دى مش انباء دى حقيقة وانا قلت انى سمعت صوتهم بنفسى من شوية
عرض للطباعة
بيحمي الممتلكات التي تمثل رمز الدولة
التليفزيون والاذاعة والقصر الجمهوري رموز للدولة سواء الرئيس فيها ام لا
و ده اللى انا اعرفه علشان كدة لما اعتقدت حضرتك بتسئل هل يعتبروا شهداء ام لا اعتقدت ان عندك راي تاني انه يعتبر شهيد فقلت لحضرتك هات لي دليل
الحرس الجمهوري حل محل قوات الجيش لان دقراته اعلى بكتير جدا على التعامل في كل الظروف ومع اي اعداد وسواء مع قوات نظامية او مع ارهابيين
يعني لو 100 بس من الحرس الجمهوري يقدروا يبيدوا 100 الف
لن يتم اجراء اي شئ في مصر بناء علي الشرعية الثورية واتاكد من ده
وبالتالي المجلسين صحيحين ولكن بهما عضويات باطلة ومحكمة النقض بدات فعلا التنقية وابطلت عضوية 33 نائب في اقل من اسبوع والبقية خلال اسبوعين
وطبعا لا تعاد الانتخابات ابدا الان حضرتك شايف البلد حالها ايه ؟
عايز تعمل انتخابات دلوقت علشان تبقي الدماء اكث من المياه على ارض مصر ؟
نبدا عهد جديد بعد انتهاء تعديلات الدستور وعرضها على الشعب للاستفتاء عليها وانتخاب رئيس جديد يحل مجلس العشب والشوري ويدعو لانتخابات وتكون مؤسسات الدولة عادت لعملها مش الشرطة منهارة والجيش بيواجه خطر حرب داخلية واعمل انتخابات ويشارك فيها الاخوان زيهم زي اي حد في مصر لو عايزين
كلام وائل غنيم عن تركه القرار لللشباب لانه لو قال رايه ممكن يتقال عليه خاين بيبين انه خايف يتقال عليه خاين بعد ما اتقال عليه بطل
ونعم الابطال فعلا لما تسبب في هياج الكثيرين بعد بكائه دلوقت بيقول الشباب هم اللى يقولوا وخايف من انه يوصف انه خائن
يا وائل صمتك الان في حد ذاته خيانة لكن ليس للشباب او الشهداء ولكن خيانة للوطن
مش للدرجة دى يا فندم ....
الحرس الجمهورى فرقة من فرق القوات المسلحة ... مستواهم عالى ... لكن فى الجيش يوجد مستوى عالى و فرق على أعلى مستوى ... عدد مدرعات الجيش أقوى ...
الجيش لديه سلاح الجو ... الجيش لديه سلاح المدفعية ... الجيش لديه سلاح البحرية ...
الحرس .. نو
هذه الماده ابعد ما يكون عما يحدثاقتباس:
المادة (82)
إذا قام مانع مؤقت يحول دون مباشرة رئيس الجمهورية لاختصاصاته أناب عنه نائب رئيس الجمهورية أو رئيس مجلس الوزراء عند عدم وجود نائب لرئيس الجمهورية أو تعذر نيابته عنه. ولا يجوز لمن ينوب عن رئيس الجمهورية طلب تعديل الدستور أو حل مجلس الشعب أو مجلس الشورى أو إقالة الوزارة.
