نكت ما بعد ثوره 25 يناير

**احمدعبدالعزيز** · 13-02-2011 12:45 PM

الرئيس الامريكى براك اوباما اتصل بالريس مبارك وقاله حضر الطياره قاله ليه هو الشعب رايح فين ....

**أبو إياد** · 13-02-2011 01:03 PM

"آسف على الازعاج" انت عملت أكبر "مطب صناعي" في تاريخ مصر والله إنت "وش إجرام" وطول عمرك "دبور" ودلوقتي معاك "زهايمر" باختصار إنت " محترم إلا ربع" كل الشعب بقى ينادي "جعلتني مجرمًا" وعملت الحلو "عسل إسود" ومن السجون "العيال هربت" سرقت من عيونا " الفرح" إنت فاكر مصر "كباريه" وعامل فيها "الزعيم" وكنا نقول يا عم عديها "حين ميسـره... " "ليه.. يا دنيا" "هي فوضى" باختصار . "طير إنت

**Donzi** · 13-02-2011 04:25 PM

مبارك بعد ما استقال من منصبه كرئيس مصر جاله عرض عمل يمسك رئيس تونس قام الشعب التونسي عمل ثورة يطالب برجوع بن علي

**ALSHARIEF** · 13-02-2011 06:09 PM

المشاركة الأصلية كتبت بواسطة أبو إياد

إعلان وظيفي
رئيس سابق يبحث عن وظيفة .. خبرة في إنشاء الكباري متعددة الطوابق .. والمعتقلات شديدة الوحشية.. ولديه قدرة خاصة على التناحة

ومن المقترح أن تفكر شركة السبكى للانتاج السينمائئى ,أو شركة العدل جروب إنتاج فيلم تحت عنوان من العناوين الاتية ,فضلا تخير معنا عنوان من تلك العناوين :

مبارك في الزنزانة .
يا أنا يا حسني .
الواد سليمان بتاع الرئيس .
مبارك شيكا بيكا .
إنها حقا أجندة محترمة .
خالتي أجنده .
شورت وأجندة وكاب .
بلطجية في كي جي تو .
مطب رئاسي .
اللي بالي ماشي .
اللعب مع الإخوان .
نحيني شكرا .
يادنيا ياحرامي .
حب في الدبابة .
مع دخول المسرحية الكوميدية "امشي يا حسني لا مش ماشي" موسمها الثلاثين بنجاح ساحق

الله عليك بجد فطساااااااااااااااااااان على نفسى من الضحك أيوه كده عايزين نرجع نضحك من قلبنا تانى

**ALSHARIEF** · 13-02-2011 06:12 PM

المشاركة الأصلية كتبت بواسطة Donzi

مبارك بعد ما استقال من منصبه كرئيس مصر جاله عرض عمل يمسك رئيس تونس قام الشعب التونسي عمل ثورة يطالب برجوع بن علي

جامدة أوى

**ALSHARIEF** · 13-02-2011 06:24 PM

أبليس شاف 3 ملايين بيصلوا في ميدان التحرير راح مصوت وقال الله يخرب بيتك يا مبارك بقالي 30 سنة أضلل فيهم وأنت بعماليك السودا دي تخليهم يتجمعوا ويصلوا ؟ وهتف مع المتظاهرين "يسقط يسقط حسني مبارك"!

**ALSHARIEF** · 13-02-2011 07:53 PM

يعنى ايه كوكاكولا زيرو ...
.... يعني مصر تعمل مظاهرات والجزائر تلغي قانون الطوارىء-
....يعنى العساكر والظباط تأخد أجازة نص السنة واحنا نوقف خدمة طول الليل-
....يعني احنا نعمل ثورة والمساجين هما إللي يتحرروا-