الموضوع: ايه رأيكوا فى بيان الرئيس؟؟؟

المشاركة الأصلية كتبت بواسطة donzi

يعني هوا بيعاند في كل الملايين دي و مش هامه غير نفسه و مش عاوز يتنحى فقط عشان يأمن نفسه لأنه طول ما هوا في الحكم لا يمكن محاكمته و بعد الناس اللي تسبب في قتلهم و بيولع البلد زيادة و برضوا واثقين فيه و عاوزينه يكمل

شرعيته سقصت خلااااااااااااااص و طبقا للدستور هوا خلاص لا يمكن ان يستمر

دا غير ان الثورة في حد ذاتها بتكون تشريعية و تلغي ما سبقها

مننكرش انه فعلا بيأمن لنفسه

لكن بعد التعديلات اللى بتمشى دلوقتى فعلا كده احنا مش عاوزين اكتر من كده

كده يبقى عرفنا السيناريو حيمشى ازاى الفترة القادمة

والمكاسب اللى اتحققت دلوقتى بقت كويسة جدا عكس الخطاب التانى له

والبيان التانى بتاع الجيش حيضمن القرارات اللى قالها مبارك فى خطابه

لو فكرنا تانى حنلاقى ان مبارك يقعد ولا يمشى مش فارقة خلاص

مبارك هو اللى قدم التنازلات واحنا كسبناها خلاص

دلوقتى تعديل الدستور حينتهى اخر فبراير يبقى ملهاش اى معنى المظاهرات التى تتم الان

ومحكمة النقض بتنظر فى الطعون دلوقتى وموضوع انها تاخد وقت طويل ولا لأ

هو فعلا محكمة النقض بتكون احبالها طويلة عشان كده قرارات محكمة الاستئناف بتمشى ومبتستناش احكام النقض

لكن فى بعض الحالات اللى مينفعش قضايا تاخد لها دور ولازم تحسم ضرورى ومنها طعون مجلس الشعب

دلوقتى الدور الاكبر هو اللى حيبقى على الشعب بعد متعاد الانتخابات يبقى المفروض ان الناخبين هما اللى يروحوا وميقعدوش فى البيت
لان بعد مايتم الاشراف القضائى دلوقتى لو حصلت ادنى شبهة تزوير حيحق للقاضى انه يقفل الصندوق ويستبعد نهائيا

فالتزوير اللى كان بيتم زمان صعب يحصل دلوقتى

انا لما انزل المظاهرات حتكلم مع الناس فعلا لانى دلوقتى على اقتناع اللى حصلنا عليه حلو كده

بس الوضع دلوقتى مش كويس للنزول
انا حستنى مع بداية الشغل لما الاعداد تقل شوية والناس تهدى

لان لو الموضوع استمر على كده ووجود العصيان العام
لن يقف الجيش متفرجا

وضع مصر غير وضع تونس
الأخطار حول مصر حتخلى الجيش حيضطر يفرض سيطرته ويعمل انقلاب وفرض الاحكام العرفية وينتهى املنا فى تحقيق دولة مدنية

ومحدش يقول ساعتها ان الجيش خاين لان اللى حيعمله هو الصح عشان مصلحة الوطن والحفاظ على استقراره

والحل التانى انه يعمله انه يشيل مبارك (ولو انه مستبعد)
بس احنا كده حنبقى بنتاخر لورا اكتر بعد ماكنا بنمشى لقدام دلوقتى

فكرة حل مجلس الشعب مش مستحبة الان
دلوقتى يكفينا ان الاعضاء القدامى الفاسدين اتشالوا واعضاء تانيين حيتتلغى عضويتهم وارسينا مبادئ الانتخابات الجديدة فى وجود الجيش ضامن للعملية الانتخابية فى البيان التانى له يبقى كده كويس جدا

كدا بقى فيه بارقة امل

على عكس الخطاب اللى فات مكنش فيه اى ضمانات