بيعملوا ثورة بعد ما الثورة خلصت
عرض للطباعة
بيعملوا ثورة بعد ما الثورة خلصت
حلو قوي
احنا نجهز شوية خيول و جمال و بنزين لزوم المولوتوف و شوالين رصاص مطاطي على شوالين رصاص حي
و كمية قنابل غاز و نطلع نظبطهم
و لا أقولكم
احنا نضربهم بقنابل نابالم و نخلص و نخلص منهم احسن و اهه الجيش موجود و أكيد ما هيصدق
و محدش يقول منهم الحلو و منهم الوحش .... لا دول مفيش فيهم غير كل وحش
البيه اللي ابوه دفع 50 ألف لكمال الشاذلي عشان يدخله كلية الشرطة دفع الفلوس دي كلها ليه ؟؟؟؟ اكيد عشان عارف انه هيلمهم 500 ألف و اكتر كمان
و على رأي المثل طمعنجي بناله بيت فلسنجي سكنله فيه
دول اللى هما نفرين تلاتة بالعدد مثلا؟؟؟... طيب انا حعرفهم منين من وسط اكتر من مليون ضابط؟؟؟... اعتقد الاسهل تبقى المعاملة و احدة للكل
من لا يرحم لا يرحماقتباس:
وهل تتسامح من اخطا واعترف بخطئه ؟
اقتباس:
1- تطبيق قانون العمل المصري علي ضباط الشرطة شئنهم شئن العاملين بالقطاع العام والخاص
وذلك تحديدا في عدة نقاط؛
هى الشغلة اللى بيشتغلوها دى طبيعتها زى شغلة اى واحد فى القطاع العام و الخاص؟؟؟... يعنى اللى شغال موظف فى مكتب بيقيد فى دفتر زى ضابط الشرطة؟؟؟
طيب لما هى كدة امال الناس دى كانت بتتفرد و تتنى علينا على اساس ايه؟؟؟... خللينا نشوف طيب هما عايزوين ايه؟؟؟
اقتباس:
أ.عدم ألغاء الراحات الاسبوعية تحت اي ظروف
ايوة طبعا... لما البلد تبقى فيها مصيبة و حد منهم اجازة يقول "انا اجازة و مليش فيه"...
اعتقد دة طلب بيوضح عدم احساس بالمسؤلية و عدم فهم لطبيعة الوظيفة اللى بشغلها الناس دى
اجازات برضة؟؟؟ هو انتوا مش اجازة اصلا من 27 يناير؟؟اقتباس:
ب.الحصول علي الاجازات السنوية كاملة وفق قانون العمل دون قيود وكذا الاجازات الرسميه سواء في موعدها او مؤجله
هو انتوا ليه محسسنى انكم بتشتغلوا 24 ساعة فى اليوم 7 ايام فى الاسبوع؟؟؟...
امال لما بنطلبكم فى التليفون عشان اى مصيبة محدش بيجى ليه؟؟؟ ولا ساعتها بتبقوا فى اجازات برضة؟؟
ولا يمكن المليون ضابط مش كفاية عشان البلد كلها مصايب؟؟؟؟
كان غيركم اشطر... اذا كان احنا موظفين و مبنطولهاش... عايزنها انتم بالساهل كدة؟؟اقتباس:
ج.تحديد ساعات العمل بحد اقصي 8 ساعات وما هو فوق ذلك يكون بأجر مستحق
و بعدين فلوس ايه و لامؤاخذة؟؟؟ هو الجنية الميرى بيتصرف اصلا؟؟؟؟
اقتباس:
2- زيادة المرتبات بما تحقق معيشه كريمة للضباط واسرهم
هو فيه ضابط مش عايش عيشة كريمة؟؟... امال الناس بتتكالب على الالتحاق بكلية الشرطة ليه لما هو مستقبلها وحش جدا؟؟؟
بصراحة كلام يفقع... المرارة
اقتباس:
3- الغاء المبالغ المالية المطلوبة في حالة تقدم الضابط بإستقالته والمبالغ فيها و كذا تمتع الضابط المستقيل بمميزات الضابط العامل في حالة استكماله عشره سنوات عاملا بوزارة الداخلية
هو مش اللى دخل الكلية دة اتدرب و اتعلم فى مقابل انه يفيد البلد بالتعليم و التدريب دة؟؟؟؟...
