هل تنتخب احد المعروفيين
او تتوقع ظهور اشخاص جدد
عرض للطباعة
هل تنتخب احد المعروفيين
او تتوقع ظهور اشخاص جدد
هدقق اقوى و ساقوم بقراءة البرنامج الانتخابى بشكل دقيق جدا و هدور بنفسى فى تاريخ كل واحد هيرشح نفسة
عشان اعرف اختار
احمد زويل ناجح كعالم لكن مش هيبقى ناجح كرئيس جمهورية
مش شرط يعني
انا لما بايد احمد زويل
بايده كشخصيه عامه علميه
بتوسم فيه انه يكون زى مهاتير فى ماليزيا اللى رفع بلده وخلاها بلد متقدمه
الصراحه انا نفسي عمرو موسي يبقي الرئيس زويل والبرادعي لا طبعا دي ناس عايشه في اميركا من زمان واعتقد انهم معاهم الجنسيه الامريكيه
احنا جربنا بتوع السياسه
نجرب بتوع العلم
خصوصا انهم عشوا الديمقراطيه اللى بنحلم بيها
شخص مختلف عن ماسبق يجب أعطاء فترة كافية لظهور وجوه جديدة وأتضاح كامل لما سيتم مع الأحزاب وتشكيلاتها هل ستهد وتبنى بنظام جديد !هل سعلن عن أحزاب جديدة!
الصورة مازالت غير واضحة
زويل -----علم لايصلح للشؤن السياسية
عمرو موسى-----شخصيته أضعف من منصب رئيس جمهورية وفي تحفظات دولية عليه--------هو الأصلح في الأسماء المطروحة على الساحة(ما باليد حيلة مافيش حد غيره في نظري حاليا)
مش شرط يكون مشهور او معروف ممكن يكون تاريخه مشرف وله برنامج مطروح بشكل جيد مقنع عملى للبلد وللمرحله المقبله
ودى ميزة الديموقراطيه وحري الانتخاب الصحيح بدون تزوير
وبعدي هو اوباما كان مشهور او معروف بشكل واسع فى امريكا لا طبعا
مصر الى الامام ان شاء الله
محمــــــــــــــــــــــ ـــــود ســـــــــــــــــعد....
رغم انى متأكد انه مش حيرشح نفسه.....
بس راجل من الناس بجد على عكس معظم الناس اللي مرشحين نفسهم
محمود سعد.................. رئيس جمهوريه !!!!!!!!!!!!!!!!!!!!!!!!
ممكن كل شئ جايز رائي يحترم طبعا والله مش بعيده
اتوقع ان لا نملك الاختيار اساساً
اظن الامر محسوم من قبل اعلان خطاب التنحى
التوقيع:
مصرى متفائل
والله دا اللى انا كنت عايز اقوله
لالا -- انا متفائل خير --ان شاء الله
عموما دلوقتى على القناة الثانية لقاء بين محمود سعد
واحمد زويل
شخص نظيف اليد ( مش نظيف الاسم بس ) وياريت لو له اتجاه دينى معتدل مش شرط يكون اخوان
هو لازم الي يغيير البلد يبقى رئيس ؟
يعني البرادعي لو عاوز يغير فعلا يبقى يمسك وزير الداخليه مثلا.
واحمد زويل لازم يمسك وزارة التعليم العالي ويدمج التعليم العالي بالتربيه والتعليم عشان اخلاق الشباب في الكليات اجارك الله !
و ناس زي عمرو خالد مش محتاج يمسك وزارة عشان يغير في البلد, كفاية بس نسيبه في حاله يشوف شغله.
