هما لحقوا وصلوا مصر الجديدة

**SkyBird** · 11-02-2011 05:20 AM

و ماذا يجبرك أن تقبع خلف key board مثل من وصفتهم ؟

يا كولونويل الجبن ليس ما يمنعني
لكن على الاقل اتمنى ان لا نشيعه
وانا من سيناء التى لا تعرف الجبن

جبن؟!!

لما اخاف على مصلحة بلدي ابقى جبان؟

لما اخاف على ملاد بلدي ابقى جبان؟

هو الدم الي حيسيل ده مش مصري؟ ظابط و لا متظاهر, حتفرق في إيه؟

اغامر بعمر الاف عشان ضغظ سياسي و صراع خفي على السلطة؟

اي بلد اللي خايف على مصلحتها
خايف لا الملايين المنهوبة ترجع
خايف لا الفقير اللي مرتبه 150 جنيه يبقى الف و خمسمية جنيه ولا المشردين على القهاوي يلاقوا شغل شريف
خايف لا كرامتنا ترجع
خايف ان الحق والعدل يبقوا دستورنا

ايه فاضل نخاف عليه تاني

الجبان اللى منزلش 4 ايام لما كان فيه ثورة بجد
الجبان هو اللى يرمي الناس بالجبن لانهم خايفين على بلدهم
الجبان هو من يرمي باهل بلده للاقتتال الداخلي

اقرا الرد السابق
واقتتال داخلي ايه هو احنا رافعين سلاحنا على بعض!!!!

والحرس الجمهوري رجال مصر اقسموا على اداء الواجب وواجبهم منع اي شخص ايا كان من الاعتداء على الاشخاص او المؤسسات المكلفين بحمايتها حتي لو كان التمن حياتهم
واي محاولة من اي متظاهر لاقتحام هذه المؤسسات يعطيهم الحق القانوني والشرعي في قتله دفاعا عن النفس

يديهم الحق الشرعي في ايه شريعة سماوية يا دكتور تقتل اعزل مسلم او حتى غير مسلم
دي فتوى جديدة ولا ايه ؟
ولا الشباب عبأ الاسلحة وراح يقتل الحرس الجمهوري؟

ناس مصرين و رجالة جدا و الجنود السابقين ليهم اشتركو فى حرب 73 لو معندكش معلومة أنصحك تعرف كل حاجة قبل ما تتكلم يعنى حاربو فى سيناء برضو

وهو شباب المتظاهرين يهود علشان تساويهم بيهم

...................................
انتهى الرد على الاقتباسات
...................................
بس لي كلمة موجه لفئة معينة ومش للكل
مالكم يا شباب البلد
يا اللي لسه عايشين عصر فرعون مش ناويين تلحقوا بالاحرار
ولا عايزين تفهموني ان الريس حقق بعض المطالب اللي لازالت نوايا لانه رجل مخلص ووطني ومحققهاش غصب عن عينه
من يوم مظاهرات الجمعة وانتم كفاية كده ويحصل تنازل
وتاني يوم تقولوا كفاية كده ثم يحصل تنازل وثالث يوم وهكذا
وفرحانين ان الرئيس استجاب لمطالبكم ويالا على بيوتكم علشان الحياة تمشي
عايز واحد بس يقولي ايه اللي اتحقق من مطالب دفعنا ثمنها اكثر من 300 شهيد
حد يقول لي مطلب واحد بس اتحقق
ولما نقول مفيش فايدة غير الراجل ده يمشي تقولوا لأ بلاش اصل احنا خايفين على البلد والحقيقة انكم خايفين من بعبع الحرس الجمهوري اللي عمال تنفخوا فيه وترهبوا بيه الناس