دا اللى بياخد كورس على حساب شركتة بيمضى انه يدفع تكلفة الكورس لو ساب الشركة خلال سنتين او تلاتة... يبقى اللى اتدرب تدريب كافى لحياتة العملية مش عايز يدفع حاجة؟؟؟
هو لازم كل حاجة تتاكل والعة كدة... حتى البلد نفسها؟؟؟... مش كفاية الناس؟؟؟
و كمان اللى يسيب الوزارة يبقى زية زى اللى لسه بيخدم (على اساس انة "بيخدم" فى الاصل)... طيب ما تاخدوا لقب ضابط و مرتب ضابط و مميزات ضابط و انتوا قاعدين فى البيت و خلاص... اسهل من وجع القلب دا كلة
اقتباس:
4- الغاء التمديد بعد سن الستين
اول طلب اوافق علية... بس انا موافق من منطلق ان المشرحة مش ناقصة قتلة
دا على اساس اننا مش عارفين اللى حصل؟... ولا هما ناويين يسرحوا بينا بما اننا فى تانية حضانة؟؟؟اقتباس:
5- عمل مؤتمر صحفي برئاسة وزير الداخلية لتوضيح حقيقة الاحداث الماضية و موقف قيادات الشرطة ومسؤليتهم عن الاحداث و تكريم شهداء الشرطة و تصحيح الصورة لابناء الشعب المصري
هايل... بس هو حبيب العدلى هو اللى عمل كل حاجة؟؟؟اقتباس:
6- تقديم وزير الداخلية السابق/حبيب العادلي لمحاكمة عسكريهةعاجلة لتسببه بشكل كبير في فقدان الثقة بين الشرطة والمواطنين
يعنى هو اللى كان بيضرب المواطنين فى الاقسام و هو اللى كان بيفترى على الخلق و هو اللى هرب المساجين و هو اللى ساب الاقسام و هو اللى داس المتظاهرين بالعربيات و هو اللى ضربهم بالرصاص؟؟؟؟؟؟؟
العدل ان كل اللى غلط يتحاسب... من اكبر واحد لاصغر واحد... يعنى حنرجع للمريلون الا نفرين اللى ذكرتهم فى الاول
صح... الضبابيت ياعينى غلابة و الكيادات سابتهم لوحدهم وسط الناس الوحشيناقتباس:
7-تقديم القيادات التى تخلت عن ضباطها فى الاحداث وتركوهم دون قيادة او مصدر معلومات او اوامر للمحاكمة السريعة والعلنية ليعلم الشعب كل من بذر بذرة شيطانية اثمرت شجرة خطايا فى حق هذا الشعب العظيم
دة كلام فارغ... المنظومة بالكامل فاسدة... مسح الاخطاء فى العادلى و القيادات للتنصل من المسؤلية هى لعبة قذرة لن تنطلى علينا
و هو من امتى بنصلى صلاه الغائب على قتلى الاعداء؟؟؟؟؟؟؟؟؟؟؟؟؟؟؟اقتباس:
وصلاة الغائب على روح كل الشهداء الشرطة والتحرير
والله المستعان
MMamdouh
«ومن يقتل مؤمناً متعمّداً فجزاؤه جهنّم خالداً فيها وغضب الله عليه ولعنه وأعدّ له عذاباً عظيماً» النساء 93
{ من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا }
اذكر الفرق بين ما فعلة رجال الشرطة (المسلمين والمصريين) فى المتظاهرين و بين ما يفعلة جنود الاحتلال الاسرائيلييناقتباس:
ولا أنتا شايف ألى ماتوا دول أسرائليين ؟؟؟
على فكرة انا مش قصدى على الناس اللى ماتت و هى بتحاول تمنع المساجين من الهروب... الناس دى فقدت ارواحها و هى بتادى واجبها
MMamdouh
أنا رأيى الشخصى و دة يحمل الخطأ أو الصواب طبعا أن المظاهرات الى الشرطة بتعملها دى تمثيلية علشان يحسنو من شكلهم أمام الناس و دى حركة قديمة قوى قوى و معروفة جدا يعنى أضرب و لاقى . بالبلدى كدة تمثيلية رخيصة و مسرحية هزلية و مفهومة جدا . أية رأيكم أن أمين الشرطة لو قلت لة حا أديلك 2000 جنية شهريا بس ما تاخدش رشوة و لا أكرامية مش حا يعجبة دة كدة يتخرب بيتهم يا جماعة حرام عليكم ههههههههههههههههههه . دة بيقلب الناس و بيعمل لة أكثر من ال 2000 جنية بمنتهى السهولة و بياكلو سحت من المحلات يا أما بالترهيب يا اما مصالح و شيلنى و اشيلك . مش حا يتعدلو أبدا دة شبة مستحيل و الظباط لعلمك لو أتلغى قانون الطوارىء مش حا يبقو مبسوطين لانهم بكدة بمنتهى البساطة مش حا يقدرو يمارسو اى نوع من انواع البلطجة و يحسو انهم مالهومش لازمة .أيام أحمد رشدى كان ممشيهم على العجين ما يلخبطهوش . و ايام زكى بدر فجرو شويتين تلاتة و زكى بدر و الله العظيم كان ساكن فى مصر الجديدة برضو و الله مرة لقى الظباط الى فى كشك الحراسة عند بيتة قاعدين علشان الدنيا كانت بتمطر راح ضاربهم و ب الشلوت كمان هههههههههههه. أحمد رشدى و المصحف كان ساكن فى روكسى كان بينظم المرور و هوة واقف فى البلكونة و ماسك ميكرفون
الله يفتح عليك
مظاهرات إيه السخيفة إلي بيعملوها دي ؟؟؟
دول جايبنهم في الفضائيات بيسألهوم انتو عايزين إيه
طالعين بيقولو احنا مرتباتنا 600 جنيه و انتو مش عايزنا نسرق أو ناخد فلوس طب نعمل إيه
منطق هايل بصراحة ...... خلاص يا جماعة إلي مرتبه مش مكفيه من الشرطة يرتشي أو يسرق عادي و احنا كشعب مش حنزعل منه
ناس ............ ........... .........................................
و بيهتفوا مهربناش ... مهربناش
أمال احنا كنة وافين في اللجان الشعبية طول الليل لمدة إسبوع ليه
أنا في عمارتي 3 ظباط شرطة
إسبوع كامل ...... احنا واقفين في الشارع و البهوات قاعدين في مستخبيين في البيت .......
بصراحة يستاهلو معاملة الناس ليهم