ياجماعه هو ممكن المتظاهرين يطلعوا على قصر الرئاسه او على مبنى الاذاعه والتليفزيون غدا الجمعه؟
وهل ممكن الجيش يضرب فى المتظاهرين ؟؟؟؟؟؟؟؟؟
هى باينه من اولها ميدان التحرير مولع, ربنا يستر
عرض للطباعة
ياجماعه هو ممكن المتظاهرين يطلعوا على قصر الرئاسه او على مبنى الاذاعه والتليفزيون غدا الجمعه؟
وهل ممكن الجيش يضرب فى المتظاهرين ؟؟؟؟؟؟؟؟؟
هى باينه من اولها ميدان التحرير مولع, ربنا يستر
يخطئ من يظن أنه عارف
الله وحده يعلم ولا يوجد امامنا سوى الدعاء
الرئيس اثبت انه امير الدهاء واظن ان من يذهب الى قصر الرئاسه يبقى بينتحر. لغايه كده والحرس الجمهورى ماعندوش تفاهم.يارب الناس تفهم ده, بس فى ناس مصممه على سيناريو تونس بحذافيره,بس الظاهر ان مصر ليست تونس ومبارك ليس بن على
ماحدش يقدر يحدد فعلا
الله يحرقه
بكرة
مراجيح مولد النبى
المشكلة اننا كلنا اتعلقنا
و 99 % مننا كان حاسس انة خطاب التنحى دة مش فى مصر بس
دة حتى كمان فى اغلب القنوات الفضائية سواء محلية و غير محلية
ربنا يرحمنا برحمته
الصراحه انا شايف يريحو بقى كده هيموتو نفسهم ... و الريس خلاص بالسلامه مش هنشوفو تاني غير في المانيا ممكن .... و يا ريت يخدو بالهم من اساطيل امريكا اللي على الحدود ... العجرفه تؤدي الى خراب و فوضى !
يعنى علشان كلنا كنا متعشمين انه يتنحى وده ماحصلش تقوم الناس تلقى بايديها الى التهلكه . وتولع فى البلد
وبعدين هى القنوات جابت منين قبل البيان ان الرئيس سوف يلقى بيان بالتنحى ؟؟؟؟؟؟ دى عاوزه تشعللها اكتر ماهى والعه. وعايزه تثبت قرار التنحى عند الشعب . فعلا مبارك امير الدهاء وربنا يستر عليكى يامصر
ده الناس مش هتستنى للجمعه
مسيرة حاشدة لآلاف المتظاهرين تتجه إلى قصر العروبة
اليوم السابع | مسيرة حاشدة لآلاف المتظاهرين تتجه إلى قصر العروبة
وهل تعتقدون ان الرئيس فى مصر اصلا
ما هو مبارك يا امير الدهاء يا امير ال--------------
الامريكان كمان اتضحك عليهم وفية اجتماع لمجلس الامن القومى
الجيش مجتمع و فى انتظار بيان 2
حالات من الغضب الشعبى فى القاهرة واسكندرية
اشتباكات فى رفح
مش باقولكم يا امير الدهاء يا اميؤ ال----------------------
احنا بنواجهه ايام سودا بجد
يا رب عديها علي خير
فين صوت العقل من الشباب دول؟؟؟؟؟؟؟؟؟؟؟؟؟؟
الراجل اتكلم وعمل 95% من مطالبهم خلاص بقي حقناً للدماء
افهموا بقي
اعتقد المظاهرة طول مهى فى اطار شرعى ومتحجمة فى مكانها مفيش مشكلة انما يروحوا القصر ومبنى الاذاعة يبئا ديه متزعلوش منى اسمها قلة ادب
ويبئا الناس دول عايزنها فعلا دم وعايزين خراب للبلد ومصممين على دخول مجازر بين الجيش والشعب وده انا مش مستبعدواا لو فكروا فى الفكرة السودا ديه بكره... واتمنى اكون غلطان