وما نيل المطالب بالتمني
و لا نامت اعين الجبناء

**dr-mohamed** · 11-02-2011 05:26 AM

المشاركة الأصلية كتبت بواسطة walidadel

هو الموضوع كان في اوله عن مصر الجديده قولت اخش اشوف بيقولوا ايه و مصادر عن قناة الحره و كده بس في الاخر قلب علي كلام تاني
المهم بس انا بيني و بين قصر الرئاسه 3 دقائق مشي مافيش اي حاجه ولا ضرب نار ولا اي حاجه خالص
ولا حتي شوفت الناس دول اصلا انا عرفت انهم عدوا من امام بنزينة موبيل الخليفه المأمون و كان في هتافات و بتاع و دخلوا علي القصر من ناحية محل لطفي و النادي و فجأه الصوت انخفض تماما و كأنه لايوجد احد في الشارع ولا حد عدي و الامور رجعت طبيعيه خالص و بعدين لاقينا معظم الناس لافف و راجع تاني و مافيش اي هتافات سألنا في ايه قالك الظابط اللي واقف كلمنا بهدوء و قالنا مافيش داعي لضرب النار و ماحدش يعدي السلك و كده علشان احنا عندنا اوامر بالضرب في المليان لو حد اقتحم و كده فبلاش تهور و معلش دا واجبنا و بتاع
راجل بصراحه محترم اوي المهم قالوا لاقينا مالهاش لازمه القاعده يبقي نمشي احسن فابتدينا نروح
و في مجموعه تانيه من الشباب قالت ان الجيش هايبعت اتوبيسات علشان يرجع الناس التحرير تاني بس انا ماشوفتش حاجه
و خلص الموضوع علي كده مافيش ولا طلقه اضربت انا ليسه طالع من بره و الناس بتكلمني بتقول دا في ضرب نار عند القصر و الجثث بالمائات و كلام كده فانا قولت اجي اقول اللي حصل علشان الاستغلال الاعلامي دا للاحداث بيولع الدنيا زياده
و الله علي ماقوله شهيد

شكرا يا وليد بيه على شهادتك لما حدث وحرصك على الاطمئنان وعلشان الناس تعرف ان الجزيرة كاذبة لان على حسب كلامهم الالاف يحاصرون القصر الجمهوري ويقرروا المبيت امامه للغد
بس خد بالك انت بعد دقائق هاتصنف انك جبان وعميل للحزب الوطني انا حذرتك

**Xander2010_Evo** · 11-02-2011 05:34 AM

المشاركة الأصلية كتبت بواسطة Karim_Monir

حوالين مقر الرئاسة الاف الامتار من الاسلاك الشائكة
يليها اطنان من الاحجار التي تستخدم كمصدات امواج وتشكل مانع ثقيل جدا وقوي جدا
الصخرة الواحدة وزتها 3 طن تقريبا

وراها دبابات ومدرعات
وبعد كدة بقية دفايعات الحرس الجمهوري اللي مابيفهموش
عافانا الله

بس؟؟؟؟

المشاركة الأصلية كتبت بواسطة ahmedabutaleb

انا فى روكسى الان وكنت سامع اصوات تظاهرات قريبة بس الان اختفت

المشاركة الأصلية كتبت بواسطة zago

يعني نجيب قائد الحرس الجمهوري ونعمله قائد الجيش
نستنتجك من كده ان ولاء الجيش لمين ؟؟
على فكره الجيش لو ضرب رصاص حي في الشعب حتلاقو مصر كلها اتملت عربيات مكتوب عليها un ودول مش بييجو لوحديهم
لا
بيجيبو دباباتهم معاهم
ربنا يستر والموضوع يتلم
واللي نزل يوم 25 يناير عارف ان اللي موجودين دلوقتي في المظاهرات دماغهم مش زينا

علي فكرة ال UN موجودين أصلآ في مصر
وبالتحديد كنت بشوفهم علي طريق السويس الإسماعيلية بعد قرية إسمها Six Corners
بس كنت بشوف عربيات لاندروفر بيضاء بس عليها رمز UN مفيش دبابات

المشاركة الأصلية كتبت بواسطة SHNORY

يا سياده العقيد هو لو مش حضرتك وكل رجال العسكريه الكبار الي بنحترمهم
زي سياده العميد جمال وسيادتك واخونا احمد ابوزيد
يقولوا رايهم
مين حيقول رايه
عموما لو حد زعلك امسحها فيها وزعلك علي راسي من فوق يا كبير
--------------------------------------------------
رئيس الحرس الجمهوري هو الراجل الابيضاني ابو شعر اصفر اللي معرفش اسمه
اللي علطول موجود معاه في كل حته ومحدش عمره سال ده مين ههههههههههه
حتي وهو بيعين الحكومه الجديده كان واقف وحاطط ايد ورا ضهره ودوسيه اوراق تحت باطه
واظن مش محتاجه فكاكه علشان نعرف ايده كان فيها ايه
وكنت سمعت قول من قائل
ان الراجل ده عنده القدره علي الضرب علي اهداف بمجرد سماع صوتها واصابتها بدقه حتي لو وراه
بجانب ان تخيلي وسماع طراطيش بعض الكلام
ان اسلحه الحرس الجمهوري حاجه غير اللي الناس بتشوفها او تسمع عنها
فاي اشتباك معاهم اكيد عواقبه وخيمه جدااااااااااااااا
وممكن من غير اسلحه كمان

