الموضوع: أحذروا ثورة الجياع بدأت بالأسكندرية

المشاركة الأصلية كتبت بواسطة amado ibrahim

اشكرك لانك طرحت النقطة دى للمناقشة

الشرطة العسكرية (كسلاح تابع للقوات المسلحة) ملوش علاقة بتأمين الحدود (دى مهمة حرس الحدود و الجيوش (الثانى والثالث) و المناطق العسكرية (الشمالية - الجنوبية - الغربية الشرقية (مفيش منطقة شرقية لان دى اللى فيها الجيوش سابقة الذكر)

اما بالنسبة لموضوع عدد الجيش
فاللى احنا بنتكلم عنهم هم الاحتياط (اللى خلصوا جيش و ملقوش شغل )
فيتم استدعاء الاحتياط (للى عايز ) ويتم دخولهم 3 اسابيع مركز تدريب شرطة عسكرية
ودول هيخروجوه أسود
يقدرو يقوموه بكل مهام الشرطة المدنية و بكفاءة افضل الف مرة
وبدون قلة ذوق و عنجهية من بتوع الشرطة المدنية

اما بالنسبة لمرتباتهم
(فحنا نديهم مرتبات الشرطة اللى وقت الازمة طلع ملهومش لازمة <لا ده طلع قليتهم احسن مش هما الللى بعتو البلطجية لترويع الامنين>)

اما لعدد افراد الجيش عموما اللى هيزيد مع استدعاء الاحتياط
(ده سؤال انت مسألتوش لسه)
فده ممكن نتفق عليه مع ولاد عمنا (اللى هما فى مرحلة محلسة لينا
و ممكن يوافقو على اى طلب مدمنا هنكمل فى اتفاقية السلام
وما دام الاعداد بتاعة الاحتياط رايحة للشرطة العسكرية)

واخيرا

تقبل تحياتى

وتذكر دائما

لا يُلدغ مؤمنٌ من جحر مرتين" متفق عليه

طبعا انا مش داخل ادافع عن الشرطه خالص كلنا عنينا من تصرفات اغلب افراد الشرطه و اللي مشافش بنفسه او حد قريب منه اكيد كان بيسمع اللي بيخليه يتجنب مجرد الاحتكاك بالناس دي


لكن فيه بعض نقاط محتاجه تفكير بغض النظر عن شغل الصعبانيات اللي بيعمله افراد الشرطه دلوقتي

1- اعداد افراد الشرطه دلوقتي حواي 600 الف بعد استبعاد افراد الامن المركزي اللي ملهموش فى الموضوع و كلنا فاهمين
الناس دي هتعمل ايه بعد ما تستبعدهم من العمل و تستبدلهم بغيرهم ويزداد جواهم الحقد و الحنق علي المجتمع

اكيد هيتلموا علي البلطجيه ويبقوا مليون و يكونوا مليشيات مسلحه تحارب النظام و المجتمع زي ما حصل في العراق افراد الامن تحولوا لمحاربين للنظام بعد احتلال العراق

2- طيب هو ايه اللي افسد الناس دي و وصلها للدرجه دي من الفساد
اولا السلطه اللي معطاه ليهم
ثانيا سلبيه الناس في التعامل معهم
ثالثا امكانيات معامل بحث جنائي و تدريب جنائي قليله جدا (اغلب موازنات الشرطه لامن الدوله والامن المركزي وقوات وادوات مكافحه الشغب)

فالكوكتيل ده من الظروف مع ضغط البلاغات مع احساسه انه هو الوحيد اللي حامي البلد حتي لو جبت ملائكه من السماء و اديتهم نفس السلطات و اتعاملت معاهم بنفس السلبيه في نفس الظروف هيبقي كلها سنه او اتنين و يبقوا نسخه من الشرطه الحاليه

يبقي احنا المطلوب حاليا
1- تغيير جميع قيادات الشرطه
2- محاكمه كل من تثبت عليه تهمه من جميع عناصر الشرطه
3- استيعاب الباقي و اعاده تأهيلهم و تدريبهم
4- اعاده انتشار افراد الشرطه و تغيير اماكنهم
5- النظر في عدد ساعات العمل و الاجور بالنسبه لهم
6- اعاده هيكله وزاره الداخليه كلها يعني الاحوال المدنيه و المطافئ وحدات المرور و الجوازات مالهم بالشرطه دول يتحولوا لهيئات مدنيه

ويبقي دور الشرطه هو الامن الجنائي و الامن القومي الداخلي (دلع امن الدوله) مع تنظيم و مراقبه الطرق عن طريق الدوريات الراكبه

دي الافكار اللي حضراني دلوقتي يا ريت نتناقش فيها