حساس الشكمان فيستا 1998 1300 سي سي

**Ahmed Mubarak** · 12-02-2011 10:58 AM

السلام عليكم

هل فصل فيشة حساس الشكمان له تاثير ؟

العربية من فترة استهلاك البنزين كان عالى وبالتالى اتجهت لبنزين 80 وانا باعمل الصيانة يو م الخميس اللى فات عند احمد فرج فصل حساس الشكمان وقالى انه هو السبب فى استهلاك البنزين العالى وانه بيخلى العربية تبرجل وتطلع دخان اسود وهباب من الشكمان ودا كان بيحصل بالفعل
بصراحة بعد الصيانة كل شى ذى الفل واداء العربية ممتاز بس مش عارف هل فصل حساس الشكمان بياثر على حاجة تانى

ويا ترى سعرة كام جديد او استيراد

جزاكم الله خيرا

**aYaBooY** · 13-02-2011 10:47 PM

حساس الاكسوجين او حساس الشكمان وظيفتة لما يكون نسبة الخليط مش مظبوطة يدي تنبيه لوحدة التحكم علشان تظبط الدنيا عدم وجودة بيسبب عدم اكتمال عملية الحريق المثلى
بس الاول تشوف هو شغال و لا بايز و يفضل يتغير انا مش فاكر سعرة جديد كام
و طبعا لو الموتور عندك مش خفيف يبقي يفضل انك تروج تنظف رشاشات و تظبطهم عند حد عنده التراسونيك
و تنظف بوابة المنافولد و حساس الماف و الفيش و اغير الفلاتر و البوجيهات

**Ahmed Mubarak** · 16-02-2011 01:37 PM

المشاركة الأصلية كتبت بواسطة ayabooy

حساس الاكسوجين او حساس الشكمان وظيفتة لما يكون نسبة الخليط مش مظبوطة يدي تنبيه لوحدة التحكم علشان تظبط الدنيا عدم وجودة بيسبب عدم اكتمال عملية الحريق المثلى
بس الاول تشوف هو شغال و لا بايز و يفضل يتغير انا مش فاكر سعرة جديد كام
و طبعا لو الموتور عندك مش خفيف يبقي يفضل انك تروج تنظف رشاشات و تظبطهم عند حد عنده التراسونيك
و تنظف بوابة المنافولد و حساس الماف و الفيش و اغير الفلاتر و البوجيهات

شكرا جزيلا لردك

الحمد لله الموتور عندى مش خفيف وذى الفل ممكن تقولى مين افضل واحد ممكن ينظف الرشاشات وبوابة المنافولد وعندة التراسونيك
اما البوجيهات والفلاتر لسة مغيرها الخميس اللى فات عند احمد فرج
عندى مشكلة تانية هى ان فى دخان اسود بسيط بيخرج من الشكمان ولما ازود بيخرج بس مش بكميات كبيرة ذى الاول قبل تغيير البوجيهات والفلاتر وفصل حساس الشكمان برجاء الافادة

**aYaBooY** · 16-02-2011 11:44 PM

انت واثق ان حساس الشكمان بايز
حط العربية على برنامج Ids و شوف
ادخل دور في المنتدي على مواضيع تنظيف الرشاشات فيه واحد في المعادي اسمه مدحت كان ارخص واحد
لو حساس الشكمان عندك بايز غيره الاول
بالنسبة لتنظيف المنافولد و البوابة اي ميكانيكي يعملهالك

**tatooo2005** · 17-02-2011 03:01 PM

المشاركة الأصلية كتبت بواسطة ayabooy

و طبعا لو الموتور عندك مش خفيف يبقي يفضل انك تروج تنظف رشاشات و تظبطهم عند حد عنده التراسونيك
و تنظف بوابة المنافولد و حساس الماف و الفيش و اغير الفلاتر و البوجيهات

على النعمه الراجل ده بيقول كلام زى الفل .

والله مش عارف ايه الحجات ديه .... وشكلها مش نظيفه عندى

**aYaBooY** · 17-02-2011 11:56 PM

ان شاء الله و انا بصلح فيستيتي هابقى اعملكم موضوع بالصور عن طريقة تنظيف البوابة و الحساسات
بس يا طارق عربيتك فيها ماب و مفيهاش ماف زي عندي و عند احمد

**Ahmed Mubarak** · 21-02-2011 10:36 AM

ممكن اعرف من الناس اللى بتصلح عند قطب هو عندة جهاز تنظييف الرشاشات ولا الجهاز بتاع التنظييف بيبقى فى ورشه وينفع لكل انواع السيارات
ممكن لو حد غيير الرشاشات قبل كدة سعرها كام وبتبقى استيراد ولا جديدة
شكرا

**aYaBooY** · 21-02-2011 11:34 PM

لا قطب معندهوش جهاز الترا سونيك
تمن الرشاشات استيراد بالمسترة في حدود 250 جنيه
بس قطب عنده برنامج مخصوص للعربيات المنتجة من شركة فورد
و اعتقد انك محتاج تتاكد ان موتورك مش خفيف
يعني ميكونش بياكل زيت
و مبيدخنش من الفايز و تنظف الحساسات كويس و تتاكد انها شغالة و كل حاجة على الوضع القياسي لها

**Ahmed Mubarak** · 23-02-2011 04:25 PM

ان شاء الله فى اقرب فرصة هاعمل زيارة لقطب
العربية بعد فصل حساس الشكمان ذى الفل ومفيش اى دخان اسود او اى عادم مش مظبوط ولكن الملحوظ ان العربية بتاكل بنزين واحيانا لما امور العربية او ادوس دبيرياج العربية تفصل غيركدة العربية تمام

**aYaBooY** · 23-02-2011 06:56 PM

نظف الحاساسات
و ركب حساس الشكمان
و راجع على شجرة خراطيم البي سي فالف و اتاكد انها شغالة و سالكة
و لو حد قالك ان العربية محتاجة خرطوم بي سي او خرطوم فايز و هما حاجة واحدة
بلاش تشتري الخرطوم الاصلي و خلي الصنيعي الي شغال في عربيتك يفصلهولك من خراطيم ناشفة و يركب عليها افايز و ميقرطش جامد علشان فبر المنافولد

الموضوع: حساس الشكمان فيستا 1998 1300 سي سي

LinkBack

أدوات الموضوع

عرض

حساس الشكمان فيستا 1998 1300 سي سي - انشر الموضوع فى :

-

-

-

-

-

-

-

-

المواضيع المتشابهه

ايرباج فورد فيستا 1998

ارجو المساعدة فى فورد فيستا 1998 1300 cc

فوج لايت فيستا 1998 1300 سى سى

للبيع فورد فيستا 1998

الكلمات الدلالية لهذا الموضوع

المفضلات

المفضلات

ضوابط المشاركة