ههههههه ده جيمس بوند بقي والفرقة بتاعتو

المشاركة الأصلية كتبت بواسطة walidadel

هو الموضوع كان في اوله عن مصر الجديده قولت اخش اشوف بيقولوا ايه و مصادر عن قناة الحره و كده بس في الاخر قلب علي كلام تاني
المهم بس انا بيني و بين قصر الرئاسه 3 دقائق مشي مافيش اي حاجه ولا ضرب نار ولا اي حاجه خالص
ولا حتي شوفت الناس دول اصلا انا عرفت انهم عدوا من امام بنزينة موبيل الخليفه المأمون و كان في هتافات و بتاع و دخلوا علي القصر من ناحية محل لطفي و النادي و فجأه الصوت انخفض تماما و كأنه لايوجد احد في الشارع ولا حد عدي و الامور رجعت طبيعيه خالص و بعدين لاقينا معظم الناس لافف و راجع تاني و مافيش اي هتافات سألنا في ايه قالك الظابط اللي واقف كلمنا بهدوء و قالنا مافيش داعي لضرب النار و ماحدش يعدي السلك و كده علشان احنا عندنا اوامر بالضرب في المليان لو حد اقتحم و كده فبلاش تهور و معلش دا واجبنا و بتاع
راجل بصراحه محترم اوي المهم قالوا لاقينا مالهاش لازمه القاعده يبقي نمشي احسن فابتدينا نروح
و في مجموعه تانيه من الشباب قالت ان الجيش هايبعت اتوبيسات علشان يرجع الناس التحرير تاني بس انا ماشوفتش حاجه
و خلص الموضوع علي كده مافيش ولا طلقه اضربت انا ليسه طالع من بره و الناس بتكلمني بتقول دا في ضرب نار عند القصر و الجثث بالمائات و كلام كده فانا قولت اجي اقول اللي حصل علشان الاستغلال الاعلامي دا للاحداث بيولع الدنيا زياده
و الله علي ماقوله شهيد

طب الحمد لله
ربنـا يعدي بكرة علي خير
ومانسمعش سيرة الأحكام العرفية دي

**dr-mohamed** · 11-02-2011 05:36 AM

المشاركة الأصلية كتبت بواسطة skybird

يا كولونويل الجبن ليس ما يمنعني
لكن على الاقل اتمنى ان لا نشيعه
وانا من سيناء التى لا تعرف الجبن

وكأن الحرص علي البلد تحول الي جبن
وكان عدم الرغبة في التدمير والحفاظ على النفس والمال من الهلاك دون مبرر اصبح جبن
ولو من سيناء عندك غزة جنبك روح جاهد فيها ضد اليهود هي دي الشجاعة الحقيقية

اي بلد اللي خايف على مصلحتها
خايف لا الملايين المنهوبة ترجع
خايف لا الفقير اللي مرتبه 150 جنيه يبقى الف و خمسمية جنيه ولا المشردين على القهاوي يلاقوا شغل شريف
خايف لا كرامتنا ترجع
خايف ان الحق والعدل يبقوا دستورنا
ايه فاضل نخاف عليه تاني

خايف على ما تبقي من البلد
خايف على اهلى وناس اللى شفت منهم ناس بتقع في الايام الماضية بين شهيد ومصاب
خايف من قطع الطرق اللى بيحصل كل ساعة في كل مكان في مصر لمجرد البلطجة والحصول على حقوق غير مشروعة
خايف من وضع المتظاهرين في صراع مع الجيش لن ينتهي ابدا باستسلام الجيش او تفككه وهروبه وحتي لو حصل يبقي البلد فعلا ضاعت

واقتتال داخلي ايه هو احنا رافعين سلاحنا على بعض!!!!

بتبدا دايما سلمية وبعد كدة بتتحول لحرب شوارع ولو مشفتش المظاهرات من اولها انزل القاهرة علشان تعرف

يديهم الحق الشرعي في ايه شريعة سماوية يا دكتور تقتل اعزل مسلم او حتى غير مسلم
دي فتوى جديدة ولا ايه ؟
ولا الشباب عبأ الاسلحة وراح يقتل الحرس الجمهوري؟

الشوارع فيها اكتر من 30 الف قطعة سلاح من احداث الجمعة والسبت ولا يمنع الامر ان يكون بعضها مع ناس من الموجودين في التظاهر
ولما حد يروح يحاول يدخل القصر الجمهوري او التليفزيون اللي المفروض الحرس الجمهوري والجيش وظيفتهم حمايتها ويتطور الامر لاعتداء المتظاهرين عليهم يبقي المفروض يفتحوا لهم الابواب ويفرشوا الورد والرمل ؟
طبعا هيتقلوهم ويبقي المعتدي هو المتظاهرين

