والله العظيم دي فرصتنا ... لو مقتنصنهاش خلاص قول على مصر السلام ... هنعيش طول عمرنا خانعين خاضعين وابقى سلملي ع الديمقراطية .. المبادئ لا تتجزأ .. ليكن مبدأنا واحد هو اسقاط الظلم والطغيان والفساد المتمثل في مبارك ونظامه دي اللحظة اللى جيلنا والجيل اللى قبلنا حلم بيها .... والاعلام للأسف موصلكم ان احنا كده خلاص حققنا كل حاجة زي بالظبط بعد الخطاب التاني لمبارك طلعوا علينا وقالولنا خلاص الثورة حققت اهدافها قاعدين ليه ارجعوا لبيوتكم وطبعا بعد الناس صدقت هذا الافاك الكذاب وبعديها بساعات حصلت مذبحة التحرير ... وبعد ايام الناس نزلت الشارع تاني وبأعداد أكبر وبعض اللى كان متعاطف مع الخطاب تراجع ونادى باسقاطه .. وللأسف دلوقتي وبعد الخطاب التالت وخطاب النائب والجيش بعض الناس ظنوا انهم كده خلاص الثورة حققت أهدافها كلها .. ودا كدب الثورة حتى الأن لم تحقق مطالبها ... مازال النظام الفاسد قائم ... وكل كلامه عبارة عن وعود مزيفه استحاله تتحقق في وجوده ... لسه مبارك موجود لسه حكومته موجوده لسه الحزب الوطني قائم ... قانون الطوارئ موجود الاعلام المضلل مازال يبث أكاذيبه ... ياريت تفوقوا والله العظيم الفرصه دي مش هتتكرر تاااااااااااني.
المفضلات