اين سوق السيارات بالقاهرة

**nokiy** · 27-05-2008 11:56 PM

يا جماعه كنت عاوز اسأل هوا مافيش اسواق سيارات
غير اللي في العاشر ولا في في حتتت تانيه

**kayson** · 02-06-2008 03:52 PM

لو نزلت التحرير اركب لغاية رمسيس و من رمسيس الحى العاشر و لو هتاخدفلوس معاك تخلى عينيك فى وسط راسك او كفاية عربون و خلص يوم الاحد لما البنك يشتغل و خلى بالك ان السوق بقى مليان تجار و السوق شغال من بعد الفج لغاية لما الدنيا تضلم لازم يكون معاك حد بيفهم كويس جدا جدا جدا و خليك صاحى فى فلوسك و فى العربية الى ربنا يوفقك فيها و ابقى ارفعها فى البنزينة قبل الشرا او حد ينزل تحتها يشوفها.

**Mohamed-Saoud** · 02-06-2008 05:41 PM

فيه يا nokiy ... و اسمه سوق البساتين و هو قريب جدا من سوق الجمعة الشهير :) اللي قبل صقر قريش.

بس ده غير منظم خااااااالص و هو ده أعتقد كان سوق السيارات الوحيد في القاهرة زمان.

**Xpert** · 02-06-2008 06:23 PM

المشاركة الأصلية كتبت بواسطة alijandroo

ميكانيكي ثقة وخبير أوي من القاهرة وكمان بيشتغل في تجارة المستعمل قاللي كلمة غريبة أوي
قاللي ولا باشتري ولا بابيع في السوق
قال مليان نصابين
وأكيد طبعاً إلا من رحم الله
عشان كدة خد بالك كويس وياريت لو انت خبراتك متواضعة تاخد معاك حد شاطر في الحاجات دي

فعلاً ماتبعش ولا تشتري من السوق ... لسبب واحد ... معظمه عربيات "متحليه" و "مشغوله" .. او موديلات غربيه الناس فقدت الامل في بيعها ... حاول تشوف عربيه اهالي الاول او حاجه بيتي كده من عندكم ...او من هنا علي المنتدي ..