ايه رأيكوا فى بيان الرئيس؟؟؟

**metenawy** · 11-02-2011 03:23 PM

يا جماعا الوضع دلوقتي هو الشعب يريد اسقاط مصر و انا شايف ان احنا لازم ننزل نقول الشعب يريد اسقاط المتظاهرين

**Raul_7** · 11-02-2011 03:36 PM

المشاركة الأصلية كتبت بواسطة metenawy

يا جماعا الوضع دلوقتي هو الشعب يريد اسقاط مصر و انا شايف ان احنا لازم ننزل نقول الشعب يريد اسقاط المتظاهرين

ده علشان تقلب حرب اهلية؟

**Donzi** · 11-02-2011 03:47 PM

يعني هوا بيعاند في كل الملايين دي و مش هامه غير نفسه و مش عاوز يتنحى فقط عشان يأمن نفسه لأنه طول ما هوا في الحكم لا يمكن محاكمته و بعد الناس اللي تسبب في قتلهم و بيولع البلد زيادة و برضوا واثقين فيه و عاوزينه يكمل

شرعيته سقصت خلااااااااااااااص و طبقا للدستور هوا خلاص لا يمكن ان يستمر

دا غير ان الثورة في حد ذاتها بتكون تشريعية و تلغي ما سبقها

**nour_nrc** · 11-02-2011 03:59 PM

كنتو فين لما احتجناكو ...اسف متستهلوش اشجعكو تانى
فعلا كنتو سبب فى الخراب اللى عشنا فية ..غميتو عيونا ..مشينا وراكو لا وخدنا بعضكو كقدوة

لكن للاسف كلكو رسبتو فى اصعب اختبار.. الاختبار اللى مينفعش فى النجاح لو حتى 99% ماهو ياتموت زي اللى ماتو يا اما انت مش مننا
انا نزلت اغير البلد البلد اللى مش عاجبنى حالها ( عجباك انت طبعا ولا همك )...واللى عارف انها ممكن تكون احسن من كدة مليون مرة

لكن امسالكو واخدين كل حاجة ومش حاسين بينا

ما انا اللى بجرى ورى المكروباص ...انا اللى امى بتتعزب علشان تجبلى عيش

انا اللى ابويا بيروح الشغل ويرجع ينام علشان يروح تانى يوم الصبح

انا اللى بتخرج ومش لاقى شغل وانت مش متعلم وبتاخد ملاين قال اية دة بيلعب كورة دة فنان دة بيغنى

نزلت وقولت اكيد هتيحو ما انتو اكيد عايشين معانا

بس للاسف لاقيت اللى جمبى جارى و صحبى اللى برضة كان بيجرى معايا وراكو زفرحانين بيكو

انتو فين ؟؟؟اية هتقعدوا فى البيت وهتقولى برافو تظاهرو انتو و انا معاكو بقلبى ؟؟؟ لية انت احسن من اللى استشهدو ؟

ولا خايف من الزحمة ؟؟ مش احنا اللى رفعناكو فــــــــــــــــــــــــ ـــــــــــــــــــــــــ ـوق ومكنتش تحلموا باللى انتوا فى دة

يا لاعيبة ياالى صوت امى اتنبح وانا بشجعكو ..ياالى جالى ضغط وسكر و انا فى الملعب بسببكوا

بنزل من البيت 12 برجع 12 بستحمل جوع و عطش ..وادفع 100 و 200 علشان اخش ...

وبقول انتو بتلعبو با سم مصــــــــــــر

اهيى مصر احتجيتكو ...

احتجتكو بجد بس بس المرة دى مش متش كورة مش فلم مش اغنية ..عاوزاكو فى الشارع مش الناس

بس للاسف اللى راح هما هما نفس الاتنين انا وصحبى اللى كان بيروح معايا المتش والفلم وبنسمع مع بعض الاغنية

ممكن لاننا رجالة وزعلانين على حال البلد ..نفسنا تكون احسن ؟؟

طب انتو فين مش زعلانين !! ولا مش رجالة ؟؟

ولا انتو فى عالم تانى ..

اهو التراس اهلاوى وزمالكاوى واسمعلاوى و كل مصرى نزل الملعب

نزلنا نلعب اصعب لعبة

نازل و انا عارف انى ممكن مرجعش

ما اخويا نزل مرجعش.. صحبى نزل مرجعش

جارى مرجعش

انتو فيـــــــــــــــــــــــ ــــــــــــن

ولا انتو مبتحبوش اللعبة دى ؟؟

مشجعتوناش لية

ما انتو عارفين اننا بنحبوكو ...والله كنت بحبكو.. بس من النهردة ..انا حبيبى اللى جمبي فى التحرير

اللى صوتو معابا فى التحرير

اسف من النهردة انا مش معاكو .انتو مجرد لعبة

فنانين ...فينكوا يا وسط الفنانين.. كنا بنسأل فيلم اية الجديد ..نجرى ونتفرج و ندفع ونسهر للفجر فى السيما ماهو مفيش حجز الا الفجر

