العفو يا فندم فعلا دي حاجة مختلفة ......بس مش كل الكلاسيك زي ما الناس معتقده
انا كان معايا w116 450 se 1978 فبريكة برة وجوة بس ماليانة بارومة
بس بجد العربية دي لغاية دلوقتي مش هركب زيها تاني ابدا ولا تمساحة 200 ولا زلموكة 200 ولا اي عربية تانية الا ال w 126
بس للاسف استهلاك بنزين وضريبة عالية ومش اي حد يفهملها وقطع الغيار معدش حد بيجيبها في الشونة لان انا من بورسعيد
وسعرها ارخص من ال 200
عربية مالهاش حل بس دي كانت زمن وعدت وقتها انتها
اديتها لخالي وجبت bmw دبانة بالعافية عبال مالقيت عربية تنفع تتركب بعدها
مجهود رائع
الله اكبر ايه ده تور فالكبوت لأ ماشاء الله دماغ الالمان دي مشكلة شكرا عالموضوع الجميل ده اللي استمتعت بي جدا متعتنا والله ياباشا
450 ...الله عليك يا باشا ..بس المشكلة البارومة دي بلوه لوحدها
الW116 دي S-Class و دي اعلي فئة في المرسيدس كلها فماينفعش تقارنها E-Class ركوبة الS تكسب و كمان دي موتور 8 سلندر يعني حاجة مختلفة تماما عن ال4 سلندر ...اما الW126 دي كلام عاااالي خالص انا ولدي كان معاه 500SEL ....عظمة علي عظمة
و موضوع الاستهلاك طبعا ....حضرتك 8 سلندر عمر ما حد شكر في استهلاكه و لا قال انه اقتصادي و كمان ال116 بالنسبة للفترة اللي اتصنعت فيها و فئة العربيات المنافسة لها زي الكاديلاك و اللنكولن ...كانت اقتصادية عشان انجكشن ....و قطع الغيار انا بعرف اتصرف فيها
و موضوع وقتها عدي ....في بردو عربيات كتير وقتها عدي و لسه الناس بتستخدمها زي اابيجو ال504 و الW123 و الW115 و عربيات كتير لسه بتجري في الشوارع
انا بالنسبة ليا انا بعشق العربيات الكلاسيك و العربية بالنسبة ليا هواية اكتر منها وسيلة نقل
انا كنت بافكر ابيعها و جابت سعر كويس جدا خصوصا ان عربيتي حالتها رائعه بس نفسي ماطوعتنيش و قررت اكمل شوية شغل فيها و ابقي اركنها و اجيب حاجة تانية لو احتجت ...و هيا بالفعل عربية تستحق
بجد فعلا العربية دي شكلها 100 100 ومش بيبطل ابدا احلى عربيتين عملتهم مرسيدس 116 متانة و 126 شياكةاقتباس:
الW126 دي كلام عاااالي خالص انا ولدي كان معاه 500SEL ....عظمة علي عظمة
بس انا لما ركبت bmw لقيت فرق في استهلاك البنزين وناعمة شوية عن المرسيدس بس مش نفس المتانة
أولا شكرا جدا علي التقرير الأكثر من رائع
ولي ملاحظه
http://a3.sphotos.ak.fbcdn.net/hphot..._4525533_n.jpg
العربيه بتبتسم
لو حد واخد باله يقولي ولو تهيئات قولولي أنا بقالي سنين بحس أن العربيات المرسيدس موديلات التمنينات وما قبلها بتبتسم لي
أنا عاشق لهذه الماركه
تقرير اكثر من رائع
انا شخصيا اعشق الكلاسيك لاكن للاسف اقتناءه غير عملى بالمرة
ان شاء الله لما الدنيا تزهزه معايا ابقى امارس الهواية دى