الممثل احمد عيد فضح برنامج 48 ساعة وقناة المحور اللى كانت بتسبح بحمد حسنى مبارك
احمد عيد مسكهم عزئهم علشان المذيعة اللى جبوها ودلوقت بيقلهم انهم بتقولى كلام غير الكلام اللى كنتوا بتقلوه قبل تنحيه الرئيس
عرض للطباعة
الممثل احمد عيد فضح برنامج 48 ساعة وقناة المحور اللى كانت بتسبح بحمد حسنى مبارك
احمد عيد مسكهم عزئهم علشان المذيعة اللى جبوها ودلوقت بيقلهم انهم بتقولى كلام غير الكلام اللى كنتوا بتقلوه قبل تنحيه الرئيس
علشان كده دلوقتي جايبين حصاد لهم من يوم 25 يناير
وجايبين فيها الناس اللي كانت مؤيده للثورة اللي هما كانوا بيسخروا منهم بعد ما يمشوا مع المؤيدين للنظام
زي عصام سلطان المحامي
جايبين المقطع بتاعه مع انهم بعديها اقعدوا يسخروا منهم وكانوا بيهاجموه جامد جدا في الحلقة دي
ده غير طبعا البت الصحفية المتفبركة
وغيره وغره وغيره
ودلوقتي جايبينلك سيد بيشتم في الحزب الوطني
عالم منافقة والله
انا اساس مش بقبل سيد ده من يوم حلقة عملها مع اشرف السعد وبصراحه كان شكله وحش جدا فيها لأن اشرف السعد دلق عليه جردل ميه ساقعه بسبب تخلفه
بصراحه من ساعتها نزل من نظري لأن انفعاله كان زي العيل الصغير بالظبط وبعدين كلم مرتضى منصور وبيقوله دخلوا الأستاذ مرتضى دلوقتي علشان يرد على اشرف السعد أكنه بيقول سيبوا عليه الكلب البوليسي ده
انا ولا باطيق سيد علي ده ولا باطيق هناء السمري
كنت باحس انهم ........... ولا بلاش
محدش عنده رابط للفيديو بتاع المكالمه دى
هناء دى فعلا منافقه درجه اولى...كانت الاول بتقول ميصحش نغلط فى الريس كده ودلوقتى عماله تضحك وتقول ياجماعه اللى كان بيحصل فى التحرير حجات غريبه
الوليه دى عايزه ........... من الاخر
بالنسبه لى... والله لو عملوا اراجوزات خلاص انتهوا مع النظام الى كانوا بيدافعوا عنه
[youtube]http://www.youtube.com/watch?v=KCXPiChu5UA&feature=player_embedded[/youtube]
رابط اخر
[youtube]http://www.youtube.com/watch?v=1qfQO8t4OSI&feature=player_embedded#at=412[/youtube]
شوفة حلقة يوم 25 يناير ...فعلا كان بيهاجم هو وهى بطرية بجد كانت مستفزة جدا
الواد احمد عيد دة راجل
ههههههههههههههههههههههه
والله يا عيد انت راااااااااااااااااجل
العالم دى مش حاسين بنفسهم لأ وكمان اسامه سرايا منزل بكره مانشيت الاهرام الشعب اسقط النظام
المنافقين دول لازم يولعوا بجاز بسبب الى عملوه فى البلد من تشويه وفتنه
اتفرجت على الحلقه من قبل مكالمة احمد عيد بدقائق
المكالمه كانت مفاجأه من العيار الثقيل على الهوا
وبعدها البرنامج تحول الى دفاع مستميت عن موقفهم
واستضافوا رئيس التحرير في الفقره التاليه وقعد يشرح انه منهك
وبيحرس بيته في العبور وبلا بلا بلا ........
واحضر مستندات الصحفيه قدمتها له
والفقره اللي بعدها اذاعو حصاد البرنامج خلال ايام الثوره
وهناء السمري كانت تبكي في فقرة عمرو خالد من التأثر
تعاطفت معاهم شويه بس انا ماشفتش خطابهم قبل وأثناء الثوره
علشان الحكم يكون صحيح
انا شفت الحلقة وفعلا احمد عيد هاجمهم اوى وعنده حق طبعا .وقبل ما الحلقة تنتهى حسن راتب كلمهم علشان يشكر فيهم وفى القناة ويوضح الموقف .المفروض حتى لو ليهم راى تانى ما يشتموش فى الشباب ولا يتكلموا عليهم بسخرية
تسلم ايدك
ماتنسوش ان هناء سمرى دى فضلت مراسلة التليفزيون المصرى من رئاسة الجمهورية مدة طويلة جدا وده كان سبب أساسى لمساعدتها من الرئاسة علشان تدخل للفضائيات فلازم تدين بالولاء لحسنى مبارك.طبعا هناء لازم تعمل كدا وتنافق حسنى مبارك لغاية أخر نفس لحسنى مبارك لكن لما يقع بتغير موقفها 360 درجة
الواد ده من الآخر راجلللللللللللللل بكل ماتعنيه الكلمة من معنى
أما بالنسبة للبت هناء وسيد بيه قشطة فدول أقل بكتير إني أضيع وقتي وأعمل كومينت عليهم
احمد عيد قال الى كنت هموت وقولة فى وشهم
