عرض للطباعة
السلام عليكم
هل فصل فيشة حساس الشكمان له تاثير ؟
العربية من فترة استهلاك البنزين كان عالى وبالتالى اتجهت لبنزين 80 وانا باعمل الصيانة يو م الخميس اللى فات عند احمد فرج فصل حساس الشكمان وقالى انه هو السبب فى استهلاك البنزين العالى وانه بيخلى العربية تبرجل وتطلع دخان اسود وهباب من الشكمان ودا كان بيحصل بالفعل
بصراحة بعد الصيانة كل شى ذى الفل واداء العربية ممتاز بس مش عارف هل فصل حساس الشكمان بياثر على حاجة تانى
ويا ترى سعرة كام جديد او استيراد
جزاكم الله خيرا
حساس الاكسوجين او حساس الشكمان وظيفتة لما يكون نسبة الخليط مش مظبوطة يدي تنبيه لوحدة التحكم علشان تظبط الدنيا عدم وجودة بيسبب عدم اكتمال عملية الحريق المثلى
بس الاول تشوف هو شغال و لا بايز و يفضل يتغير انا مش فاكر سعرة جديد كام
و طبعا لو الموتور عندك مش خفيف يبقي يفضل انك تروج تنظف رشاشات و تظبطهم عند حد عنده التراسونيك
و تنظف بوابة المنافولد و حساس الماف و الفيش و اغير الفلاتر و البوجيهات
اقتباس:
المشاركة الأصلية كتبت بواسطة ayabooy
شكرا جزيلا لردك
الحمد لله الموتور عندى مش خفيف وذى الفل ممكن تقولى مين افضل واحد ممكن ينظف الرشاشات وبوابة المنافولد وعندة التراسونيك
اما البوجيهات والفلاتر لسة مغيرها الخميس اللى فات عند احمد فرج
عندى مشكلة تانية هى ان فى دخان اسود بسيط بيخرج من الشكمان ولما ازود بيخرج بس مش بكميات كبيرة ذى الاول قبل تغيير البوجيهات والفلاتر وفصل حساس الشكمان برجاء الافادة
انت واثق ان حساس الشكمان بايز
حط العربية على برنامج Ids و شوف
ادخل دور في المنتدي على مواضيع تنظيف الرشاشات فيه واحد في المعادي اسمه مدحت كان ارخص واحد
لو حساس الشكمان عندك بايز غيره الاول
بالنسبة لتنظيف المنافولد و البوابة اي ميكانيكي يعملهالك
على النعمه الراجل ده بيقول كلام زى الفل .اقتباس:
المشاركة الأصلية كتبت بواسطة ayabooy
والله مش عارف ايه الحجات ديه .... وشكلها مش نظيفه عندى
ان شاء الله و انا بصلح فيستيتي هابقى اعملكم موضوع بالصور عن طريقة تنظيف البوابة و الحساسات
بس يا طارق عربيتك فيها ماب و مفيهاش ماف زي عندي و عند احمد
ممكن اعرف من الناس اللى بتصلح عند قطب هو عندة جهاز تنظييف الرشاشات ولا الجهاز بتاع التنظييف بيبقى فى ورشه وينفع لكل انواع السيارات
ممكن لو حد غيير الرشاشات قبل كدة سعرها كام وبتبقى استيراد ولا جديدة
شكرا
لا قطب معندهوش جهاز الترا سونيك
تمن الرشاشات استيراد بالمسترة في حدود 250 جنيه
بس قطب عنده برنامج مخصوص للعربيات المنتجة من شركة فورد
و اعتقد انك محتاج تتاكد ان موتورك مش خفيف
يعني ميكونش بياكل زيت
و مبيدخنش من الفايز و تنظف الحساسات كويس و تتاكد انها شغالة و كل حاجة على الوضع القياسي لها
ان شاء الله فى اقرب فرصة هاعمل زيارة لقطب
العربية بعد فصل حساس الشكمان ذى الفل ومفيش اى دخان اسود او اى عادم مش مظبوط ولكن الملحوظ ان العربية بتاكل بنزين واحيانا لما امور العربية او ادوس دبيرياج العربية تفصل غيركدة العربية تمام
نظف الحاساسات
و ركب حساس الشكمان
و راجع على شجرة خراطيم البي سي فالف و اتاكد انها شغالة و سالكة
و لو حد قالك ان العربية محتاجة خرطوم بي سي او خرطوم فايز و هما حاجة واحدة
بلاش تشتري الخرطوم الاصلي و خلي الصنيعي الي شغال في عربيتك يفصلهولك من خراطيم ناشفة و يركب عليها افايز و ميقرطش جامد علشان فبر المنافولد