير الخروج من الميدان . بصراحه مقال مهم . و ليه الشباب مصممين علي ذلك لخير مصر .
ط¬ط±ظٹط¯ط© ط§ظ„ط£ظ‡ط±ط§ظ… ط§ظ„ظٹظˆظ…ظ‰ - pdf ط®ط· ط¹ط§ط¯ظٹ
منة لله جبلنا كلنا الضغط و مش فمصر بس دة العالم كلة
هنا فى الرياض البلد فضيت من الساعة 10 و نص كدة عشان البية هيقول كلمتة و ياريتة ماقالها
دة اسؤ من حكم مصر
أعلن السيد رئيس الجمهورية حرصه علي بقاء الشعب في ميدان التحرير حتي سبتمبر الجاري ... و ذلك حرصاً علي الدستور يا سيدنا
واضح ان مفيش فايدة ...
كلام حضرتك مظبوط جدا يا استاذ محمد .يا جماعة انتم اخدتم براْى القنوات الفضائية اللى قعدت تشحن فى الناس وتقول ان الرئيس هيتنحى وكل ده علشان لما الرئيس يقول حاجة مخالفة للتنحى تقوم ثورة عليه اكتر من الاول .والناس تفرح وتزقطط .ماتمشوش وراء القنوات الفضائية اللى قاعدة تشتم فى الرئيس وقناة الحرة كانت جايبة واحدة بتتكلم بتقول انه مريض نفسيا او مجنون .يا جماعة انتم تنتقدوا ايوة اى حد غير مصرى ينتقد ويغلط فى الرئيس لا .حتى لو كان فى فساد .انا مش مختلفة عن كده .وعلى فكرة انا راى هوه واحد فى الاول وفى الاخر الثورة شىْرائع بس فى حاجات كتير اتحققت يبقى ان احنا نفكر بعقل وتنظيم شوية علشان مصر وعلشانا كلنا
لابد من رحيل الرئيس ونائب الرئيس وهو أسوأ من الرئيس
انا شايف انه كده اتنحى فعلا
وكده بدايه تحقيق المطالب
ولازم لازم لازم التحرير يفضى والناس تدى فرصه للتغيرات انها تحصل
كده خلاص الثوره اتت اكلها
ولاداعى للخوف من عدم التنفيذ
100%
الخطاب دا غير الخطاب اللى فات
الخطاب اتغير تماما
افضل كثيرا
مبقتش تفرق يمشى دلوقتى ولا كمان كام شهر
كفاية انه دلوقتى قال كل النقاط اللى الناس عاوزاها
اى اعتصامات تانية مالهاش اى لازمة
النقاط اللى حطها ارست القواعد والمبادئ لبداية عهد جديد
كده اخدنا اقصى المميزات باقل الخسائر
اما انه بيناور ولا بيباغت فمش باين حتى ولو كان بيمهد لنفسه عشان يمشى من البلد كبطل وليس كمطرود ولكننا اخدنا برضه انشاء قوانين جديدة عادلة
وحتة انه بيخدع الناس ويغير كلامه بيتهيألى انه صعب جدا بعد ماشافه من الشعب
وبالنسبة للخطاب لازم نقف امام كل كلمة ونتعقلها .هوه الخطاب غريب وطويل شوية وغريب على انه خطاب رئاسى قصدى فى صيغة الخطاب .بس هوه فى الخطاب يعترف انه اخطاْ حتى لو بيضحك علينا لكنه اعترف امام العالم انه اخطىْ.والدستور جارى تعديله .وفوض النائب بالقيام بمهامه وفقا لمقتضيات الدستور يعنى برضوا يعتبر قام بتهميش دوره كرئيس للجمهورية .بس بطريقة شيك .
تاني ........يا جماعة اللي قال ان الرئيس حيتنحي امين الحزب الوطني و ناس تانية كتير جدا من النظام نفسة مش الفضائيات.