على العموم انا هرشح عمرو موسى ان شاء الله
اعتقد احمد زويل هيبقى مناسب
و هيبقى عامل زي مهاتير محمد
كفايه انه لف العالم و شاف البلاد بقت عامله ازاي و اتكونت عنده رؤيه و خبره لكيفيه النهضه بالبلاد
المهندس الشريف يحي حسين
فاكرينه ؟ ده اللي فضح هادي فهمي و العصابة بتاعة الشركة القابضة اللي باعوا عمر أفندي للقنبيط و كان رد الفعل عليه رفده و التشنيع عليه و رفع قضايا و بهدلة الرجل الشريف
باقي الناس اللي مقترحة كلهم كبار في السن و صحتهم مش كويسة دلوقتي , دول كلهم ممكن يكونوا مستشارين في تخصصاتهم لكن مش رؤساء ده زمن الشباب
انا نفسي والله
في واحد بس مش شرط الرئيس ...... ممكن يكون النائب مثلا
الشيخ وجدي غنيم ...... ربنا يجزيه عنا خيرا
يعني الراجل ده شقي كتير ومطرود من بلده .... واعتقلوه اكتر ما خرجوه الله يسامحهم
وكلامه منطقي بطريقه لاتوصف
ربنا يحفظه
تقبلوا مروري
انا هاختار كده مش نشوف الاول كل برنامج ونشوف تاريخ الشخصية وتتسم بأيه الاول عشان نعرف هايعمل حاجه ولا زى اللى قبلة
ربنا ييسر للى فيه الخير
تقرير البرادعى قبيل الحرب الأمريكية البريطانية على العراق
• ”
العراق يتعاون بترحاب فقط فيفتح الأبواب ولكننا نريد تعاونا في القضايا الجوهرية والرد علي الأسئلةالتي لم يشملها التقرير العام “• “لم يقدم العراق لحد الآنمعلومات جديدة ذات أهمية بشأن برنامجه النووي السابق لعام 1991، ولا بشأنأنشطته التالية خلال الفترة 1991-1998″• “الوثائق المقدمة لم تتضمنمعلومات ذات علاقة بإهتمامات وأسئلة الوكالة المعلقة منذ عام 1998، وعلىوجه الخصوص مسائل تصميم السلاح النووي والطاردات المركزية”. (أنظر الفقرة 15 من تقرير البرادعي إلى مجلس الأمن يوم 9/1/2003 المنشور في موقعالوكالة الدولية للطاقة الذرية.) … هذا ما تلقفه (كولن باول) وإستخدمه فيعرضه المطوّل الشهير أمام مجلس الأمن يوم 5/2/2003 حيث قال: (لقد طلبت عقدهذه الجلسة اليوم لغرضين، الأول هو دعم التقييمات الجوهرية التي أجراهاالسيدان بليكس والبرادعي….. حيث جاء في تقرير السيد البرادعي بأن إعلانالعراق المؤرخ 7 كانون الأول لم يقدم أية معلومات جديدة تتعلق بمسائلمعينة كانت معلقة منذ عام 1998)• “لم نجد حتى الآن أي دليل علىالقيام بأنشطة نووية أو ذات صلة بأنشطة نووية محظورة في العراق، بيد أنعددا من المسائل ما زال قيد التحري ولسنا بعد في وضع يتيح لنا الوصول الىإستنتاج بشأنها). (أنظر محضر جلسة مجلس الأمن في الوثيقة أس/بي في 4707)• ” لم ننجز عملنا بعد والعراق لا يتعاون معنا بشكا تام “… جاء هذا التصريح من طهران في 22/2/2003…. وتابع :• “لا يمكننا بصورة خاصة الوصول تماما إلي العلماء العراقيين ونأمل في أن يتعاون العراق خلال الأسابيع القادمة”.• “بعد ثلاثة أشهر من عملياتالتقتيش الإقتحامية لم نجد، لحدّ الآن، ما يدل أو يشير بشكل معقول إلىإحياء برنامج الأسلحة النووية في العراق ونعتزم مواصلة أنشطتناالتفتيشية”. (الوثيقة أس/بي في4714) .