بس لي كلمة موجه لفئة معينة ومش للكل
مالكم يا شباب البلد
يا اللي لسه عايشين عصر فرعون مش ناويين تلحقوا بالاحرار
ولا عايزين تفهموني ان الريس حقق بعض المطالب اللي لازالت نوايا لانه رجل مخلص ووطني ومحققهاش غصب عن عينه
من يوم مظاهرات الجمعة وانتم كفاية كده ويحصل تنازل
وتاني يوم تقولوا كفاية كده ثم يحصل تنازل وثالث يوم وهكذا
وفرحانين ان الرئيس استجاب لمطالبكم ويالا على بيوتكم علشان الحياة تمشي
عايز واحد بس يقولي ايه اللي اتحقق من مطالب دفعنا ثمنها اكثر من 300 شهيد
حد يقول لي مطلب واحد بس اتحقق
ولما نقول مفيش فايدة غير الراجل ده يمشي تقولوا لأ بلاش اصل احنا خايفين على البلد والحقيقة انكم خايفين من بعبع الحرس الجمهوري اللي عمال تنفخوا فيه وترهبوا بيه الناس

وما نيل المطالب بالتمني
و لا نامت اعين الجبناء

حضرتك في سينا لو شايف ان كلامك كله صح فيه فرصة تلحق تنزل القاهرة وتشارك بكرة بعد صلاة الجمعة ده الراجل بتاع حماس وصل غزة في 6 ساعات انت مش هتعرف تيجي من سينا في 7 ساعات ؟
وبلاش تتهم الناس بالخوف لمجرد انها مش عايزة تدخل في حرب مع اخواتها في الجيش سواء جيش او حرس جمهوري وورينا شجاعتك انت واهل سينا ضد اليهود
والمطالب اتحقق معظمها والباقي لازم ياخد وقت وهايتم بضمانة الجيش ومش عايزين حد يزايد علينا لاننا اللى اتبهدلنا في المظاهرات

**abf-nassar** · 11-02-2011 06:00 AM

خسارة والف خسارة
دماء شهداء سالت من اجل مطالب مشروعة وفي النهاية تذهب هباء
فكر شباب ثورة 25 يناير الذي هز اركان النظام يذهب هباء
اقتصاد بلد ضاع علي امل الاصلاح بتحقيق التغيير وتعويض مافات ولكن الف خسارة
عفوا اخواني اسمحوا لي بأن اقول اذا كان مبارك ديكتاتور ففي ميدان التحرير الان مليون ديكتاتور لايستمعون الي اخوانهم او الي الشعب
اصبح لقب مصري يطلق فقط علي من يقول نعم للتحرير
ومن يعارض يكون هناك قائمة بالاوصاف -- خائن -- عميل -- جبان ----------
من ينادي بالحفاظ علي ماتبقي من اقتصاد مصر يصبح خائن
من ينادي بالانتظار حتي انتهاء مدة الرئاسة يصبح عميل
من ينادي بعدم الاصطدام بالحرس الجمهوري يصبح جبان
من يطالب بالاستماع الي صوت العقل والحكمة في التصرف يصبح غبي
ما الذي يحدث في مصر
لماذا قرر اصحاب ميدان التحرير انهم هم المصريون وما عداهم خونة
لماذا يعتبر اصحاب ميدان التحرير انهم اصحاب الرأي وما عداهم من مصريين ليس لهم رأي
من الذي منحهم الحق في التحدث باسم 85 مليون مصري
من الذي منحهم الحق في تصنيف ابناء الشعب المصري حسب اهوائهم الشخصية
الان نحن ننتظر وقوع الكارثة التي كنا نحذر منها وتم اتهامنا باننا عملاء للنظام وخونة للبلاد
الله وحده قادر ان يرد الي هؤلاء الناس عقولهم حتي تنجو البلاد مما يحيق بها من كوارث
الحرس الجمهوري سوف يتعامل مع اي شخص يحاول اقتحام محيط القصر وهذه حقيقة وليست من قبيل الجبن والخنوع وتذكروا مافعله عده افراد من حراسة الرئيس في اديس ابابا وعدد القتلي اللذين وقعوا نتيجة تعرض الرئيس لمحاوله اغتيال
تذكروا انهم قتلوا كل من كان بهذا الشارع في بلد غريبة بمنتهي القوة
ابتعدوا عن الاصطدام بالجيش والا فليرحم الله ارواح الضحايا من الجانبين
ولله الامر من قبل ومن بعد