وهو ما حدث حيث ان الرئيس فوض اي اناب نائب رئيس الجمهورية في سلطاته
اولا لايوجد لدى الرئيس مانع موقت مهو زي الاسد اهو وقاعد يهدد ويتوعد
ثانيا النائب لايمكن معه حل مجلس ولا وزاره .. امال جاي يعمل ايه؟
(مع تحفظي لكلمة تفويض لانها غير دستورية حيث ان كلمة فوض لا تعني أناب المذكورة في نص المادة)
انا ذكرت ذلك للاستئناس فقطاقتباس:
من هم هؤلاء الفقهاء اذا كان اكبر 4 فقهاء في القانون الدستوري في مصر لم يقولوا بذلك ومنهم 3 في لجنة تعديل الدستور وهم الدكتور يحي الجمل والدكتور ثروت بدوي والدكتور يسري العصار كما شاركهم الراي الفقيه الدستوري ابراهيم درويش
الا لو كان قصدك فقهاء من عينة عصام سلطان بتاع منظمة حقوق الاسترزاق وامثاله من الجهلة
او المستشار زكريا عبد العزيز الذي احترمه تماما لكنه غير متخصص في القانون الدستوري واكاد اجزم انه لم يسمع الخطاب اصلا من تعليقه مع قناة الجزيرة بعد الخطاب
انما السيادة للشعب حسب كل دساتير العالم والشعب قال كلمته رضى من رضى وابي من ابى
دى بقت حدوتة مش باين لها اخر
نفس الحوارات اللي بتحصل بعد كل خطاب و الناس بتصدق الكلام و لا ترى ما بين السطور ازاي مش عارفة ؟؟
طبقا للدستور اللي انتم متمسكسن بيه بدون داعي لأن ان احنا دلوقتي في حالة شرعية ثورية يعني تشريع من اول و جديد طبقا لمطالب الثورة ( مفيش ثورة بتقوم طبقا للدستور يا جماعة )
مادة(3): السيادة للشعب وحده، وهو مصدر السلطات، ويمارس الشعب هذه السيادة ويحميها ويصون الوحدة الوطنية على الوجه المبين فى الدستور.
و بالتالي الرئيس مبارك و عمر سليمان و احمد شفيق و الحكومة كلها و مجلس الشعب و مجلس الشورى فقدوا شرعيتهم تماما
الدستور يتم الان مناقشة تعديلاته و الشخص الوحيد القادر على التصديق على هذه التعديلات هوا مبارك لأن ليس من سلطات النائب تعديل التدستور
الطعون المقدمة في عضويات مجلس الشعب لم يتم البت فيها بعد مع العلم ان المجلس كله باطل و يجب ان يحل بقرار رسمي و مش مضطرين للانتظار لحكم المحكمة يعني دي مجرد مماطلات
قانون الطوارىء لم يتم الغائه بل كالعادة استخدام اسلوب التسويف المشترط يعني لما يحصل كزا هايبقى ممكن نلغيه و ربنا يدينا و يديكم طولة العمر
الحكومة الحالية بكل وزراءها المنتمين للحزب الوطني و في بعض الوزراء الحاليين هم من اكبر رؤوس الفساد في البلد و مازالو مستمرين في مناصبهم !!!!!!!!!!!!! يعني العصابة لسة مكملة
عمر سليمان اسوأ من مبارك و بيتعامل مع الشعب باسلوب التخويف و الوعيد - مخابرات بقى - مستنيين منه ايه دا غير انه بقاله 20 سنة في النظام و الحداية مابتحدفش كتاكيت
عشان كدا بنقول ان الضمانة الوحيدة لحدوث اصلاح في هذه البلد هوا اسقاط النظام لأنه باكمله فاسد و متداخل و متشابك و كلهم هايظبطوا بعض
بجد انا تعبت من كتر الحوارات بعد كل خطاب مع ان الخطابات مش مختلفة كتير عن بعضها في اسلوب السم في العسل و الناس مش بتدي نفسها فرصة تتأمل و ترى ما بين السطور