ليس بالضرورة أن كل من ظهر أسمه خلال الثورة أن يكون مؤهل لقيادة البلاد ولكن من الممكن أن يكون له دور فاعل في منظومة إدارة الدولة التي يجب أن تكون مؤسسة حكم وليس حكم فرد كما كان وهناك الكثير من الشرفاء كان لهم دوراً بارزا في المجتمع وحجبت عنهم الأضواء ربما بشكل متعمد مثل الدكتور كمال الجنزوري الذي كان وزيراً للتخطيط ثم رئيساً للوزرار ( أين هذا الرجل ) ؟؟؟؟
أشير إلى ضرورة أن يوضع الرجل المناسب في المكان المناسب والنهوض بالبلاد ليس بالوزراء فقط ... فالوزراء هم المنظومة الإدارية للبلاد وأهم السمات التي بجب أن يتحلوا بها الكفاءة العلمية واتساع الأفق والرؤية المستقبلية والتجرد الشخصي من الأنانية وحب الظهور فضلاً عن الأمانة والرغبة في بناء الوطن والمواطن ويجب أن يساهم كل أبناء مصر الشرفاء في مختلف المواقع ومختلف التخصصات داخل مصر وخارجها أمثال الدكتور أحمد زويل والعالم البارز فاروق الباز بجانب أهل السياسة مثل عمرو موسى ومحمد البرادعي ... وما حدث درس هام لابد أن يعيه كل مسؤل في موقعه بأن هناك تاريخ ووطن باقي ونحن زائلون فماذا نحب أن نترك لأبنائنا وأحفادنا من إرث يفخروا به بأن أسلافهم كان لهم الدور البارز في ما آلت إليه البلاد من خير ورقي .. ولا ننظر تحت أقدامنا لمنافع مادية زائله لا تغني عن صاحبها شيئ أو تحقق كرامة لأبنائه .. فبلادنا ذات قيمة حضارية ضاربة في جذور التاريخ وقيم دينية وأخلاقية وكفاءات علمية بحاجة إلى ثقلها وإزاحة غبار التجهيل والتعطيل حتى نضعها في مكانها اللائق والصعود بها للعالمية إن شاء الله ..
+ 1111111111111111111
اتفق معاك جدا في ان احنا لازم نستنى فترة الحكومة الانتقالية و اللي هاتكونن ما بين 6 شهور و سنة و في خلال الفترة دي هايظهر شخصيات و اسماء كتير مكنتش ظاهرة على الساحة نتيجة محاربة النظام لكل الناس المحترمة و كمان التقييد الفظيع على الاحزاب الحالية و على انشاء احزاب جديدة و بالتالي لما كل دا يتصلح خلال الفترة الانتقالية هايكون في اختيارات كتير
و بعدين حتى لو في اسماء مرشحة حاليا فالازم ننتظر لحد ما نشوف البرامج الانتخابية بتاعتهم و سياستهم ايه و بعدين نقارن و نختار
لكن الاختيار او الترشيح دلوقتي مش هايكون على اساس صحيح
و ليا تحفظ على عمرو موسى و لو حد عنده راي مختلف ممكن يقولي رأيو و التحفظ دا هوا ان عمرو موسى في الاساس احد رجال النظام القديم - حلوة اوي القديم دي :) - اللي كان من ضمن عصابة مبارك الى جانب ان هوا مكنش ليه دور ولا موقف قوى ولا حتى مش قوي في محالربة الفساد اللي كان منتشر في كل مؤسسات الدولة
أعتقد بعد نجاح الثورة اننا نحتاج شخص محترم زى الدكتور البرادعى. مع كامل احترامى لعمر موسى كشخص ولكنه كان جزء من النظام السابق
زويل وبعد كده عمرو موسى
ahmed shafee2
احمد شفيق
هنتخب اللى هيقدم برنامج انتخابى محدد الزمن للتطوير فى شتى المجالات
===
الجنزوري مفروض هيظهر العاشره مساء اليوم
لكنى مازلت على رأيى
رجل العلم - متمثل فى زويل او مثيل له - هو المطلوب الفتره القادمة
وبايد الافكار المكتوبة بان التغيير مش بس عن طريق الرئيس
لكن الوزراء لهم دور --وان كان الدور الرئيس الفاعل فعلا هو دور الرئيس
وكذلك عدم استبعاد ظهور اشخاص جدد يكون لهم نصيب الاسد فى التاييد
بناءا على شخصياتهم وافكارهم ومؤهلاتهم ....
