استطلاع : من تؤيده لقيادة مصر خلال السنوات القادمة

**hn_kamal** · 13-02-2011 11:34 AM

طبعا معروف ان البرادعى له أنصاره وكذلك عمرو موسي وهما دول أكثر اتنين ظاهرين دلوقتى

**زينة الله** · 13-02-2011 11:40 AM

أنا أول واحدة أرد أهه و 100% شخص آخر هههههههههههه

ليه بقى ؟؟

عايزين جديد ... زهقنا من القديم كله مع أحترامى لكل الكفاءات و الشرفاء منهم

مش لازم نفضل بناس فى العقد التسعين والتمانين والسبعين كتير أوى !!!

عايزين شباب يبنى و يكون عنده قوة و طموح

لكن لو عملنا دستور لدولة برلمانية كما فى بريطانيا ممكن الرئيس يكون عنده خبرة و عجوز مش مشكلة و يكون صاحب تاريخ مشرف

**تامر.محمد** · 13-02-2011 11:43 AM

أقترح طرح دراسة كاملة بخصوص كل منهم قبل التصويت

**swimmer25** · 13-02-2011 11:55 AM

يا جماعة مفيش اي من التصويتات دي له لازمة دلوقتي خالص

مينفعش نعمل تصويت واصلا مفيش مرشح واحنا كمان مش في المرحلة دي
كل شوية استطلاع حتي قبل تنحي الرئيس...ناقص كمان نعمل مرشحين وهميين من اعضاء نايل موتورز ونصوت عليهم

الاول مطالب الثورة تتنفذ والدستور يتغير ومجلسي الشعب والشوري يتحلوا وبعدين اللي عايز يترشح من ابناء الشعب يبدا يرشح نفسه

ساعتها هيكون عندنا اسماء الناس المرشحة وميولهم السياسية تكون واضحة...وكل عنده برنامج انتخابي

ساعتها اكيد التصويت مش هيكون علي صفحات نايل موتورز لان نايل موتورز مش هي مصر