هذا هو رئيس جمهوريه مصر العربيه القادم

**mahmoudselim** · 14-02-2011 07:21 PM

لغاية هذة اللحظة انا مش شايف غير عمرو موسي في الصورة ,, وأحمد شفيق تحت المراقبة .
الله أعلم في الفترة الجاية ممكن يظهر مين!!

**otefa** · 14-02-2011 07:35 PM

عمر سليمان(ثعلب سياسي) الى أن يظهر منافس غيره بعد أتضاح صورة التعديلات الدستورية والحزبية

**mahmoudselim** · 14-02-2011 07:39 PM

المشاركة الأصلية كتبت بواسطة otefa

عمر سليمان(ثعلب سياسي) الى أن يظهر منافس غيره بعد أتضاح صورة التعديلات الدستورية والحزبية

انا هقول لحضرتك جملة مشهورة اوي في ميدان التحرير وقت الازمة. ( عسكر يحكم تاني لا)

**otefa** · 14-02-2011 07:43 PM

المشاركة الأصلية كتبت بواسطة mahmoudselim

انا هقول لحضرتك جملة مشهورة اوي في ميدان التحرير وقت الازمة. ( عسكر يحكم تاني لا)

ماهو أنا برده ها أقول لحضرتك لو نزل أنتخابات ولم يظهر غير الوجوه الحالية على الساحة هانتخبه دي حرية ورؤيا شخصية في ناس زي الفل ولكني لا أرى فيهم رئيس للجمهورية ممكن يصلح منهم رئيس وزراء أو وزير أو مستشارين للحكومة ...........ألي يقول يقول زي ماهو عايز وكل واحد عقله في راسه وصوته في أيده.........تحياتي

**amado ibrahim** · 14-02-2011 08:01 PM

المشاركة الأصلية كتبت بواسطة otefa

ماهو أنا برده ها أقول لحضرتك لو نزل أنتخابات ولم يظهر غير الوجوه الحالية على الساحة هانتخبه دي حرية ورؤيا شخصية في ناس زي الفل ولكني لا أرى فيهم رئيس للجمهورية ممكن يصلح منهم رئيس وزراء أو وزير أو مستشارين للحكومة ...........ألي يقول يقول زي ماهو عايز وكل واحد عقله في راسه وصوته في أيده.........تحياتي

وكل واحد عقله في راسه وصوته في أيده

بالضبط كده دون اوتيفا

لكن ياريت وحضرتك بتنتخبه متنساش
1- اللى تسبب فيه سيادة النائب السابق لاخواننا فى غزة ومشاركته فى حصارهم وتجويعهم
لدرجة ان مرات فتح معبر رفح كانت اقل من عدد مرات فتح الممرات على الجانب الاسرائيلى (تخيل)
2-مطاردة الانفاق (المتنفس الوحيد لاهل غزة) وهدمها وضخ الغازات السامة فيها
3-مهاجمة كل من يتصدى لسياسات مصر تجاه غزة (النائب البريطانى اللى شبع مهاجمة عشان كان بيناصر قضية اهل غزة و يهاجم سياسات مصر تجاه اهالينا فى غزة)
4- اعجاب اسرائيل العجيب به كبديل لمبارك

5-.عملية الرصاص المصبوب.................................... ..........

6-.ضرب لبنان 2006.............................................

و ما خفى كان اعظم

واخيرا كل حر فى رائيه

تقبل تحياتى

**waleedfadeel** · 14-02-2011 09:15 PM

الجنزورى

**mohamedadelemam** · 14-02-2011 10:19 PM

برشح الجنزورى وزويل والبرادعى..وبجد نفسىأعرف ليه الهجوم الشرس على البرادعى..أنا مليش أى مصلحة بس شايفه راجل متعلم وعاش الحرية فى أمريكا وإتعلمها...ليه لا؟

**kh_talaat** · 15-02-2011 02:18 AM

نقطة مهمة يا جماعة

مش مهم مين اللي يكون رئيس الجمهورية القادم

ومن الخطا الكبير اننا نختار اي فرد وتدعيمة قبل تقديم هذا الشخص لبرنامجه الأنتخابي وعرضه علينا كشعب

هناك اشخاص لهم مصداقية عند بعضنا او معظمنا زي دكتور محمد البرادعي - ايمن نور - عمرو موسى - حمدين صباحي

كلهم ناس لديهم وطنية واحترمهم جميعا لكني لن ادعم احد منهم قبل تقديمه لبرنامج انتخابي مقنع ... ورؤية مستقبلية لدولة في حجم مصر

والأهم من كل ذلك ان اي فرد سيترشح لن يجلس على الحكم مهما كان نجاحه سوى فترتين رئاسيتين فقط

**M.Elsheikh** · 15-02-2011 02:49 AM

المشاركة الأصلية كتبت بواسطة Everlasting

أتمنى إن مصر تكون دولة برلمانية، ومنصب رئيس الدولة يكون شرفي لاكتمال أركان الدولة، وصلاحياته تكون محدودة.
من أمثلة الدولة البرلمانية: ألمانيا، إيطاليا، سويسرا، المجر، النمسا، تركيا، وإسرائيل.

**memo_p910** · 15-02-2011 03:37 AM

انا برشح البرادعي لانه سياسي محنك وفاهم كل معاني القيم الانسانيه وصلب صاحب مواقف ثابته بعكس عمرو موسى اللي ايام الثوره قعد يناور ومكنش موقفه واضح

بعد ما شفت البرادعي مع ابراهيم عيسى على الجزيره مباشر زاد حبي للراجل ده اكتر بجد حاجه في منتهى الرقي والحضاره والفهم السياسي

الموضوع: هذا هو رئيس جمهوريه مصر العربيه القادم

LinkBack

أدوات الموضوع

عرض

-

-

-

-

-

-

-

المواضيع المتشابهه

أنتم مستنيين أية من رئيس مصر القادم ؟؟؟

من تختار رئيس مصر القادم

من هو رئيس مصر القادم

رئيس مصر القادم

من ستختاره رئيس مصر القادم

الكلمات الدلالية لهذا الموضوع

المفضلات

المفضلات

ضوابط المشاركة