لان فى ناس بتنفخ فى النار وعايزاها تولع وماشية وسط الناس ديه
اتمنى يجماعه محدش ينزل بكره فى المظاهرات واللى يعرف حد يعقله ومتخليش السكينه تسرقه ونخاف على بلدنا اكتر من كده
وننظر للجانب البعيد من كل ده ومين اللى اعد متربص لينا ومستنى لحظة غفلة مننا
ارجوكو متلهوش وتشتتوا الجيش عن تأدية وظيفته الاساسية الا وهى حماية ارض وحدود مصر من العدوان الخارجى حرام عليكم هنرجع 40 سنة للخلف . واللى صبر 30 سنة مش مستحمل يصبر كام شهر؟؟؟
اعتقد الموضوع مش هيخرج بره حاجتين
الجيش يعمل انقلاب ويتسلم السلطه ويصبح الحكم عسكري
وده الأقرب للتنفيذ
او الجيش يعمل انقلاب على الشعب ويحمي السلطه
وده مستبعد لأن في الغالب مفيش سلطه اصلاً دلوقتي غير الجيش
والخطاب كان فرصه اخيره للرئيس لجس نبض الشارع
وعمل انقلاب مشروع
انفجااااااااااااااااااااا ر
كل الى بنقوله دا توقعات مفيش اى رأى اتقال اكيد بنسبه 10% حتى
اذا كان رئيس الاستخبارات الامريكيه نفسه خد بومبه فى توقعه.... دا غير حسام بدراوى الى قال انه كلم الرئيس شخصيا وقال هيتنحى واديكوا شفتوا النتيجه
الله يحرقهم واحد واحد بيلعبوا بالبلد عشان يبقوا هما فى امان ومحدش يحاكمهم
دي تصنف خيانة عظمي وتحريض عل ىالعصيان المدني وعدم اطاعة الاوامر العسكرية
ومننساش ان الل ىقتل السادات كان ظابط في الجيش واللى خطط كان ظابط في المخابرات واحد اتعدم والتاني مش عارف يخرج من السجن غير في الاحداث الاخيرة
بيان رقم 1
مبارك: إيه الأخبار يا عمر؟؟... قال له: كله تمام يا ريس. بعنا المصانع وبعنا الشركات وهربنا الأثار وحولنا الفلوس بره و مش فاضل غير الشعب
مبارك: كويس كده، إنقل المسلمين السعودية و المسحيين أمريكا وإقفل وتعالى
البيان العسكري رقم 2 - قررنا تغير الشعب عشان مش قادرين علي الريس
بيان رقم 3 - الشعب يريد ----- فهم الخطاب
مبارك عارف ان البلد هاتولع و سايبها تولع و لا هامه
و الحرس الجمهوري فعلا مابيتفاهمش و مستقل الى حد ما عن الجيش و بيتبع الرئاسة مباشرة
التوجه لقصر الرياسة اصلا مالوش لزوم اصلا لأن ميدان التحرير و ما يحتويه و يحيطه كفاية بس الناس فاض بيها
ربنا يستر
و الله انا شايف انه كده كفاية اوي اوي
و الي يقول غير كده يبقا بيزيد عن حده و يبقا مش عايز غير الخراب
يا جماعه المشكله في حالة الشحن اللي إتقلبت من فرحه تامه أنه هيتنحى إلى حزن بالغ
المشكله أنه دايما متأخر في تنازلاته يكونوا المتظاهرين رفعوا سقف المطالب
و نفضل في الحلقه المفرغه دي
ال cnn
بتقول
protesters punked
اذا الشعب يوما أراد الحياة فلابد أن يستجيب القدر..........
