إلى الأستاذ كريم برجاء إقفال الموضوع لإنه شكله هيخلق مشاكل المنتدى في غنى هنها .... ولو تشيل الموضوع تبقى ريحت دماغنا كلنا
عرض للطباعة
إلى الأستاذ كريم برجاء إقفال الموضوع لإنه شكله هيخلق مشاكل المنتدى في غنى هنها .... ولو تشيل الموضوع تبقى ريحت دماغنا كلنا
صبحي اشكرك على توضيح وجهة نظري فانت متابع جيد للمنتدى
وادرى باحواله
ايهاب كيف حالك
والله واحشني يا اخي ماشوفتكش من يوم الماتش المشؤم
والله يا محمد انا تعبت من كتر ما حاولت افهم الناس
خاصة مع حالة الحجر الرهيبة على الراي
يا سيدي انا واحد من الناس اللي نزلو يوم 25
والحمد لله كنت شاهد على الاحداث ووثقتها في المنتدى
لكن بعد فترة اقتنعت بالخطاب الاول
لكن بعد جمعة الغضب وقتل الابرياء
بقيت غير مقتنع بكلام مبارك
وادركت ان فيه تزييف
لكن كان املي في حكومة شفيق كبير
وكنت واحد من الناس اللي نزلو القصر كمتطوع
واستاذنت بعض المتبرعين في حملة البطاطين بتاعت المنتدى السنادي نوديها للقصر العيني لاحتياجه الشديد بمعونة اختنا دكتورة ضحى كطبيبة استقبال في القصر
ويومها رايت بعيني مناظر ادركت تماما بعدها كذب مبارك
مش طبيعي اني الف في كل مشاركة في المنتدى اقول انا روحت وعملت :-)
لاني مش بعمل عشان افاخر ولا رياء انا عندي هدف لسه ماتحققش
لان لما وصلني تنبيه امني رديت بصفتي ووجهت الناس مش بشخصي
لكن لما الوضع اتغير رفضنا الكذب طبعا
لكن مش معني ان ليا وجهة نظر مخالفة اني اطالب باعتذار
ده كلام لا يقبله منطق او عقل او اقل داعي للديموقراطية :-)
طبعا كلنا شفنا موقف الجيش السلبى والمتفرج فى الاوضاع الساخنه دى
مش شفيق تعهد بحمايه المتظاهرين دوول! أمال فين الكلام ده
ده الجيش شايف الى بيرمو مولوتوف بعينه يعنى الرؤيه واااااااضحه جدا مين الى بيهاجم ومين الى بيدمر ويخرب ,انا شايف ان يومين ورا بعض المعركه دى شغاله والجيش قاعد فى المدرجات بيتفرجو !!!
لأ وايه الجيش لما حب ينهى الوضع ده نهاه فى اقل من ربع ساعه طلع بدبباته ومدرعاته على كوبرى اكتوبر وقفله وقفل كل المداخل فى ثوانى!!!
مع كده انه كان يقدر يسيطر كده فى حالتها ولكن هما عمالين يقولو ان المتظاهرين هيهنجو هيتعبو هينسحبو إنما ربنا كان مع الثوار وعانهم ووفقهم فبالتالى شفيق قال ان الكارت ده اتحرق بمعنى ان الجيش يتدخل وطبعا البلطجيه دول أكيد متفق معاهم ان بتدخل الجيش معنى كده ان مهمتكو انتهت واخلعو
فأنا عندى شبه أيقان بأن الحكومه هى الى ورا الحوااااار ده كله
وتحياتى
حصل خير
انا متابع الموضوع وقاري معظم المشاركات الي اتكتبت
بس مش فاكر الي هكتبه ده اتقال قبل كده ولالا
بخصوص موضوع اجبار الاعضاء علي قراية موضوع معين
ياريت نفرق بين كريم منير بصفته وكريم منير بشخصه
A.Yakout
فى اية يا جماعة الموضوع مش مستاهل مؤيد مبارك ولا معارض سياسة مبارك
الدول بتتقدم زى ماليزيا والهند وتايوان نفسنا نبقى حتى 50 % من نشاطهم الاقتصادى
واحنا بنتخانق على مؤيد ومعارض
اهو مبارك مشى خلاص مع ان انا مقتنع ان اللى شوه مبارك بالصورة السيئة ديه
هوا ابنه جمال اؤس الفساد اللى كانت البلد فيه مع طبعا باقى اعضاء الشلة زى احمد عز وعمر طنطاوى انتيم جمال ونظيف وغيره
وهما كانوا بيحاولوا يعزلوا الرئيس عن الحياة والتقارير السيئة اللى كانت بتيجيلهم
خلاص بقه خلينا نفكر فى بكرة يمشى ازاى
ونطور حياتنا اكتر ونعلن عن اى فساد نشوفه بعنينا
هانبص لقدام هانكسب كتير اوى
وتحياتى ليكوا يا احلى شباب فى الدنيا كلها
لا املك سوي ان اقول
لك الله يا مصر
167 مشاركة و يجي الف و 300 مشاهده
في هذا الموضوع
و هناك مواضيع بناءة لبعض الاعضاء الافاضل تم المرور عليها و انتهت و رجعت للخلف و لم تحظ بربع تلك المشاركات
و كلماتي هذه حسرة علي ما نحن فيه
و عتابي غير موجه للاخ صاحب الموضوع
و لا الاخ الموجه له الموضوع
و حسرتي كانت من بعض المشاركين لدرجة ان يستمر الموضوع كل هذه الايام في حين كان ممكن ان ينتهي بمجرد رد بسيط
م.حاتم السباعي
بعد مراجعة مشاهدات الموضوع
و جدت انها وصلت ل اربعة الاف و 800 مشاهدة
مش 1300
لذا وجب التنبيه
م.حاتم السباعي
أنا مش هارد على تعليقك لإني عارف انك ماتعرفنيش شخصيا .... وكل الي قولته ان الموضوع ده الناس عمالته تشد في الكلام مع بعضها زي بالظبط الي حضرتك عملته معايا بدون سبب و وجهة نظري الشخصية ان الموضوع يتقفل هيهدي الموضوع ده ولو انت راجعت أول رد ليا فالموضوع ده ماكنتش قولت الي قولته ليا ده