بس حاليا انا رأيي ان الناس المفروض تفض الاعتصام و مايضحوش بحياتهم اكتر من كدة و حياة ولادهم عشان تاني هايرجع يتقال عليهم بيخربوا البلد و هم سبب كزا و كزا و كزا و في الاخر دمهم يروح هدر عشان الشعب بينقسم بكل سهولة و يتقلب عليهم و الريس مبارك يطلع يعزيهم بعد 14 يوم
حسبنا الله هوا نعم الوكيل في اللي متمسك بالسلطة و الحكم على حساب دماء الشعب
دة ربنا معاة لو الدنيا مشيت عادى يبقى سيتم محاكمتة عسكريا و ممكن جدا يتم تجريدة من رتبتة و يطلع من الخدمة و ما خفى كان اعظم . لو الامور انقلبت برضو ممكن يتحاكم لانة عصى الاوامر العسكرية . يالنسبة لعملية القياس أنا أقصد بها تركة لمكان خدمتة المكلف بحراستها
تانى هقولها لكل الناس
القوات المسلحة هى الى فى انتظار رد فعل الشعب
واضح جدا ان كان فى خلاف فى بدايه اليوم
وحسنى سجل خطابين واحد تنحى والتانى تفويض
القوات المسلحة زهقت واديته فرصه نهائيه فى خطاب التفويض
حاليا القوات تقوم بعمل استبيان لرد فعل الشعب
لو الشعب رفض خلاص يبقى بكرة الصبح القوات المسلحة هتعلن انتهاء الحكم وتنحيه حسنى مبارك
لو الشعب وافق خلاص يبقى بيان القوات هيكون تاييد موافقه الشعب
وفى راى ان الخيار الاول هو ما سوف يطبق قبل صلاة الجمعة لان الشعب رفض خطاب التفويض
والقوات المسلحة هى الى هتقول جيم اوفر
بأمانة مفيش حد يقدر يخطئ اى طرف ... المنطقين صح و شرعيا 100%
برلمان مفتقد شرعية vs وقف 33 نائب
تفويض نائب vs النائب ليس لة صلاحيات وفقا للدستور الحالى
تعديل مواد الدستور vs شرعية ثورية ودستور المفروض يبدأ من الصفر
مبارك رئيس شرفى vs لدية كل الصلاحيات كرئيس ولية الحق فى تغيير اى قرار و الموافقة على اى تعديل
التمهيد لأنهاء الطوارئ vs مش حيلغية ذى كل مرة مماطلة يعنى
انقلاب الجيش vs تفويض عمر سليمان
===================================
دماغى خلاااااااااص ... أنا راجل بتاع طب مالى انا ومال السياسة !!!!!!!!
بيان رقم 1
مبارك: إيه الأخبار يا عمر؟؟... قال له: كله تمام يا ريس. بعنا المصانع وبعنا الشركات وهربنا الأثار وحولنا الفلوس بره و مش فاضل غير الشعب
مبارك: كويس كده، إنقل المسلمين السعودية و المسحيين أمريكا وإقفل وتعالى
البيان رقم 2 - قررنا تغير الشعب عشان مش قادرين علي الريس
بيان رقم 3 - الشعب يريد ----- فهم الخطاب
القوات المسلحة لن تسمح باستمرار المهزله الحاليه بين الشعب والرئيس
كل واحد بيقول للتانى سيب وانا اسيب
يبقى لازم القوات تخلص
تخلص ازاى هى دى المشكله لكن فى راى
القوات المسلحه اعقل من انها تتعامل مع الشعب
بس موازين القوى لازم تختلف بي الشعب ومبارك
والجيس هو الى هيخلى الكفه تطب فى صالح الاقوى
وبعد الخطاب خلاص الكفه فى صالح الشعب
ممكن تغير كلمة الشعب وتضع كلمة الثوار او المتظاهرييناقتباس:
مش فاهم قصدي ......ومين ألي قال أن تنحي الرئيس أو قلب النظام في صالح مطالب الشعب!!!!!!!!
