الموضوع: بيـــان المجلس الأعلى للقوات المسلــحة رقــــم (2)

المشاركة الأصلية كتبت بواسطة محمد عز

كلما تقدم الوقت ادركت ان اللعبه اكبر مما اتصور

وادركت ان النظام المصرى يملك جميع خيوط اللعبه

ويحيك مؤامرة على الشعب لا يبلغ مداها الا الله

تارة يصور لنا اناس انهم مع الشعب مع ان ولاءهم التام للنظام

وتارة أخرى يجعل الناس تثق فى اناس وقوى ، هم فى الاساس يتحركون باوامره ولا يردون له كلمه

لقد وصلت الى قناعه بان الجميع متواطىء

نرى صور ومشاهد هم بالقصد يفعلونها كى نبنى عليها استنتاجات واراء هم يريدون ان نقولها بارادتنا .....انها حقا لعبه كبيره

لا اثق فى الرئيس او وزراءه

ولا اثق فى قادة الجيش وقواده

لقد مر 17 يوم ولم ارى الا خداعا واستخفافا ....

لنا الله

أسمحلي كفاية مش وقت التشكيك وأثارة الفتن...........عايزينهم يبوسوا أيد الناس علشان يصدقوا والله لو عملوا أيه لا هايصدقوا ولا هيروحوا بيوتهم

أصلا مهما حصل وحته لو مبارك اتنحي هتفضل المطالب مش هتخلص وده الي واضح من اولها كل ما يتحقق حاجه من المطالب هيفضل فيه اكتر......
طبعا معظم شعب مصر ان مكنش كله متفق على ان مبارك لازم يمشي بس المشكله هوه يمشي دلوقتي ولا بعد سبتمبر
وللأسف ان كل طرف بقه مسمي الطرف التاني بالعميل والخاين .. والحمد لله قربنا نقلب زي لبنان والعراق
بس لو اي حد فكر بالعقل هيعرف ان مبارك لازم يفضل علشان لو مشي دلوقتي حاجه من الاتنين يا الجيش هينط على السلطه يا هيجي واحد ببراشوط ينط ونرجع لنفس الوضع...

يا جماعة يا ريت منظلمش الناس اللي في التحرير
لو الناس مشيت بعد 25 يناير هل كانوا وصلوا لعشر اللي وصلوله دلوقت؟
هل من المنطق ان الاف مؤلفة من الناس تضحي بنفسها وتقف في وجه المدفع بدون هدف وهما مش فاهمين حاجة؟؟

تعالوا نفكر بالعقل ونركن العاطفة والخوف على جنب:
(بداية انا لا ثورجي ولا تبع النظام ، انا واحد نفسه مصر تبقى افضل واضطرتني الظروف اتغرب عشان اعيش في مستوى افضل مقدرتش اعيشه في بلدي)

حاليا تقريبا دور الشرطة شبه عديم الفائده.
الجيش واللجان الشعبية هما اللي حافظين الامن سواءا في وجود النظام أو في عدم وجوده
اذا الجيش هو الورقة الوحيده للحفاظ على الامن الداخلي والخارجي.

على المستوى الداخلي
ابناء الجيش هم ابناء الشعب وبالتالي لا يمكن ان يتصارعا
الجيش مؤسسه غير قابلة للفساد مهما فسد بعض قادتها، لأن كل قائد في الجيش هو قوة كامله بما تحته من جنود وطبعا القوة الشريفة أعظم بكتير جدا من غيرها، والقيادات الفاسده قوتها لن تطيعها ضد اهلها.

على المستوى الخارجي
اذا كانت اسرائيل عاملة حساب لمصر ، فخوفها من الجيش المصري وليس من النظام، والدليل الرعب الشديد اللي هما حاليا فيه لما قد يتغير من سياسات النظام الجديد تجاه امنهم واستقرارهم، يعني هما اللي حيموتوا ويحافظوا على السلام وبالتالي لن يجرؤوا على البداية بالاعتداء

يبقى حاليا الجيش هو الحصان الرابح اللذي يراهن عليه كافة المصريين
يبقى الخطر الوحيد اللي حيقابلنا هو خطر تأثر الاقتصاد المصري بالموقف، ولو شوفتوا كم المال المنهوب من مصر، اظن انه هيعوض الخسارة دي بفرض اننا مطلعناش كسبانين.
حتى لو معرفناش نجيب الفلوس اللي راحت، تنظيف البلد [overline]جذريا [/overline]من الحرامية حيفرق كتير جدا في سرعة النهوض بمصر مرة اخرى.

بالنسبة لبابا حسني،
لو انت ضابط شرطة شريف ووالدك سرق أو قتل أو ارتكب اي جريمة، حتقدمه للمحاكمة عشان ياخد جزاؤه ويبقى عبرة لغيره من ضعاف النفوس ولا لأ؟؟

هل ده حينتقص من قدرك أو من تاريخك المهني ولا بالعكس حيرفع قدرك ويخلي الناس تهابك وتعمل لك حساب بالحق؟

أيهما افضل ، الجيش يضمن النظام الغير موثوق فيه في اجراء عملية الاصلاح ويبقى في احتمال ولو واحد في المليون انهم يطلعوا كدابين؟

ام الجيش هوا اللي يمسك زمام الامور ويتعهد بالاصلاح وفي الحالة دي حيبقى الضمان 100*100؟؟

بالنسبة للناس اللي خايفة من الجيش والحكم العسكري،

الجيش وعد انه يحقق امال وطموحات الشعب بالاصلاح السياسي وتكون الدوله مدنية، فهل تعتقد ان الوعد ده فقط في وجود النظام أم هي سياسة مستقبليه كامله للجيش؟

وجهة نظري اللتي قد تكون خاطئة،
نصبر شوية، احنا حققنا كتير، النظام واضح من كم التنازلات اللي بيقدمها انه في موقف في قمة الضعف، النظام بدأ بالمقاومة الشرسة باستخدام كل القوى الشرعية زي الشرطة والغير شرعية زي البلطجية والمساجين اللي هربوهم، وبعد ما استنفد كل مقاومته بدأ في التنازلات شيئا تلو الاخر. (وطبعا لم يستطيعوا توريط الجيش في عملية القمع القذرة)


واخيرا، اختلاف الرأي لا يفسد للود قضية

البيان اتذاع دلوقتي رسميا