http://www.youtube.com/watch?v=gvk9DyjGXeY
انا مستغرب من تهليل الناس لانضمام ضابط من الجيش للمعتصمين و اعلانه بأنه سلم سلاحه لزملائه
يعني هذا الرجل لا يفهم معني شرف انضمامه للقوات المسلحة
و احمد الله انه و غيره قد سلم سلاحه لاني لا يشرفني ان يكون بيننا مثل هؤلاء الضباط في الجيش المصري
لما هوه كان بين زملائه يحرس امن الوطن و يطيع الاوامر العسكرية الصادرة له بما لا يخالف الشريعة الاسلامية
و لم يصدر له اي اوامر بالتعامل المباشر مع ابناء وطنه
و يخرج علينا ليعلن انه سلم سلاحه حتي يكون حرا في قراره
اي قرار يا (( بن بلدي )) اي قرار تتخذه الان و توجه رسائل لقياداتك في القوات المسلحة لا اتمني ان يخونني التعبير و اتهمك بخيانة الامانه
التي اوكلت اليك
اري ان تظل في موقعك تحمل سلاحك في وجه اعداء الامه
الذين يتربصون بالبلد و ليس البلد فقط انما كل الدول العربية
اخي الكريم
ان موقعك بين زملائك لحفظ الامن و اتاحة الفرصة للشباب في ان يعبرو عما بداخلهم في هدوء و بدون فرض سيطرتهم هم الاخرين
اهم الف مرة من اعلانك علي الملاء انك قد سلمت سلاحك
ارجو ان تعي جيدا انك قد انقلبت علي جهازك الذي يقدره الشعب المصري و الشعوب العربية علي اختلاف ميولهم
انقلبت علي قياداتك و نحن لم نري منهم ما رأيناه من قيادات الشرطة اثناء الاحداث الحالية
فأرجو ان تفهم مرة اخري و اقول لك صدقني انك الخاسر الوحيد
فلن يحترمك احد لتركك سلاحك و مخاطبة القنوات الاخبارية (( مثل الجزيرة )) التي لا نعلم كيف وصلت لك و هل وصلت سيطرة هذه القناه التي تفضح كل ما هو غير قطري
كيف وصلو اليك بهذه السرعة ام ان الموضوع محسوب و مخطط له من فترة اظن ليست بالقريبة
و الله ان امثالك من الذين لا يحكمون عقلهم قبل اتخاذ قراراتهم
هم من اوصلونا لما نحن فيه الان من ايام ثورة 52
م.حاتم السباعي
15 ضابط مصري انضموا للثوار الأحرار ... نأوا بأنفسهم أن يقفوا موقف المتفرج رفضوا حياد الجيش السلبي اللى حتى الآن مش عايز يحسم المعركة ضد القمع والفساد والاستبداد والقهر والذل و و و .... لصالح الشعب ... تحية لهذا الضابط وكل الضباط الشرفاء الأحرار. وبالتأكيد بمجرد زوال هذا الطاغية سيعودون لصفوف جيشنا جيش مصر وليس جيش النظام. ومعتقدش انه هيتم التنكيل بيهم من قبل الجيش ... الوضع مختلف عن ترك السلاح في ساحة العدو وتركه في ساحة الشعب.
"الآن" الجزيرة نقلا عن وكالة الأنباء الفرنسية: انضمام 3 ضباط جيش إلى المتظاهرين.
شهود: سقوط مبان حكومية في أيدي محتجين في محافظة السويس المصرية
القاهرة (رويترز) - قال شهود عيان ان عددا من المباني الحكومية سقط يوم الجمعة في أيدي مُحتجين في محافظة السويس شرقي القاهرة.
وقال الشهود ان المحتجين الذين تجمعوا بعد صلاة الجمعة بعشرات الالوف احتلوا مبنى ديوان عام محافظة السويس ومبنى حي السويس ومبنى حي الاربعين في المدينة التي كانت شهدت مصادمات دامية بين المحتجين والشرطة سقط فيها 24 قتيلا.
وقال شاهد ان المحتجين الذين رفعوا صور القتلى مطالبين بالثأر لهم هتفوا بسقوط الرئيس حسني مبارك وبخروجه من مصر أو محاكمته على أرضها.
http://ara.reuters.com/resources/ima..._media_ara.gif