**Col. Eng. Khaled** · 11-02-2011 06:05 AM

المشاركة الأصلية كتبت بواسطة abf-nassar

خسارة والف خسارة
دماء شهداء سالت من اجل مطالب مشروعة وفي النهاية تذهب هباء
فكر شباب ثورة 25 يناير الذي هز اركان النظام يذهب هباء
اقتصاد بلد ضاع علي امل الاصلاح بتحقيق التغيير وتعويض مافات ولكن الف خسارة
عفوا اخواني اسمحوا لي بأن اقول اذا كان مبارك ديكتاتور ففي ميدان التحرير الان مليون ديكتاتور لايستمعون الي اخوانهم او الي الشعب
اصبح لقب مصري يطلق فقط علي من يقول نعم للتحرير
ومن يعارض يكون هناك قائمة بالاوصاف -- خائن -- عميل -- جبان ----------
من ينادي بالحفاظ علي ماتبقي من اقتصاد مصر يصبح خائن
من ينادي بالانتظار حتي انتهاء مدة الرئاسة يصبح عميل
من ينادي بعدم الاصطدام بالحرس الجمهوري يصبح جبان
من يطالب بالاستماع الي صوت العقل والحكمة في التصرف يصبح غبي
ما الذي يحدث في مصر
لماذا قرر اصحاب ميدان التحرير انهم هم المصريون وما عداهم خونة
لماذا يعتبر اصحاب ميدان التحرير انهم اصحاب الرأي وما عداهم من مصريين ليس لهم رأي
من الذي منحهم الحق في التحدث باسم 85 مليون مصري
من الذي منحهم الحق في تصنيف ابناء الشعب المصري حسب اهوائهم الشخصية
الان نحن ننتظر وقوع الكارثة التي كنا نحذر منها وتم اتهامنا باننا عملاء للنظام وخونة للبلاد
الله وحده قادر ان يرد الي هؤلاء الناس عقولهم حتي تنجو البلاد مما يحيق بها من كوارث
الحرس الجمهوري سوف يتعامل مع اي شخص يحاول اقتحام محيط القصر وهذه حقيقة وليست من قبيل الجبن والخنوع وتذكروا مافعله عده افراد من حراسة الرئيس في اديس ابابا وعدد القتلي اللذين وقعوا نتيجة تعرض الرئيس لمحاوله اغتيال
تذكروا انهم قتلوا كل من كان بهذا الشارع في بلد غريبة بمنتهي القوة
ابتعدوا عن الاصطدام بالجيش والا فليرحم الله ارواح الضحايا من الجانبين
ولله الامر من قبل ومن بعد

يا عزيزي تأمل ما بتوقيعي - بنفس لون كتابتي - من كلمات صلاح جاهين

**dr-mohamed** · 11-02-2011 06:16 AM

المشاركة الأصلية كتبت بواسطة i_am_legend

هو كل حاجة الجيش الجيش_هو الجيش دة سوبر مان مثلا...دول مصريين زينا زيهم_وماحدش فيهم هايلمس مصرى_دول وظيفتهم رد العدوان الخارجى_ودول ناس لحم ودم زينا_ياريت مانهولش المواضيع_الريس مش سهل ودماغة سم وماكر جد جدا_ومش هايمشى وبيستغل طيبة المصريين_إنا زهقت بجد _من القرف دة_وبقالى شهر قاعد فى البيت بدون شغل_والشركة إستغنت عن كل الناس الجديدة_انا بقيت للاسف يطلق عليا كلمة عاطل_ومش عارف اشوف شغل جديد_بسبب الأزمة الحالية ومش عارف هاعمل أيه

لو الناس فكرت تدخل التليفزيون او القصر الجمهوري الجيش او الحرس الجمهوري هيقتلوا ويضربوا في المليان لان ده واجبهم الحفاظ علي الدولة في الداخل والخارج
ويا ريت الكارثة دي متحصلش والازمة كلها تخلص بسرعة لعشان انت وغيرك تعرفوا تلاقوا شغل بسرعة لان لو حصل حاجة بكرة هايبقي امامنا ايام سودة اوي

-

-

الموضوع: هما لحقوا وصلوا مصر الجديدة

LinkBack

أدوات الموضوع

عرض

-

-

-

المواضيع المتشابهه

الصعايدة وصلوا !!!

شوفو اليابانيين وصلوا لدرجة إيه ؟؟؟؟؟؟

الاسرائليون وصلوا للمنتدى !!! لا أهلاً ولا سهلاً

حازم خضر ونادر وصلوا يارجالة!

الكلمات الدلالية لهذا الموضوع

المفضلات

المفضلات

ضوابط المشاركة