لان حتى لو شعب مش عايز لكن الى فى ميدان التحرير لهم الكلمة العليا
تحذير مني لكل المصرييناتفرجو علي ال cnn او الجزيره علي الاقل الان
و اسمعو الكلام ده اللي انا كاتبه
الموضوع في منتهي الخطوره القصوي للامن القومي
==========
تحليلي و رأيي الشخصي من واقع متابعتي للجزيره و ال cnn
مبارك بيتحدي العالم اجمع و ليس فقط شعب مصر
و الرئيس الامريكي و لاول مره علي مدار التاريخ الامريكي الحديث بينقلب علانيه علي حليف طويل العهد في سبيل اقصائه ولنا مثل في الفلبين من قبل
حاليا الاملائات الخارجيه اللي السيد الغير رئيس شرعي كان بيتكلم عنها هتحصل بكره غالبا
الباشا هيدخلنا في حرب او احتلال لارض الوطن
خيانه عظمي للامن القومي المصري مش من شخصيه الرئيس لكن من شخصيه من اغتصب الحكم و الرئاسه و القصر الجمهوري نفسه
حاليا بره خايفين جدا من الاخوان و امكانيه سيطرتهم علي الحكم كما حدث مع حماس عن طريق انتخابات و عدم وجود بديل مرضي بعد مبارك بالنسبه لهم سيدعم تدخلهم لصالح الشعب المصري
البرادعي و مع اختلافنا او اتفاقنا معاه كان عنده حق مبارك بيقامر بشعبه
جربو تتابعو الجزيره و بلاش ديول الحزب الوثني يأثرو عليكو و علي ارائكم دول شويه كلاب بيحاولو يساندو سيدهم علشان عارفين مصيرهم النهائي المحاكمه امام افراد الشعب المصري و حصولهم علي العقاب المناسب
و لو الجزيره مش نازله ليكم من زور دوقو ال cnn
و لو الخاين هيتكلم عن الشهدا ففين العادلي؟؟
قاعد في مبني امن الدوله بين اولاده اللي بالنسبه ليهم اب روحي؟!!
مش المفروض ان قراره انه هيتحاكم امام محكمه عسكريه؟!!!
يبقي مش قاعد في سجن حربي ليه حاليا؟؟؟
و لماذا الحديث الان عن الشهداء بعد 16 يوم من وقوعهم و بطريقه قمه في الاستفزاز
في تحليلات للcnn و علي لسان مسئول في ال cia سابقا فبيقول انه من الممكن ان يحاول النظام استثاره الشعب للقيام باعمال عنف يبرر بها قيامه غدا بفرض النظام و الامن بالقوه ضد المتظاهرين
بطلو احلام و انظرو للواقع الاليم
ادفعو تمن الحريه دلوقتي بدل ما امراض العبوديه المزمنه تتسبب في خراب شعب و وطن
يكفي ان ال cnn قالت ان حركه بيان رقم واحد قبل الخطاب من الممكن ان يكون الخطاب جس نبض للشارع و العالم خصوصا انهم سخرو كثيرا من مسأله عدم اتباع مبارك املائات من قبل او الان!!
