البداية ان كل واحد يقف وقفة مع نفسه بجد ويحسن نفسه للاحسن ويبص للبلد دى بجد ويخاف عليها بعد كدة بجد
عايزين كلنا نقرب من ربنا وكلنا نخاف على مصر
اللى بيرمى زبالة في الشارع ما يرميش
الناس تنزل مع جيرانها مع بعض وينضفوا الحى اللى هم فيه
نعطف على الفقراء والمساكين
اللى كان بيكسر اشارة او بيكسر سرعة يبدأ بجد يلتزم بقواعد المرور ويغير سلوكياته في السواقة
اللى بينه وبين حد اي خصومة يبدأ بالسلام فورا ويعفوا ويصفح
اللى شغال في مصلحة حكومية وبيعامل الناس على انها حيوانات وبياخد رشوة من ده وبيذل ده ، يبدأ يتعلم الدرس ويتوب ويبدأ بداية جديدة
اي حد يشوف اي تقصير او اي فساد او اي محسوبية في اي مكان يبلغ المسؤولين فورا
عايزين ننهى السلبية تماما
الناس اللى كانت عندها مشاريع وكانت بتتحارب تبدأ تنفذ مشروعاتها
الناس اللى عندها افكار عظيمة للبلد ومحدش كان بيعبرهم تبدأ بداية جديدة مع الحكومة الجديدة
حمد لله على سلامتك يا مصر .. ده انتى اتأخرتى اوى
المفضلات