محدش فى التحرير طلب لا شقة و لا تثبيت و لا الكلام ده
حضرتك جبت الكلام ده منين !!!
و من الاخر كده هما حرين يعملوا اللى عايزينه - خاصة انهم مش طالبين حاجة لنفسهم - بس ياريت مفيش داعي للغلط فيهم
عرض للطباعة
اقتباس:
هو تنقية الاعضاء من خلال الاحكام القضائية مش كفاية
اعادة الانتخابات : بعد شوية ييجى واحد تانى يقول لا ، دى كمان مزورة
غير طبعا العنف اللى هيكون فيها
اكيد الكلام اللى بتقوله مش صحيح لان بكل الطعون دي يبقى المجلس باطل
ومع وجود انتخابات في ظل اشراف قضائي و منظمات مدنيه يبقى ان شاء الله مافيش تزويراقتباس:
الدستور معمول من زمان
ولو قريته هتلاقى ان فيه بنود لازم تفضل موجودة
البنود اللى اعلنت اللجنة المشكلة لتعديله هيا البنود اللى شابها تعديلات لمصلحة فئى معينة فى 2007 ولو اتعدلت هيكون كافى
الدستور فوق 170 مادة
شوف تعديلها كلها ياخد وقت اد ايه
غير طرحها للنقاش العام ثم الاستفتاء العام
وبعد كدة لازم يكون فيه تعديل للقوانين التابعة ليه وبعد كدة انتخابات مجالس الشعب والشورى والمحليات غير الاعادة ليهم كمان
وانتخابات الرئاسة بعدهم
الدستور مش قرآن و طبيعي ان الثوره بتلغي شرعيه الدستور و لازم دستور جديد و بعدين الدستور القديم ده بيخلي كل الصلاحيات في ايد الرئيس ماتنساش انه دستور كان موضوع في حاله حرب
اقتباس:
افهم بقى فورا يعنى ايه
يعنى بكرة ولا يعنى كمان 6 ساعات
اى اصلاح فى الدنيا بياخد وقت
غير ان الجيش اعلن ضمانه للاصلاحات
مش مصدقين النظام اللى فات
مش مصدقين الجيش كمان
الكلام ده كله لما الجيش يبدأ تنفيذ يعني مش كمان 6 ساعات ولا حاجة
يطلع البيان اللى بيقول هايعمل كده و ينفذوا براحتهم و على فكره انا سمعت يحيى الجمل بيقول ان الدستور كله ممكن يتعمل في شهرين
اقتباس:
خلاص خللى المظاهرات شغالة ست ولا سبع شهور كمان على ما اللى انت عايزه يحصل
عادي ولو سنه ايه المشكله مظاهرات سلميه لا تضر احد و الشعب اذكي من كده و هايخلى الدنيا ماشيه ومفيش حاجة هاتتعطل
+111111111
كلام سليم
يبقى ننتظر البيان الرابع للقوات المسلحة
أنا مش فاهم داخلين في الرجل شمال و كل واحد بيغني على ليلاه
في ناس نفسها تثبت إن رأيها صح .... مهما حصل بالعافية
مستنيين دبانة و يقولك بص أهم مش حيمشو .... أهم في لسة عندهم مطالب تانية
محدش بيبص المطالب دي عادلة ولا لأ .... المطالب دي صح ولا لأ
أساساً في حاجات كتير من المطلب دي كلنا سامعين من القنوات الفضائية إن الجيش حيعملها
ياريت حضرتك متستخدمش ألفاظ ذي دي عشان متسمعش كلام ميعجبكش
لما تشتم الناس دي و تقول يضربو بالرصاص ...... عايزنا نرد عليك و نقول إيه يعني
هي قواعدك دي ماشية على مؤيدين الثورة فقط
يعني ماقلتش ليه للأستاذ بتاع قلة أدب و سفالة ..... بلاش تستخدم ألفاظ نابية
أنا مش فاهم ازاي لسة بتكلم ...... دة احنا لو كنا مشينا ورا كلامك من يوم 28 يناير كان زمنها باظت
على العموم دة مش غريب على حد رأيه إن المتظاهرين هما السبب في وقف حال البلد و إنعدام الأمن و الأمان من يوم 28 يناير
:fanatic:ماقلنا الميه تكدب الغطاس أنت شايف في حاجة أتغيرت لهذه اللحظة
والخلاف كان في حاجة تانية أنما أنتم غاوين تخلطوا الأوراق ومشاركاتي موجودة لا تضارب فيها(رحيل فوري لمبارك أم أستمراره لنهاية فترته) ومازلت مصر أن أستمراره لنهاية فترة حكمه كان أصلح وأسرع لتنفيذ الأصلاحات
والمتوقع الفترة القادمة هو تنفيذ نفس السيناريو ألي كان مقترح قبل تنحيه
أو سيناريو أسوأ سيشيع الفتنة في المجتمع
ورجاء الأنتظار قبل التسرع في الهجوم ...........ولو صح كلامي بطالب بأعتذار من جميع من هاجموا تحليلي
الخبر مظبوط و صحيح و حاليا بعض الفئات لسة متظاهرة عند مستشفى المقاولون العرب . حسنى مبارك مشى خلاص دة المطلوب بس المهم المحافظة على المكسب و مش ندخل فى جدالات مالهاش لازمة . هو طبعا خلاص مش مفروض يتظاهر لان الجيش هو متولى الامور حاليا . و المتظاهرين منقسمين المطالب الفؤية دول بيدور على حاجة معينة لمصالحم ماشى مش ضدهم بس المشكلة أن الجيش ما يقولشى دة بداية لانفلات أمنى للمرة الثانية . أما بالنسبة للتحرير ناس عاوزة و منتظرة بيات الجيش ليؤكد لهم ان الحكم سيكون مدنى يعنى لسة مش مطمئنين حتى الان و فرضا بالجدل أن بعض بيانات الجيش مش عجباهم حا يبقى الوضع أية دى الصورة كاملة و كل واحد يقدر يترجمها و يحللها بما يترائى لة .