يعمي من جميع النواحي الباشا بيخرب لينا البلد و بشراسه قبل ما يمشي
و بالنسبه للمتشدقين بالدستور ففقهاء الدستور قالو ان ثوره شعبيه بالاعداد دي تفقد النظام و الرئيس و مجلسي الشعب و الشوري شرعيتهم
و عليه فأن اي قرار او اجراء ممن يغتصب السلطه بطريقه غير شرعيه الان لا يعتد به
فقهاء الدستور و كلامهم مش رأي شخصي
تابعو القنوات الان و شوفو هيعملو فينا ايه بقي بسبب عند واحد موظف سابق في الحكومه المصريه
خدوا بالكم يا جماعة نقل الصلاحيات الرئاسية الى عمر سليمان ليست تخليا حقيقيا عن السلطة. سليمان لا يستطيع حل البرلمان ولا يستطيع تغيير الحكومة ولا يستطيع ان يطلب اجراء اصلاحات دستورية بدون موافقة الرئيس. سيظل مبارك ممسكا بزمام السلطة ويستطيع بكل سهولة وفي اي وقت استرداد صلاحياته الرئاسية من سليمان
كلامك مليون فى الميه صح و الدليل ان الناس لما اتجهت الى القصر الرياسى الجيش ماحاولش يمنعهم يعنى بالعربى الجيش مستنى موقف الناس و لو ثبتنا على موقفنا بكره الموضوع هينتهى باذن الله
استاذ otefa حضرتك بتتكلم عن ان مبارك لو مشى هيحصل فوض طيب ليا سؤال هو طول التلاتين سنة اللى فاتت انت شايف ان البلد كانت فلة و ماكانش فيه فوضى فى كل المصالح الحكومية و رشاوى فى كل مكان و سرقات بالمليارات و عقارات كلها مخالفات و سكك حديد كلها حوادث و ارهاب من صنيعة الدولة و فتنة طائفية و تعليم زى الزفت و جهل و فقر و جريمة و .. و ....
كل ده مش فوضى
قبل نقل الصلاحيات طلب التعديلات الدستورية فعلا ومحكمة النقض هاتفصل في صحة بقية العضويات خلال اسبوعين او تلاتة بالكتير وتطرد العضوياتالباطلة ويبقي تشكيل مجلس الشعب سليم وتعرض عليه التعديلات وبعد 60 يوم استفتاء شعبي عليها وتتم انتخابات الرئاسة بناء عليها والرئيس الجديد يحل المجلسين وتجري انتخابات تشريعية جديدة
الخطاب فيه قص و لزق
الله وحده اعلم ما المقصود بهذا
معلومات من شخص موثوق فيه من الحرس الجمهورى و الكلام علي عهدته
ان الرئيس في الامارات من امس و ده كان سبب زبارة و زير خارجيتهم من يومين
يا رب اصلح حالنا و لا تكلنا الي انفسنا طرفه عين
يا دكتور هل عند حضرتك اى ضمانات بان العضويات الباطلة ستطرد فانت تعلم ان خطوات التقاضى عندنا حبالها طويلة و بالتالى فلن تحصل على اى احكام نهائية خلال المدة اللى انت ذكرتها
و بالنسبة للتعديلات هل هناك ضمانات انه سيتم الاستجابة اليها لمصلحة الشعب لان من تجارب سابقة و وعود بتغيير مواد فى الدستور فى عام ال 2007 و فعلا قام بالتغيير و لكن للاسوء
و ممكن حضرتك تقول لو معملش التغيرات التى وعد بها نبقى ننزل تانى و ساعتها هنبقى نبداء من الصفر ده لو عرفنا نوصله لان ببساطة ساعتها هيبقى على راي ام كلثوم فات الميعاد
يا احمد بيه محكمة النقض بتسير في الموضوع ده باقصي سرعة والدوائر ال44 في المحكمة لا تعمل الا في هذا الموضوع فقط وبالفعل انهت الفصل في 33 عضوية وابطلتهم ولكن في اتجاه ان يعلن جميع العضوبات في نفس الوقت و ده مش هياخد اكتر من اسبوعين تلاتة بالكتير اوي والاحكام واجبة النفاذ
والتعديلات الذي سيقوم بها هو اللجنة المشكلة بالفعل وهي لجنة محترمة تماما ومعظمهم من معارضي النظام
والمجلس الجديد المعدل هيوافق مش بمزاجه غصب عنه شوف تصرفات حتي اعضاء المجلس من الحزب اليومين اللى فاتوا كلهم بيلعنوا سنسفيل ابو عز لانه اللى ورطهم وفيه 2 منهم استقالوا من كام يوم لتحسين الصورة عند الشعب
ميقدرش يتراجع لان خلاص العجلة دارت وانتهت ومفيش رجوع لخانة الصفر ابدا
اتفق معك تماما..وخصوصا فى جزء الدستور الى الناس عماله تبرر بيه افعال النظام ووعوده وهو اصلا ساقط مع النظام بتاعه...
