الشرطه

**vedodido** · 13-02-2011 04:12 AM

والله هو احنا كلنا نامل بان الوضع يتحسن والناس تبداء تحترم بعض والشرطة تقدر الشعب وشعار الشرطة والشعب فى خدمة الوطن دا يتلغى بقى وتبقى الشرطة فى خدمة الشعب بس مافيش بتحصل فى يوم وليلة وخصوصا ان احنا بقلنا فترة طويلة اوى على النظام اللى زى الزفت لحد ما نقدر نقول انه بقت ثقافة التعمال هيا دى ولكن ان شاء الله مع الادارة الجيدة وتحسن الاحوال نبداء نشوف الشرطة فى خدمة الشعب فعلا

**فتح الباب** · 13-02-2011 04:32 AM

المشاركة الأصلية كتبت بواسطة m.alaa92

يا جماعة الموقف ده حصل و انا مش مصدق
انا كنت طالع من سمحة و طالع على البحر عن طريق الشارع اللى فية كيروسيز مول فالشارع ده لما الاشارة بتفتح يبقى تقريبا اتجاه واحد ناحية البحر المهم لقيت العربيات ماشية قولت تبقى الاشارة مفتوحة و اخدت عكس لحد قبل شارع ابوقير و هوبا الاشارة مقفولة
وطبعا انا عكس لقيت ظابط من ابو موتوسيكل جه نحيتى قولت اجهز التليفون للجنة الشعبية احتياطى و بابتسامة و قاللى " انا اسف بس حضرتك واقف عكس الاتجاه و اعتقد ان حضرتك افتكرت الاشارة مفتوحة"!!!!!
المهم نظرة غريبة منى و فتح الفم تعجبا مما حدث و كأنى فى حلم المهم وقف ورا منى و خلاانى ارجع و اظبط مكانى و يقولى خالى بالك من العربية اللى وراك سنة ورا لحد اما بقيت فى الصف و قاللى " حضرتك مش رابط الحزام اعتقد حضرتك لسة طالع فياريت تلبسوه عشان سلامتك " و قاللى " اى خدمة تانى حضرتك"!!! مش مصدق اللى حصل لولا والدتى كانت قاعدة جمب منى لقالت انى بحور و انا بحلم قولتلو الف شكر و كان هاين عليا انزل و احضنه هو الذوق و الادب ده كان فيييييييييين من زمان
يااارب يفضل الحال كدة امين

موقف جميل والله كان نفسى اشوفه الواحد مش متخيل . اه على فكره قبل ما انسى هو عادل لبيب لسه عندكم ولا مشه ولا راح فين وياترى اخبار تنقلات المحافظين ايه

**shaddadfalcon1** · 13-02-2011 06:13 AM

والله ياجماعه الواحد لما بيشوف ظابط محترم وابن ناس بيبقي عايز ينزل ياخده بالحضن وبيبقي مبسوط جدا فما بالك بقي كلهم بقو كده
معتقدش ان في حد هيخالف علي الأقل احتراما ليهم

**levelpower** · 13-02-2011 12:13 PM

المشاركة الأصلية كتبت بواسطة ahmed88hassan

ان شاء الله
( اقولك حاجة؟... انا متفائل)

+++11111

**gemy1** · 13-02-2011 12:51 PM

يا جماعه انا فى موقفين واحد منهم حصل قدامى ان كان فى ميكروباصات واقفه فى رمسيس و جيه امين شرطه بيقول للسواق اييييييييه بقى ؟؟؟ بيقوله ممكن بس لو سمحت تطلع قدام !!! عايز اقولكو يا ججماعه ان سواق الميكروباص تنح حس ان فى حاجه غلط هههههههه و الموقف التانى امين شرطة بيكلم سواق ميكروباص بيقوله ممكن تربط الحزام السواق رد بيقوله يا باشا ايه الاحترام ده انا كده هاربطه من و انا نازل من السرير ... بجد ياريت يكملو بقى بالاسلوب ده عشان كان الواحد فعلا وصل انه لما بيشوف ظابط فى وشه فى الشارع يضايق و يتعكنن انه شافه

