لون دهان الفيرنا قلب

**kimo_sniper** · 12-02-2011 03:42 PM

حاجة غريبة جدا حصلت لعربيتي الفيرنا . لقيت النهاردة أجزاء من الاكصدام الأمامي لونها اتغير و بقي لبني مع العلم أن العربية فيراني . حاولت انظف الحتت دي مش راضية تروح . مع العلم ان عربيتي موديل 2010 .

في حاجة انا مش متأكد ان كانت السبب ولا لأ . أنا كنت مغطي العربية بالغطا الواتر بروف ساعة المطر و ما هويتهاش لمده يومين هل الميه ممكن تكون اتفاعلت مع الدهان . أنا مش عارف ايه السبب و ايه الحل أفيدونا جزاكم الله خيرا .

**walidzakzok** · 12-02-2011 05:25 PM

اعتقد ليها علاقة بالتقفيل المصري

**Mahmoud Nagieb** · 13-02-2011 12:08 AM

هو اللبنى ده لون الغطا ؟؟ ...... اصل ممكن يكون مع الماية الغطاء نزل لون على الدهان ... مجرد احتمال

**TAMERHASSAN** · 13-02-2011 12:14 AM

حاول بكبوند وبولش كده

**kimo_sniper** · 13-02-2011 11:18 AM

طبعا أكيد لأن الرش و الدهان مصري و التقفيل مصري .

انا بيتهيألي كده برده ممكن يكون اللون لون الغطا الوتر بروف .

هاحاول استعمل بوليش و كومباوند بس النهاردة الأحد و كل الناس قافلة وهبقي أعلمكم بالتطورات .

المهم الخلاصة المستفادة عدم تغطية العربية أبدا ساعة ما تمطر و الله أعلم . و متشكر لردودكم المفيدة .