دا مريض نفسيا ..... الى بيعمله دا ولعبه بالبلد لا يدل على شىء تانى...
لدرجه ان اكتر من طرف فى القنوات بعد الخطاب طالبوا بعرضه على اطباء نفسيين وبعدها يصدروا تقرير انه مريض فعلا والموضوع يخلص على كدا
المادة (82)
من الدستور المصري
إذا قام مانع مؤقت يحول دون مباشرة رئيس الجمهورية لاختصاصاته أناب عنه نائب رئيس الجمهورية أو رئيس مجلس الوزراء عند عدم وجود نائب لرئيس الجمهورية أو تعذر نيابته عنه. ولا يجوز لمن ينوب عن رئيس الجمهورية طلب تعديل الدستور أو حل مجلس الشعب أو مجلس الشورى أو إقالة الوزارة
منقول
لو فاكرين ده حصل ايام سفره للعلاج بتفويض مهامه لنظيف ولم يعني ذلك انه تنحى ولما رجع استرد صلاحياته تاني
يعني حتى الان مفيش مطلب من مطالب الثورة اتنفذ فعليا وكلها اكاذيب من النظام الفاقد شرعيته بالثورة
الاكثر من طرف دول اللى هم اسماء واسراء ؟
متهيالي الناس المحترمة زي مصطفي بكري ومجدي الجلاد وغيرهم كان ليهم راي مختلف
والى يشوف ان محتمل يحصل صدام مع الحرس الجمهوري ويوافق عليه يبقي فعلا عايز علاج نفسي
الوضع مختلف تماما لان المرة دي فيه لجنة تبحث فعلا التعديلات الدستورية وهو قدم طلب التعديل وليس من حقه التراجع فيه دستوريا كمان يعني من الدستور لا يستطيع التراجع وبعدين ليه مش عايزين تفرقوا بين ما قبل وما بعد 25 يناير ؟
ومطالب ايه اللى خرجت بيها الثورة ومتحققتش ؟ وهل هاتتحقق بالخروج ومحاولة احتلال التليفزيون والقصر الجمهوري ؟
متهيالي ده مش علشان الاصلاح ده علشان اعلان حكومة معينة جديدة
يا دكتور محمد انا متفهم وجهه نظرك لكن للاسف الشيء اللي بتتكلم عنه راح زمنه تماما و كان اولي بيه الكلام ده كله من اسبوعين او اكتر كمان لكن دلوقتي لأ
انت بتقول فيها فعلا الجزيره جابتله محلل نفسي من ايام مضت و حاليا في تصريحات مباشره علي ال cnn انه غبي و احمق
فعلا الرئيس الامريكي كان مقتنع هو و ال cia ان الليله خطاب التنحي بالفعل
و المراوغه و اللغه الدبلوماسيه الغامضه للخطاب(ده غير ركاكته) سبب من اسباب الغضب الامريكي حاليا
================
و بالنسبه ليك يا دكتور محمد احب اوضح ليك كأخ اصغر ليك
لو علي ملكيه الاشياء و المحطات يبقي و بنفس المبدء ارمي التلفزيون و التليفون و متركبش اسانسير لأنهم اختراعات اليهود و الصهاينه و ان مكنش اختراعهم صرف فأن لهم يد و ليست يد صغري في تصنيعه و البركه في multinational corporations و ابتداع مفهوم ال globialization
يبقي المنطقي ناخد المنفعه و نسيب الضرر
و لما تبقي منفعه امريكا و العالم من منفعه الشعب المصري يبقي نستغل الفرصه قبل ان تزول كما حدث من ايام قليله بالفعل
و خدو بالكم يا جماعه بكره لما ننزل تنبهو علي الناس يرددو سلميه سلميه لأن لو قلبت بعنف كما يتمني مبارك و اعوانه هنخسر تأييد و تعاطف عالمي غريب