هو الخطاب متسجل و معمول ليه مونتاج كتيير وكمان مقصود انة يبان انة متسجل بالحركة اللي معمولة في اخر الخطاب بالأضافة الي الأخبار السابقة عن وجود خلاف بين الجيش و عمر سليمان.
فية حاجات كتييييير مش عارفينها بس يمكن تبان مع بيان الجيش التاني
يا رب استرها
يقول فوضت صلاحياتي لنائب الرئيس وفي نفس الوقت (سأحاسب وافعل واسوى و..,....)
يقول فوضت صلاحياتي على النحو الذي يحدده الدستور
والدستور يقول النائب ملوش صلاحيات
وده بيفكرني بالطلبات اللي تتقدم للوزراء لما يكتب على الطلب اوافق حسب التعليمات وطبعا حسب التعليمات يعني مش موافق
كله ضحك على الدقون لا شئ تم حتى الان كله كلام في كلام
فاكرنا شعب اهبل
وبعدين هو فين القرارات الجمهورية اللي فوض بيها
وهو لسه فاكر ان التعديلات الدستورية هتتعرض على المجلس ده
عار على كل رجل دستوري ان يشارك في هذه المهزلة
وايه المطلوب حضرتك ؟؟؟؟؟؟؟؟؟
الاف قطع السلاح اللى اختفت من الاقسام تظهر وتضرب الجيش ؟؟؟؟؟؟؟؟؟؟؟
حسبي الله ونعم الوكيل
الرئيس طلب اجراء التعديلات الدستورية الاول علشان تبقي صحيحة
وبعدها مباشرة فوض سلطاته للنائب والسلطة العسكرية استلمها الجيش بالفعل من اول البيان 1
ومجلس الشعب محكمة النقض بتفصل في صحة عضوياته باقصي سرعة وابطلت عضويات 33 نائب فعلا وسيحل المجلس كله بعد انتخاب الرئيس الجديد ولاالمطلوب اعادة الانتخابات علشان الاخوان مرديوش يشتركوا في الانتخابات ويدخلوا الانتخابات الجديدة ؟؟؟؟؟؟؟؟؟؟
عار كل من ليس خبيرا في الدستور ان يتهم كبار الدستوريين الذين رفضوا التعديلات وبينوا اخطائها قبل ان يتكلم اي فرد في مصر
القوات المسلحة الان فى مرحله جس نبض لراى الشارع او استطلاع لراى الشارع
يعنى حسنى مبارك اخد اخر فرصه من القوات المسلحة
لو الشارع رفض الخطاب يبقى القوات المسلحة هى الى هتدخل وتشيل مبارك وتهد التحرير على الى فيه
لو الشعب قبل هطلع بيان ضمان تنفيذ الخطاب
ربنا يستر على الى جاى
هو أنا عايز أسئل سؤال
هل لو المتظاهرون راحوا للقصر الرئاسي،
أو حاولوا يقتحموا ماسبيرو،
هل لو توفى أحد المتظاهرين (إن شاء الله مش هيحصل و ربنا يستر بجد) نحسبه شهيداً ؟
في توقعي ان فيه 2 سيناريو تم وضعهم
اول سيناريو ان الخطاب ده بمثابة جس نبض للمتظاهرين والمعترضين عليه فاذا تم تهدئتهم فخير وبركه وتم له مايريد واذا لم يتم فيخرج البيان التاني الذي هو استلام الجيش للحكم فالرئيس لايريد التنحي بهذه الصورة اي يمسك العصا من النصف
السيناريو التاني ان الخطاب كان سينص علي النتقال الحكم للجيش ولكن نظرا للخطر الخارجي الذي يحيط بمصر الأن من وجود قوي خارجيه موجوده خارج المياه الأقليميه متمثله في حاملة طائرات وبعض من قطع الأسطول الأمريكي قريبا من المياه الأقليميه المصريه فتم القاء هذا البيان بهذه الصوره بعد تعديله كما لاحظ احد الأعضاء من اختلاف في الصوره وانا اميل الي هذا السيناريو