منقول
الإشكالية الكبيرة كما يراها القانونيون، أن جميع الدوائر الانتخابية بمجلس الشعب وعددها 220 دائرة «باستثناء دائرتين تم وقف الانتخابات فيها» بالإضافة إلى 32 دائرة كوتة مطعون فيها.
أما الدوائر التى لم تقدم فيها طعون فهى 11 دائرة فقط بإجمالى 22 نائبا، وهذا يعنى أن عدد النواب المهددين بالخروج نتيجة الطعن فى نتيجة الانتخابات يبلغ 482 نائبا، من إجمالى عدد أعضاء مجلس الشعب الذى يبلغ 504 نواب، وهنا نطرح تساؤلا: كيف ستسير الأمور وهل سينظر المجلس كل الطعون بجدية ودون أى تباطؤ؟
الإجابة تقول: لو طبق المجلس معيار القانون والدستور، سيخرج الجميع باستثناء الـ22 نائبا غير المطعون فيهم، والعشرة المعينين وهذا يؤدى إلى حل مجلس الشعب لأن المادة 87 من الدستور تنص على أن النصاب القانونى لانعقاد المجلس هو أن يكون 350 نائبا.
وتساءل النائب السابق صبحى صالح: هل يملك الباطل تصحيح غيره ؟ مشيرا إلى ضرورة أن يطهر مجلس الشعب نفسه بتنفيذ أحكام المحكمة الإدارية العليا ببطلان الانتخابات.
وأضاف إن المجلس الحالى ليس لديه الأهلية لفحص الطعون لأنه يجب أن يطهر نفسه أولا من أى شائبة بطلان بتنفيذ أحكام القضاء الإدارى، وطبقا للأرقام فإن عدد تلك الأحكام ينطبق على 92 دائرة بإجمالى 184نائبا منها جميع دوائر الإسكندرية والمنوفية والقليوبية، و7 دوائر بالبحيرة، ودائرتان بالسويس، ودائرتان ببورسعيد، و10 دوائر بالشرقية، ومثلها فى الغربية، و8 دوائر بكفر الشيخ، وأربع دوائر بالفيوم، وأربع دوائر بالجيزة وثلاثة بالقاهرة.
من جانبه أكد المستشار سرى صيام، رئيس محكمة النقض أنه سيعمل مع باقى مستشارى النقض للتحقيق فى الطعون بداية من اليوم لإنجازها، فيما كشف مستشارون فى النقض عن مفاجأة، أكدوا أن عدد المستشارين فى النقض قرابة 450، فيما تلقت المحكمة أكثر من 1500 طعن، وهو ما يعنى أن كل قاض سيتولى التحقيق، فيما يقرب من 35 طعناً، ونظراً للإجراءات المتبعة فى فحص الطعون، فالأمر قد يستغرق قرابة 7 أشهر للفصل فيها.
قال المستشار سرى صيام إن المحكمة تلقت أكثر من 1500 طعن على نتائج انتخابات مجلسى الشعب والشورى فى دوائر انتخابية مختلفة،
حاجة تضحك ...... لما كان بيالك مش حنحل مجلس الشعب بس حنفذ أحكام القضاء
بس يا جماعة اهم حاجة ما نعطلش مصالح البلد و نخلي عجلة الإنتاج تجري من جديد و نعمل جميعا شاقا علي رفع هذا البلد بشبابها و تحت رعاية كبارها ذو الخبرة القوية من أجل بلد أقوي و مستقبل التحدي مع الغرب .
باشمهندس محمد و الله أنا عارف أن كل كلمة أنت قولتها صح و موقفك كان واضح و ثابت و لم يتغير بس من الواضح جدا أن الزملاء بيحدث سوء تواصل بيننا و بين بعض . الهدف واحد بس طريقة تنفيذ الهدف بتختلف من شخص لاخر فى حين أن كل الطرق بالنهاية تؤدى لنتيجة واحدة. و شوفتم دة فى الاسكندرية http://www.nilemotors.net/Nile/201036-a.html
انا نزلت المظاهرات و اتضربت بخرطوش و رصاص مطاطي و استحمينا على كوبري قصر النيل ,
و دلوقتي بقول اننا لازم نلتقط الانفاس و نشوف الجيش هيعمل ايه ,
و يا ريت الناس ترجع لبيوتها ,
لكن مينفعش يبقى اسلوب الحوار ينحدر للشكل ده ,
بصراحة انا اتصدمت و اتنرفزت من الاسلوب ده :
الناس اللي في التحرير قليلة الادب و لازم يتضربوا بالرصاص !!!!!!!
يا ريت نخللي بالنا من كلامنا و اسلوبنا ,
.