**aminibrahim** · 13-02-2011 01:01 PM

لازم احنا كمان نحترم القوانين والا مش هاتبقي ديمقراطيه هانبقي شعب بتاع مهلبيه

وعايزين نبطل نغمه مش عارف انا مين يعني كسرت الاشاره مخالفه بدون ماتتكلم
بتتكلم في المحمول مخالفه بون مانفتح بقنا مش عايزين معلش اصل مااخدتش بالي

**mhmdalsaadany** · 13-02-2011 11:22 PM

الله ينور يا رجاله هو دا الكلام

**AMA** · 15-02-2011 01:48 AM

المشاركة الأصلية كتبت بواسطة shaddadfalcon1

والله ياجماعه الواحد لما بيشوف ظابط محترم وابن ناس بيبقي عايز ينزل ياخده بالحضن وبيبقي مبسوط جدا فما بالك بقي كلهم بقو كده
معتقدش ان في حد هيخالف علي الأقل احتراما ليهم

ماهو الشئ دة أسمه الأغتراب فى الوطن

المشاركة الأصلية كتبت بواسطة m.alaa92

يا جماعة الموقف ده حصل و انا مش مصدق
انا كنت طالع من سمحة و طالع على البحر عن طريق الشارع اللى فية كيروسيز مول فالشارع ده لما الاشارة بتفتح يبقى تقريبا اتجاه واحد ناحية البحر المهم لقيت العربيات ماشية قولت تبقى الاشارة مفتوحة و اخدت عكس لحد قبل شارع ابوقير و هوبا الاشارة مقفولة
وطبعا انا عكس لقيت ظابط من ابو موتوسيكل جه نحيتى قولت اجهز التليفون للجنة الشعبية احتياطى و بابتسامة و قاللى " انا اسف بس حضرتك واقف عكس الاتجاه و اعتقد ان حضرتك افتكرت الاشارة مفتوحة"!!!!!
المهم نظرة غريبة منى و فتح الفم تعجبا مما حدث و كأنى فى حلم المهم وقف ورا منى و خلاانى ارجع و اظبط مكانى و يقولى خالى بالك من العربية اللى وراك سنة ورا لحد اما بقيت فى الصف و قاللى " حضرتك مش رابط الحزام اعتقد حضرتك لسة طالع فياريت تلبسوه عشان سلامتك " و قاللى " اى خدمة تانى حضرتك"!!! مش مصدق اللى حصل لولا والدتى كانت قاعدة جمب منى لقالت انى بحور و انا بحلم قولتلو الف شكر و كان هاين عليا انزل و احضنه هو الذوق و الادب ده كان فيييييييييين من زمان
يااارب يفضل الحال كدة امين

سبحان الله يحيى العظام و هى رميم
والله حاجة عجيبه جدا و يا ريت أشوف شخصيا موقف زى دة على الأقل أحس أننا فى بلدى
لكن على ماأظن لما يكون فيه مجال معين و أتلوث بدماء شهداء يتهئ لى بينطبق عليه مثل
إلى أتكسر مبيتصلحش
بس والله العظيم لو وزارة الداخليه فعلا كلها تتعامل بالطريقة دى أحنا كشعب عمتا هتلاقيه بيساعد الحكومة فى تطبيق القوانين بطريقة فظيعة يعنى أولهم أحترام القانون و كمان لو واحد شاف أمين شرطة بيجرى ورا حرامى أو بتاع مخدرات هتلاقى الشارع كله و أنت أولهم بتجرى ورا المتهم عشان تسلمه للبوليس لأننا عمتا شعب عطوف جدا و فى الأيام الأخيره كان بيدل على ثقافة عاليه أوى يا ريت يتم تطبيقها بشكل صح

**Nistelrooy** · 16-02-2011 01:23 AM

لا برضوا انهاردة قلت اركب مواصلات علشان الزحمة ..

ركبت من الجيزة باص من باصات الجمعية .. لقيت واحد بيسلم ع السايس ..

السواق بيقولي ده امين الشرطة كان كل شويا ياخد مننا عشرة جنية دلوقتي ولا بياخد مننا حاجة .