من فضلكم بلاش مواضيع تحث على تصفية الحسابات
مصر أولا
سواء أتفقنا أو أختلفنا كلنا مصريين
عرض للطباعة
من فضلكم بلاش مواضيع تحث على تصفية الحسابات
مصر أولا
سواء أتفقنا أو أختلفنا كلنا مصريين
مع احترامى لكلام حضرتك ورايك .بس ما تقدرش تعمم .يعنى انا شغلى مش هيتاثر بحاجة والحمد لله .لكن الواحد كان مع الثورة من الاول وبنقول شىْ رائع ومحصلش قبل كده وكلنا كنا نفسنا فيه .لكن قلنا نفكر بعقل علشان ما نخسرش المكاسب اللى وصلنا لها .لكن ده مش معناه ان احنا ضد الثورة وضد الناس اللى فى ميدان التحرير .لات احنا من الاول معاهم لكن لما نبقى خايفين على البلد وامنها واستقرارها وخايفين من الفوضى ومن الكساد ده مش غلط .كلنا عارفين ان كان فى فساد ومحدش اختلف على كده وكنا عايزين التغيير والحمد لله حصل .وكل الناس ساهمت فى الثورة باختلاف الدرجات طبعا يعنى اللى كان فى ميدان التحرير ساهم وقام بالثورة .واللى عمل خير وساعد الناس اللى اتاذت من الثورة علشان وقف الحال فى اشغالهم يبقلى برضوا ساهم .والراجل اللى حاله وقف وبيشتغل باليومية وخسر يوميته علشان الثورة برضوا ساهم .انا باقول الكلام ده علشان اوضح لحضرتك بس ولك خالص احترامى.
هى مصر خسرت كام عشان تحرر سيناء ....
الاف الشهداء و المصابين و الضحاية و دة غير ملايين الدولارت اللى اتصرفت على التسليح و الجيش و الخسائر الاقتصادية الفادحة لمدة سنين
كل دة عشان احنا نروح نتفسح فى شرم الشيخ و العريش بامان فى ارضنا
مش مستحملين كام يوم خسارة عشان نتخلص من احتلال وطنى لا يفرق عن الصهاينة فى شىء
عاوزين حرية و ديمقراطية و عدالة مجانية كدة من غير ثمن ..ازى يعنى
امال لو حصل عدوان جديد على مصر حتعملو اية
اولا مكانتش الناس كلها واقفة وقفة واحدة ضد الظلم
فيه ناس كتير وقفت ضد الظلم وناس تانية موقفتش في اي حاجة
وناس تالتة عملت مظاهرات بس مش علشان الثورة لا علشان يزودوا العلاوة من 7ونص % الى 10% وناس عملت مظاهرات علشان تتثبت في شغلها وناس عملت مظاهرات علشان المدير يمشي وكل دول كانوا وما زالوا بيشتغلوا
لما تيجي بقة على الناس اللى فقدت مورد رزقها تماما ومنهم ناس شغلها مش هيرجع تاني قبل سنة وتقول دول انانيين يبقي مش معاك نهائي
ايوة تراعي مشاعر الناس اللى بيوتها اتوفقت ومش عارفة هتصرف على عيالها ازاي مش تدخل تعايرهم وتقولهم يا اعداء الحرية كسبناكم
لو عدم مراعاة الاخرين والاستهانة بظروفهم وانهم منهم ناس مش عارفة تعمل ايه وتاكل عيالها منين حرية بعيدها مرة تانية مش عايز الحرية دي وانا حر ولا الحرية انك تقول اللى انت عايزه وبس وانك تستهين بمشاعر الناس وبس
الراي والراي الاخر هي دي الحرية
وبلاش حكاية ناس دفعت حياتها التمن وناس مش عايز تخسر شغلها وتقعد جنب عيالها مش عارفة تاكلهم ازاي
لان اللى راح ودفع حياته التمن او اصيب راح بارادته ودفع تمن اختياره
انما الناس اللي شغلها اتقفل او مرتباتها اتخفضت للربع محدش منهم اختار ده
ولعلمك انا شاركت في الدعاية للثورة قبل ان تنشأ وشاركت في جميع ايامها عدا يوم الاربعاء 2-2 واصبت فيها لكني راضي باختياري والحمد لله
ومرة تانية بوضح لك يمكن لم تركز في مشاركتي الاولي لم ولن يتاثر مرتبي بالثورة لكني اراعي مشاعر الناس
يا استاذ شيمي هذا وقت اتهام الاخرين بانهم اعداء الثورة حتي لو كانوا شاركوا فيها حتي لو كانوا لم يعترضوا عليها لكنهم يشكون همهم في كيفي يدبرون احوالهم في اول الشهر ويا تري الولاد هيفضلوا في المدرسة الخاصة ولا لا ؟ هيقدر يديهم الدروس الشهر الجاي ولا لا ؟ هيقدر ياكلهم اصلا الشهر الجاي من غير سلف ولا لا ؟
انا وضحت من البداية انى مش شماتان فى حد و لا اريد تصفية حسبات او خلافة و احترم كل واحد كان خايف من الفوضى او من انفلات الوضع لما هو اسواء
لكن كلامى كلة عشان نتعلم من الدرس و نثبت على مواقفنا للنهاية ..لانهم كانو بيراهنو على كدة بيراهنو على رزقنا و اكل عشان و اننا مش حنصمد كتير و يرجع الوضع كما كان و كأن شىء لم يكن و يتم اجهاض الثورة ببطء و بالراحة فى الخفاء
ملعون ابو الفلوس ادام حياه واحد ضحى بحياته علشان حريته
ملعون ابو الفلوس لما تاخدها وتذل بيها او تتعامل بيها من غير ادميه
ملعون ابو الفلوس لما يبقى بيتحكم فيها واحد زى عز وصفوت الشريف
ملعون ابو الفلوس لما اخدها وغيرى مش لاقى ياكل او يتجوز او يعيش حياه ادميه
ألي لسة مش فاهم.............يسمع البيان الرابع ويعتذر فورا للي كان شايف أن موضوع تنحي مبارك ليس له أي أهمية في المرحلة الحالية ولايشكل أي فرق جوهري ..........تحياتي للجميع