الله يحرق اعضاء اللجنة الاكترونية كمان
لأ بس لما نجيب راس حبيب ولا راس نظيف هيبقى فى كلام تانىاقتباس:
وايه المطلوب حضرتك ؟؟؟؟؟؟؟؟؟
الاف قطع السلاح اللى اختفت من الاقسام تظهر وتضرب الجيش ؟؟؟؟؟؟؟؟؟؟؟
حسبي الله ونعم الوكيل
الرئيس عليه من الله ما يستحق
المهم الشباب الغضب الآن لابد من تعقيلهم
يا جماعه الحرس الجمهوري على القصر معندهم مشاكل لقتل الناس
الجيش يحمي الشعب
الحرس الجمهوري يحمي الرئيس
اللي يقدر يعقلهم يا ريت قبل ما تحصل أحوال مؤسفة
أنا غضبان وبغلي غليان شديد
لكن
التراب اللي شباب التحرير بيمشوا عليه برقبة مبارك عندي
وسلامتهم همي الأول
ربنا يحفظهم ويعقلهم
بلاش الحركة بالليل والحرس الجمهوري عميل للنظام بلا تفاهم
الحرس الجمهورى بيحمى الرئيس ولا القصر ؟
طيب وهو فين الرئيس
هل هو بداخل القصر اصلا ؟
إزيك يا دكتور :)
أنا كنت سمعت قبل كده د/عمر عبد الكافي في سلسلة الوعد الحق
يقول في أحد الحلقات إن كثير من العلماء يروا أن من ركب البحر و هو مغتلم يعني ثائر و أمواجه عالية
و مات فهذا ليس شهيداً بل ممكن اعتباره انتحار لأنه يدرك مدي خطورة البحر في هذه الحالة
و بالتالي أنا شايف إنه في حالة ذهاب المتظاهرين إلى القصر الرئاسي أو استفزاز الجيش بأي احتكاك أو اعمال شغب
هذا لا يعتبر شهادة و حسابه عند ربه
فأنا كنت بسئل لكي أعرف هل في رأي فقهي أنا مش عارفه في هذه المسألة.
الغريب بقى إن التلفزيون دلوقتي في ايد الحرس مش الجيش يعني ممكن يكون فيه مشاكل مع الجيش وضمانات إنه يضرب المتظاهرين في حالة وجودهم هناك
انا مش خبير دستوري بس اتكلم على قد فهمي اللي مش ممكن حضرتك تحدد مداه
هل تعلم سيدي الفاضل انه دستوريا تفويض مبارك لسليمان باطل اصلا لانه لاتوجد كلمة في الدستور اسمها (تفويض)
نص مادة 139
لرئيس الجمهورية أن يعين نائبا له أو أكثر، ويحدد اختصاصهم ويعفيهم من مناصبهم.
وتسرى القواعد المنظمة لمساءلة رئيس الجمهورية على نواب رئيس الجمهورية.
وبعدين الجدل الدستوري انتهى لان الشعب مصدر السلطات والشعب قال لا شرعية لمبارك ولا لسليمان وسمعتها من اكثر من 10 فقهاء دستوريين حتى الان في التلفزيون
وكذلك مجلسي الشعب والشورى باطلين حسب الشرعية الثورية
وانا بالطبع اريد اعادة انتخابات مجلسي الشعب والشورى حتى تشترك فيها المعارضة واولهم الاخوان لانهم فصيل مصري اصيل له ما لنا وعليه ما علينا وهم التزموا حسب بيانهم اول امس التزموا خيار الشعب المصري بدولة مدنية ديمقراطية برلمانية
لازم نبدأ عهد جديد بدون ما نصنف بعض فصائل وطوائف الا تعلم انه قد انتهى هذا الزمن ؟
أنباء عن صدور البيان الثاني للقوات المسلحة بعد قليل
فيه نوع جديد من الدبابات نزل الشارع مش الليي كنا بنشوفه فاليومين اللي فاتوا
؟!!!!
فيه انباء إن فيه مظاهرات خرجت ووصلت الخليفة المأمون في اتجاه القصر العروبة
من el-BBC