الحمد لله..واحشنى والله يا كبير ..
ربنا يستر على الايام الى جايه ويا رب نشوف البلد احسن
منا خدت بالى يا زعيم ..
ولو فى حد شايف هدف كويس من خروج الناس يا ريت يقوله لو احنا غلطانين
عرض للطباعة
اية دة بقي ولا اية كمان
ناس عاملة مظاهرات علشان بيقبضوا 400 جنية في شركة ليسيكو بااين
وعايزين يقبضوا 1200
كل اللي فااااضي بقي يعمل مظااهرة
اخبار من الميدان الان
الناس الحمد لله مشيت من التحرير وكان فيه ناس رافضة تمشى ومش عايزة تشيل النصب التذكارى اللى عاملينه للشهداء وظباط الجيش حاولوا يتفاهموا معاهم وان الميدان لازم يفضى لكن للاسف مرضيوش الظباط والعساكر تعاملوا معاهم بحزم.
زود عندك القاهرة تم الهجوم اليوم على سجن المرج وتهريب 600 سجين وطبعا اللى عملوا كدة مش امن دولة ولا حرس السجن اللى هربوهم
وزود عندك شمال سينا تم الهجوم على كنيسة ابو مقار بالعريش ومركز سوزان مبارك التعليمي وقسم شرطة تالت العريش
بجانب الاضرابات والاعتصامات التي ما زالت مستمر واستمرار البعض في ميدان التحرير
في انتظار البيان رقم 5 ولو صدر هايظبط البلد وهايرجع الحرية لحدودها الصحيحة وليس الفوضي الحالية
دكتور محمد سبق و رد رد بليغ و يحترم . يا رب يطلع ظنونا غلط . بس البيان رقم 4 ذكر فية أن الشعب يشيل مسؤلية نفسة و الشرطة تنزل الخدمة مرة أخرى . لو الفوضى عمت و الدنيا ما أتلمتش و الوضع خرج عن سيطرة الشرطة زى المرة السابقة ممكن الجيش يتدخل بس بحزم شديد علشان البلد تمشى و خصوصا أنة عمل الوزارة السابقة كوزارة مؤقتة لتسير الاعمال بس من وجهت نظر الجيش لو المدنين مش عارفين يمشو البلد ممكن يتدخلو كعسكرين و يطبق أحكام عرفية و دى وجهت نظر تحمل الخطأ أو الصواب . ( يعنى بالبلدى كدة الجيش بيقولك مشى أمورك و لو مش حا تعرف حا أمشيك أنا بطريقتى ) وفى بعض المحافظات الاهالى بتستولى على بعض الاراضى
عزيزى
انا ضد الاعتصام الان ولا اجد له اى مبرر الان
فيه ناس هناك قاعده بسبب نشوه نصر
والكثير اللى عنده مطالب شخصيه او يكون فاهم ان ده موضوع يقدر يفضل قاعد عشان وره تمشى او ماعندوش اصلا مكان ماينفعش تعامله بعنف
ده ابن بلدك الغلبان اللى اندحر و شرب الغلب
الناس ديه صنيعتنا احنا ذنبنا احنا مارضاش نتكلم عليهم اكنهم حشرات تسحق من اجل ان نعيش والميدان يمشى
دول ناس فيه منهم اللى احسن مننا بس ظروفه صعبه فيهم ناس مش عارفين عيالهم ولا اجوازهم فين - اعتقلوا و مش معرف هما فين وشايفين بثقافه محدوده (كلنا مسئولين عنها) ان لو مشوا من الميدان هيبقوا خلاص مش يعرفوا يعملوا ايه طبعا عشان مصر اللى يعرفوها مافهاش حد ساعدهم ولا طمنهم
فيه ناس معندهاش مكان اصلا تروحه وعايشه فى الشارح مش فاهمين هيمشوا يروحوا فين
فيه ناس مش مصدقه اصلا ان الموضوع انتهى لغير ذات رجعه فيه ناس دافعت عن النصب التذكارى للشهداء ارتبطوا بيه عاطفيا
يبقى ازاى نقل عليهم سفله و ينضربوا بالرصاص
الناس ديه قعدت معاهم وكلت وشربت معاهم وحمونى وادونى مكان انام فيه - صعب جدا اقبل حد يقول عليهم كده
الى المشرف | لا اجد مبررا لاى نوع من العقوبه الكلام اللى انا قلته مافهوش تهكم بل وصف دقيق لاناس مازالوا يظنون انهم يستطيعون ان يصرفوا الناس بالجزمه وان الحريه لا وجود لها واللى المفروض يعاقب اللى يقول على ولاد بلده سفله وينضربوا بالرصاص مافيش اى قواعد فى المنتدى تدين اللى انا قلته بس فيه قواعد تدين اللى هو قاله على ولاد بلده اللى عايش فيها
فى حاله اصرارك ارى التصعيد للجنه فض المنازعات
راجع المشاركات رقم 9 - 11 - 12 - 14 - 21 وانت تعلم من المخطىء
وأرى ايضا تهديد لشخصى فى هذه المشاركه بالتصعيد الى لجنة فض المنازعات
مشرف
18ب
يا رب اللى فى بالى ما يحصلش .اللى سبق واتكلم عليه بعض الزملاء .ربنا يستر .الجيش مش بسيط ولا سهل اتقوا شر الحليم اذا غضب .لاْ ومش اى غضب .ربنا يسهل وتعدى الايام دى على خير
أعتقد ان الجيش دلوقتى ممكن يتدخل ببعض الحزم لأن من يصرون على البقاء وجعل الميدان مشلول ليس لهم تأييد شعبى مثلما سبق