واتخانق علشان تزاكر سيما

و ادفعلوكو 50 و 100
و انتو متستهلوش قرش والله

اهو نزلنا عملنالكو احلى فلم اكشن بس مشفتكوش ...انتو فين ..مشترتوش تزاكر فلمنا لية ...طب ممسلتوش معانا الفلم دة لية ؟؟؟

ولا انتو بتمسلو علينا بس ؟؟
اةةةةةةةةةةةةةةةةةةةةة

دا انا كنت وتخد فيكو الم

مغنين

فين صوتكو ..فين الاغانى اللى تأيد شبابنا

لا انا اسف انا مقصدش اغنية تعملهالى

يا فرحتى ...ما انا صوتى حلو ممكن اغنيلك

تعملى اغنية و تنزلها ..الموضوع دة سهل جدا على اى طفل

بس انا عاوز راجل

انا عاوزك تغنهالى فى التحرير ...تقدر ولا تتكسف ولا خايــــــــــــــــــــــ ـــــــــف ؟؟

متخقش مش هنتلم عليك ..عندنا حاجات اكبر منك واخدة كل اهتمامنا ...

مصرنا ..بلدنا

اسف انا من النهردة عرفت بجد مين اللى بيحبنا ومين اللى عاوزنا نفضل زى محنا لان دة فى مصلحتو

ماهو يا اما خايفين ..يا اما مش مصدقنا

ولااتنين معناهم انكو رسبتو فى الامتحان

"" شكرا ...خالد صالح وفردوس عبد الحميد بسمة شريهان شبرين عبد الوهابويسرى نصرالله آسر ياسين
خالد يوسف و تيسير فهمي خالد الصاوي من الفنانين ده غير نادر السيد احمد عيد و هادي خشبة و أسلام عوض من لعيبة الكرة و حمزة نمرة و أحمد فؤاد نجم محمود سعد من الأدباء و المغنيين

خالد ابو النجا المخرج مجدى احمد على ,الفنانه الشابه يسرا اللوزى و عمرو واكد و علاء صادق ""

لو فى غيرهم حد شاف اى حد فى منطقتو يا ريت يقول عالشان نعرفهم

لان هوة دى الوقت اللى هيبان الراجل بجد

الكلام دة كان فى قلبى وممكن يحصلى حاجة لو مقلتوش

يارت نقرا الفاتحة لكل شاب ضحى بحياتو علشانى وعلشانك

**3ateef** · 11-02-2011 04:12 PM

محمد امام ابن عادل امام....

**medo_2060** · 11-02-2011 04:22 PM

ونلوم عالناس دى ليه الاولى نلوم الناس العاديه الى يومين مع المظاهرات ويومين مع اعطاء النظام فرصه.. اقسم بالله فى مصريين لا يستحقوا الحقوق الى المتظاهرين بينادوا بيها

**thedeveloper87** · 11-02-2011 04:29 PM

المشاركة الأصلية كتبت بواسطة medo_2060

ونلوم عالناس دى ليه الاولى نلوم الناس العاديه الى يومين مع المظاهرات ويومين مع اعطاء النظام فرصه.. اقسم بالله فى مصريين لا يستحقوا الحقوق الى المتظاهرين بينادوا بيها

+1111111111111111111111

**Everlasting** · 11-02-2011 04:53 PM

المشاركة الأصلية كتبت بواسطة medo_2060

ونلوم عالناس دى ليه الاولى نلوم الناس العاديه الى يومين مع المظاهرات ويومين مع اعطاء النظام فرصه.. اقسم بالله فى مصريين لا يستحقوا الحقوق الى المتظاهرين بينادوا بيها

+1111111111111111111111111111111111111111111111111 1111111111111111111111111

**Donzi** · 11-02-2011 05:08 PM

المشاركة الأصلية كتبت بواسطة medo_2060

ونلوم عالناس دى ليه الاولى نلوم الناس العاديه الى يومين مع المظاهرات ويومين مع اعطاء النظام فرصه.. اقسم بالله فى مصريين لا يستحقوا الحقوق الى المتظاهرين بينادوا بيها

+111111111111111111111111111

في ناس بتبص تحت رجليها و كل اللي عاوزينوا انه انهاردة ياكل و ينام و في ناس مش فارق معاها و حرية ايه و كلام فاضي ايه ما احنا عايشين كويس اهو و ناس تانية مش فاهمة اصلا و ناس مكبرة دماغها و ناس زهقت و ناس بتحارب عشان تتطالب بحقوق كل دول

-

الموضوع: ايه رأيكوا فى بيان الرئيس؟؟؟

LinkBack

أدوات الموضوع

عرض

-

-

كنتو فين لما احتجناكو ...اسف متستهلوش اشجعكو تانى -

-

-

-

-

المواضيع المتشابهه

مضحك جدا :: طفل يقرأ بيان تنحى الرئيس مبارك

يرحل الرئيس - يبقى الرئيس

الكلمات الدلالية لهذا الموضوع

المفضلات

المفضلات

ضوابط المشاركة