الناس بره مقدره موقفنا و متعجبه من ردود افعال المتظاهرين السلميه تجاه غضب و سخط غير مسبوق و استفزاز من مبارك رهيب
يبقي نلتزم بالسلميه و اعرفو ان شعوب العالم محتارين في مقدار تحضرنا و عقلنا
================================
بكره ان شاء الله يوم الخلاص من الفساد
بيقولو في ال cnn ان قبل مكده كان خيارات المنطقه التحول اما لنموذج ايراني او البقاء تحت الوضع الحالي
و بيتكلمو ان مصر دوله محوريه بالنسبه للمنطقه و العرب و الدول الاسلاميه
و الشعب المصري و شبابه الثائر بيضع علي طاوله الاختيارات خيار ثالث هو دوله ديمقراطيه تدين بالاسلام و احكامه بينها ولا يمتد للسياسه و العلاقات الدوليه
و هما بيحاولو يتقبلو الامل ده لأنه لو حصل في مصر هيتبعها دول المنطقه بما يحفظ السلام العالمي في المنطقه و يعد مخرج رائع من ازمه كانت تخيم في الافق
ياه لسه واخد بالك
طبعا حكومة جديدة بل نظام جديد تمام قائم على الحرية والعدل والمساواة وكرامة الانسان المصري
بل ودستور جديد في دولة مدنية يحكمها الشعب ولا يهان فيها الشعب ويتم اذلاله
دي اسمها ثورة 25 يناير يا دكتور
ولا فاكر ان الاصلاح يتم على ايد فاسد جوع الشعب في بلد فيها اصغر حرامي ثروته تسد ديون مصر وتضاعف مرتبات الموظفين لمدة عشرين سنة
يا سيدي فاقد الشئ لا يعطيه
فلا تنتظر اصلاح من فاسد
دي بديهيه
في ناس كثيرة فاكرة ان الريس هو اللي هيعمل الاصلاحات لكن فهمت اخيرا
وان تاتي متاخرا افضل من الا تاتي ابدا
تحياتي
يا دكتور محمد الماده (82)من الدستور المصري مش من ضمن المواد اللي طالب الرئيس بتغيرها
حضرتك جبت الكلام ده منين؟ وبعدين ازاي يطبقها قبل ما يغيرها ويعرضها على مجلس الشعب ثم على استفتاء عام؟؟
علشان كده قلتلك في مشارة تانية ان التفويض باطل باطل بنص الدستور واصلا مفيش كلمة تفويض في الدستور مطلقا ولكن فقط انابة والفرق كبير بين اني اعين نائب وافوض نائب كل صلاحيات الجمهورية علشان كده سليمان لا هيغير دستور ولا يحل حكومةو ولامجلس ولا هيعمل اي حاجه كله هجس ولعب على الذقون
اكيد تقصد الماده 88 بتاعة الاشراف القضائي
ادي نص الحديث ن مصراوي
(ولقد تلقيت بالأمس التقرير الأول بالتعديلات الدستورية ذات الأولوية المقترحة من اللجنة التي شكلتها من رجال القضاء وفقهاء القانون لدراسة التعديلات الدستورية والتشريعية المطلوبة وإنني تجاوبا مع ما تضمنه تقرير اللجنة من مقترحات وبمقتضى الصلاحيات المخولة لرئيس الجمهورية وفق الماد (189) من الدستور فقد تقدمت اليوم بطلب تعديل ست مواد دستورية هي المواد 76 و77 و88 و93 و189 فضلا عن إلغاء المادة 179 من الدستور مع تأكيد الاستعداد للتقدم في وقت لاحق بطلب تعديل المواد التي تنتهى إليها هذه اللجنة الدستورية وفق ما تراه من الدواعي والمبررات.)