اخيرا
سؤوال :: ايه الشيئ الايجابي اللى عمله عمرو موسي - ويجعله حتى الان صاحب اعلى الاصوات
؟!؟!؟!
الأول نشوف برنامج كل مرشح
بس مبدئياً هختار:
عمر سليمان
أو
أحمد شفيق
السلام عليكم ايها المنتدي الجميل لي بعض الملاحظات الرجاء تقبلها بصدر رحب : 1- المنتدي له خط واضح منذ بدايته وهو البعد عن اي رأي او نقد سياسي او مناقشة اي مواضيع لها علاقة بالسياسة و هو الخط الذي انتهجه المسئول عن المنتدي و حتي عندما قامت الثورة الرائعة اصدر المسئول عن المنتدي بيان يدعوا الثوار للكف عن ثورتهم بدعوي المحافظة علي البلد (البلد التي تنهب ليل نهار) وهو البيان الذي لم يعترض عليه احد من المنتدي ولله الحمد فقد اتم الثوار الاحرار واجبهم تجاه امتهم و خلصوا البلد من اعتي النظم فسادا في العالم ووضعوا مصر نا الحبيبة علي بداية الطريق الصحيح . 2- المنتدي لم يكلف نفسه و لو ببيان صغير ينعي الشهداء من شبابنا الابرار الذين ضحوا بالغالي و النفيس (لم ينظروا الي الوضع في مصر بنظرة ضيقة وينئوا بأنفسهم عما يعانيه عامة الشعب) , رحمة الله علي الاطهار الابرار اخواننا و اخواتنا ابنائنا و بناتنا . 3- المنتدي لم يشارك في التعليق علي البدايات و اتخذ موقف سلبي و عليه الآن الايحاول فرض وجوه معينه للترشح للرئاسة بل و الادهي من ذلك محاولة تلميع او تشويه وجوه بعينها . الرجاء البعد عن هذه الامور لان اقل شخصية من الشخصيات التي سوف تترشح لمنصب الرئيس هي اشرف الف مرة من شخصية الحاكم السابق (لم يقتل لم يفسد لم يورث) . والله الموفق .
معلش انا هختلف معك فى الموضوع ده واسبابى هى كالاتى :- 1- زويل متزوج من سيده غير مصرية وإيضا زوجة الدكتور البرادعى يبقه عمرو موسى بخلاف انهو صاحب كأس واحفاده كذلك او نهو عندما نقل من وزارة الخارجية السيدات زغرتط لان سمعته مع السيدات سوه كانت مصريات او اجنبيات كانت ............ بس
اشوف واقتنع ببرنامج وبعدين اديلوة صوتى
واى مرشح هيدفع جنية واحد لناخب عشان صوتة هيبقى فاااااااااااااااااااااااا ااااااااااااااااااااااااا ااااااااااااااااااااااااا اسد ولا يستحق يكون رئيس
احنا عايزين اللى يصلح ويعمرررر
ومايلفظ من قول الا علية رقيب عتيد
اخي العزيز متكتبش كلام سمعتة ومشفتوش بعينك او متاكد منو 100 في 100 لان كدا انتا بتغتاب مسلم ودة زمبو عند ربنا كبير جدا واعتقد والله اعلم ان عمرو موسي شخصية محترمة وبكرر اعتقد لاني معرفوش بصراحة بس اعتقد انو اكتر شخصية محترمة في الشخصيات الموجودة علي الساحة ينفع يكون رئيس لمصر كمان سنو كبير فمش هيمسك كتير سواء بمزاجة او غصب عنو.
وربنا يرجع مصر احسن بلد في الدنيا