بعد سقوط مبارك استضاف البرنامج الساقط 48 ساعه كل من مصطفى بكرى "المنافق" وخالد صلاح ووائل الابراشى مقابل 100 لف دولار لكل منهم لتحسين شكل القناه بعد تورطها بتغطيه اجراميه تجاه شباب الثوره ، وفى الفقره الاخيره استضافت عمرو خالد مقابل ربع مليون دولار فى محاوله لحفظ ماء الوجه القبيح لسيد على وهناء السمرى ومالك القناه بعد ان فضحهم الفنان الشاب الجميل احمد عيد ، المؤسف عقب مكالمة احمد عيد تدخل معد البرنامج المعتوه بمكالمه هاتفيه من كذاب الزفه المحامى الساقط مرتضى منصور فى محاوله بائسه لانقاذ البرنانج والمذعيين وقناة الحزب الوطنى التى تدافع بشراسه عن النظام وفساده التى هم جزء لا يتجزاء منه، ودفاع حسن راتب المميت عن النظام هو دفاع عن مصالحه الشخصيه لكونه اكبر سارق لاراضى سيناء والتجمع الخامس فى عهود النظام المستبد حسبنا الله ونعم الوكيل ونهيب بالنائب العام باحالة كل من تورط باجهاض الثوره للتحقيق ومصادرة امول لصالح الشعب البائ
فعلا قدره غريبه على التلون
المتلونون
عمري ما قدرت أتفرج على 5 دقايق من البرنامج ده
الناس دي تروح تفتح قهوة و لا كشك سجاير و لا يقعدوا في بيوتهم أرحم ليهم و لينا
والله يا مزجنجي انت خدتها من على لساني لان الناس دي بقالهم اسبوعين تعبني ومعرفش اكمل 5 دقائق في البرنامج
على بعض والمشكلة اني ارجعلهم تاني لعل يغيرو طريقة النفاق والخنشرة بتاعتهم انا اسف اني بقول كدا وربنا يسامحني لاني اتكلمت على عيب فيهم ودا غيبة ونميمة
بس انا اتفلقت منهم والحمد لله فرغت الاج والشحنة في المنتدى هنا وربنا يهدينا جميها
تحيا مصر
هناء سمري اصلا كانت مراسله الريس للتلفزيون المصري كانت معاه في كل السفريات
المحور اصلا بتاعت حسن راتب من كبار الحزن الوطني
المحور كانت القناه الخاصه الوحيده الي بتجيب دعايه الحزن الوطني
ديه سبوبه
يعني ياباشا كل كلام حلو والله
بس مصطفي بكري ازاي منافق
ولو هوا كمان منافق وائل الابراشي واخد فلوس
وكمان خالد صلاح
وكمان عمرو خالد
يعني بلاش نرمي التهم جزافا علي الناس بدون ادله
عشان منبقاش زي الحكومه القديمه
كلام كلام كلام ومفيش اي دليل ولا ورقه حتي تبين صدق الكلام ده من عدمه
القناه زفت ومعروف اتجاهها من اول الثوره
والثوره فضحت وجوه كتير اوي وهما كانوا جانبين
لازم يتاخدوا
ياجمب مبارك
ياجمب الثوره
واللي يكسب
الطرف التاني مش حتسمعله صوت
وسط الطرفين في فرقه طبل وزمر
مش فارق معاهم حد ولا مين ولا ليه ولا بكام
لدول حيزمروا ولدول حيطبلوا
مش حتفرق بقي
اهم حاجه
اننا عرفناهم وعلمنا عليهم
متزعلش مني بس فعلا انتا مقولتش اي دليل علي المبالغ دي ولا حتي قلت ان الخبر منقول من اي حته
ياريت فعلاً توضح لنا موقفك من الاستاذ مصطفى بكرى, لانى كنت ناوى ارشحه فى دائرة حلوان, لما يعملوا انتخابات ان شاء الله.
اكبر منافقين فى الاعلام
و يا ريت نضيف ليهم خيرى رمضان اللى مش هانسى بداية حلقة يوم 24 و التريقة على دعوة الثورة و ايضا الحلقة اللى كان بيتهم فيها خالد سعيد بانه مسجل خطر ومدمن
اصيييييييييييييييييييييل
وشكرا علي الرابط
انا كنت والله باعتقد ان مصطفي بكري من المعارضة واتابع مقالاته وصولاته وجولاته لكن في احد حوارته في القنوات الفضائية
ذكر ان الفساد المنتشر في البلد بسبب فساد الحكومة و الحاشية وهذا كلام صحيح لكن هذا يتم بدون علم السيد الرئيس وان السيد الرئيس في مكانه عاليه جدا ولا يبلغ بالاخبار الصحيحة ولو قام بتغيير الحاشية فقط
لانصلح حال البلاد والعباد :majd(4)::majd(4)::majd(4): طيب ازاي
واانا من ساعتها لا اطيق ان اسمع او اراه في اي حوار او قناة
ثم اين قضاياه ضد ابراهيم نافع وسمير رجب و غيرهم
واعتقد والله اعلم انه مجرد فرقعة اعلامية ( بالونة هواء ) ليتحدث الناس بان هناك حرية للرأي فقط لا غير
يا اخواننا مصطفى بكري فعلا منافق
اسألوا حتى اي حد من المعارضة الحقيقية , دول كانوا بيسموه اللوا بكري و المخبر بكري
تابعوا حتى مواقفه من زمان هاتلاقوه على طول يهاجم وزير ولا بتاع ده اخره , انما دايما نطالب بتدخل السيد الرئيس لإنقاذنا و انا مش فاكر له اي موقف هاجم فيه الرئيس او ابنه او اي حد من اتباعه المباشرين