الموضوع: استلام الياريس

المشاركة الأصلية كتبت بواسطة waleed24ag

السلام عليكم جميعا
إن شاء الله انا هستلم الياريس خلال اسبوع نبيتي اتومتيك فول اوبشن
سؤالي عند استلام العربيه اولا هل الكاسيت بيكون من الكبير الي بنشوفه في الموقع بتاع تويوتا و لا عادي انا عارف انه من غير سي دي و لا وصله ام بي ثري بس انا عارف انه ممكن تركب جهاز بيشتغل علي الاف ام و بيخزن ملفات موسيقي بس موش عارف جودته كمان عاوز اعرف لون الفرش بيكون اسود و لا لون بيج و كمان الدوسات بتكون من النوع الي مكتوب عليه ياريس و لا من غير دوسات اصلا
اعزورني اصل دي اول مره اشتري عربيه

الكاسيت ايلي هو الكبير بس من غير CD ولونة اسود مش فضي...بس هو مالي المكان بتاعه في التابلوة ...يعني مش مقفلين تحت منة بحتة بلاستيك...

الفرش ...كان المفروض انت ايلي تحددة...وهو لونين بس...ياما بيج ...ياما رمادي....(الياريس الابيض والفضي الفرش فيها رمادي بس)...بس عموما الفرش ايلي بيجي مع باقي الالوان بيكون بيج....

وصلة الام بي ثري دي في منها مئات الانواع ...وطبعا كل ما تكون ماركة محترمة يكون احسن...بس انا مش عارف في ماركات في مصر ولا لا...وانا كنت عامل سؤال علي الموضوع دة بس ...

العربية بتيجي من غير اي دواسات ولا فرش...الشنطة بس ايلي متبطنة ...حاول تاخد اي شيء من الموزع ايلي انت شاري منة العربية....يا رب حتي الدواسات...(هي عموما بحوالي 120 جنية)...ولو اشتريتها من برة...هات بتاعه الياريس...القطعة الورانية ايلي قدام الكنبة...بتكون قطعه واحدة كبيرة ...مش قطعتين..

افحص العربية كويس قوي قوي قوي قوي ...وانت بتستلم ....وياريت تستلم بالنهار...وبص علي كل ركن فيها ....وبص كمان تحت العربية....ما تستغربش...العربية زيرو اة...بس من اول ما بتخرج من مصنعها لحد ما تستلمها ...ماتعرفش حصل فيها اية...خصوصا سواقين مصر ايلي بينقلوها من اسكندرية لحد عندك....

وربنا يوفقك..

السلام عليكم

مبرووك عليك العربية ..... تتربى في عزك :)

الكاسيت كبير بتاع تويوتا بيسموه "دبل دن" وما فيهوش خارج mp3 بس هو كاسيت محترم وعلية ضمانة وكتالوج التشغيل.

زي ما الأخت سندريلا قالت ما فيش دواسات بتنزل فيها وإنت بتشتريهم.... الدواسات إللي مكتوب عليها ياريس معرفش بيجيبوها منين ..... بس في في التوكيل فرش بيتباع بتاع الياريس ومكتوب علية ياريس ومنقوش علية علامة تويوتا.

بالنسبة لسؤالك عن تشغيل ال mp3...... شوف انا إشتريت حاجة إسمها MP3 FM Modulator وده بيركب في مكان الولاعة وبيتظبط على موجة فاضية من موجات ال FM ..... يعني بتشغل الراديو وتظبطة على الموجة وهو بيلقط لوحدة وبيشتغل زي الفل.

انا مش مهتم قوي بالصوت العالي والحبشتكنات .... بس بحب أسمع صوت نقي و مقبول وبصراحة الجهاز دة بيوفرلي الحاجات دي ومش شايف فرق بينة وبين شرايط الكاسيت من حيث نقاء وعلو الصوت (بس المهم تظبط المحطة كويس).

عارف حتسألني جبتة منين وبكام...... حقولك مالاكش دعوة :(

بهظر:)

جبته من راديو شاك ب 130 جنية ومعاة كارت ميموري 512 وميموري ريدر هدية..... وإللي شجعني أشترية من راديو شاك الضمان لمدة 6 شهور.

ومبروك تاني على العربية:)

الف الف مبرووك على العربية
ومش عارف اقول اية اكتر من الى قالوة