سؤال مهم جدا

**kabara** · 13-02-2011 02:05 PM

إخوتي الكرام
أنا لاحظت عند إستخدام المساحات بعد رش الماء أن الماء يذهب عبر منحنيات إال التجويف الداخلي للرفرف تحديدا أسفل الرفرف ( الرفرف من جوة )
و أعتقد أن ركنة الماء في هذا المكان مع تكرار غسيل الزجاج الأمامي سيؤدي إلي بارومة في هذا المكان فما رأيكم في هذا الموضوع ؟
كان من الأولي أن يتم عمل خرطوم تجميع لتلك المياه في صدر العربية و يتم طردها بعيدا عن صاج العربية

**sedyrohy** · 13-02-2011 02:47 PM

متابع

**Ahmed.TV** · 13-02-2011 04:09 PM

متقلقش من الموضوع ده .. ما لو كان اخدنا بوجهة النظر دى ما كان العربيات الصنى الموديلات القديمة كانت اكلتها البارومة من زمان وسمعنا ناس بتشتكى من الموضوع ده

معروف فى اى عربية بيكون فى مكان او مجرة فى الاجناب عشان تنزل الميه منه على تحت

لما كان معايا البولو ومن كتر ما كنت بركنها قريب من الشجر او تحته , المكان ده اتسد بورق الشجر والتراب وكان مشكلة لدرجة ان المية بتاعت المطر كانت بتتدخل جوة العربية وبتوصل الى رجلى لانها كانت بتدخل من فتحات التكيف

فالمنحنيات دى والمجر دى عادى جدا انه بيمشى فيها الميه

وعامة زيادة امان عشان تتطمن لما تروح مركز الصيانة اسالهم عشان تتطمن اكتر

**fady_anis** · 15-02-2011 09:40 PM

حضرتك لو اخدت بالك لما العربيه بتتغسل لو دققت هتلاقى الميه اللى بتيجى على الازاز من الاطرف بتنزل فى التجاويف اللى حضرتك بتقول عليها دى ومنها للأرض على طول يعنى زى مصرف للميه كده فا متقلقش خالص حضرتك

**SonaSteel** · 15-02-2011 11:46 PM

المشاركة الأصلية كتبت بواسطة fady_anis

حضرتك لو اخدت بالك لما العربيه بتتغسل لو دققت هتلاقى الميه اللى بتيجى على الازاز من الاطرف بتنزل فى التجاويف اللى حضرتك بتقول عليها دى ومنها للأرض على طول يعنى زى مصرف للميه كده فا متقلقش خالص حضرتك