الموضوع: غدا ثورة ظباط الشرطة فى الثانية عشرة ظهرا

المشاركة الأصلية كتبت بواسطة BASKOTA

هل تعود ثقتك مع من لم يخطأ منهم وتظهر براءته ؟

دول اللى هما نفرين تلاتة بالعدد مثلا؟؟؟... طيب انا حعرفهم منين من وسط اكتر من مليون ضابط؟؟؟... اعتقد الاسهل تبقى المعاملة و احدة للكل

وهل تتسامح من اخطا واعترف بخطئه ؟

من لا يرحم لا يرحم

1- تطبيق قانون العمل المصري علي ضباط الشرطة شئنهم شئن العاملين بالقطاع العام والخاص
وذلك تحديدا في عدة نقاط؛

هى الشغلة اللى بيشتغلوها دى طبيعتها زى شغلة اى واحد فى القطاع العام و الخاص؟؟؟... يعنى اللى شغال موظف فى مكتب بيقيد فى دفتر زى ضابط الشرطة؟؟؟

طيب لما هى كدة امال الناس دى كانت بتتفرد و تتنى علينا على اساس ايه؟؟؟... خللينا نشوف طيب هما عايزوين ايه؟؟؟

أ.عدم ألغاء الراحات الاسبوعية تحت اي ظروف

ايوة طبعا... لما البلد تبقى فيها مصيبة و حد منهم اجازة يقول "انا اجازة و مليش فيه"...

اعتقد دة طلب بيوضح عدم احساس بالمسؤلية و عدم فهم لطبيعة الوظيفة اللى بشغلها الناس دى

ب.الحصول علي الاجازات السنوية كاملة وفق قانون العمل دون قيود وكذا الاجازات الرسميه سواء في موعدها او مؤجله

اجازات برضة؟؟؟ هو انتوا مش اجازة اصلا من 27 يناير؟؟

هو انتوا ليه محسسنى انكم بتشتغلوا 24 ساعة فى اليوم 7 ايام فى الاسبوع؟؟؟...

امال لما بنطلبكم فى التليفون عشان اى مصيبة محدش بيجى ليه؟؟؟ ولا ساعتها بتبقوا فى اجازات برضة؟؟

ولا يمكن المليون ضابط مش كفاية عشان البلد كلها مصايب؟؟؟؟

ج.تحديد ساعات العمل بحد اقصي 8 ساعات وما هو فوق ذلك يكون بأجر مستحق

كان غيركم اشطر... اذا كان احنا موظفين و مبنطولهاش... عايزنها انتم بالساهل كدة؟؟

و بعدين فلوس ايه و لامؤاخذة؟؟؟ هو الجنية الميرى بيتصرف اصلا؟؟؟؟

2- زيادة المرتبات بما تحقق معيشه كريمة للضباط واسرهم

هو فيه ضابط مش عايش عيشة كريمة؟؟... امال الناس بتتكالب على الالتحاق بكلية الشرطة ليه لما هو مستقبلها وحش جدا؟؟؟

بصراحة كلام يفقع... المرارة

3- الغاء المبالغ المالية المطلوبة في حالة تقدم الضابط بإستقالته والمبالغ فيها و كذا تمتع الضابط المستقيل بمميزات الضابط العامل في حالة استكماله عشره سنوات عاملا بوزارة الداخلية

هو مش اللى دخل الكلية دة اتدرب و اتعلم فى مقابل انه يفيد البلد بالتعليم و التدريب دة؟؟؟؟...

دا اللى بياخد كورس على حساب شركتة بيمضى انه يدفع تكلفة الكورس لو ساب الشركة خلال سنتين او تلاتة... يبقى اللى اتدرب تدريب كافى لحياتة العملية مش عايز يدفع حاجة؟؟؟

هو لازم كل حاجة تتاكل والعة كدة... حتى البلد نفسها؟؟؟... مش كفاية الناس؟؟؟

و كمان اللى يسيب الوزارة يبقى زية زى اللى لسه بيخدم (على اساس انة "بيخدم" فى الاصل)... طيب ما تاخدوا لقب ضابط و مرتب ضابط و مميزات ضابط و انتوا قاعدين فى البيت و خلاص... اسهل من وجع القلب دا كلة

4- الغاء التمديد بعد سن الستين

اول طلب اوافق علية... بس انا موافق من منطلق ان المشرحة مش ناقصة قتلة

5- عمل مؤتمر صحفي برئاسة وزير الداخلية لتوضيح حقيقة الاحداث الماضية و موقف قيادات الشرطة ومسؤليتهم عن الاحداث و تكريم شهداء الشرطة و تصحيح الصورة لابناء الشعب المصري

دا على اساس اننا مش عارفين اللى حصل؟... ولا هما ناويين يسرحوا بينا بما اننا فى تانية حضانة؟؟؟

6- تقديم وزير الداخلية السابق/حبيب العادلي لمحاكمة عسكريهةعاجلة لتسببه بشكل كبير في فقدان الثقة بين الشرطة والمواطنين

هايل... بس هو حبيب العدلى هو اللى عمل كل حاجة؟؟؟

يعنى هو اللى كان بيضرب المواطنين فى الاقسام و هو اللى كان بيفترى على الخلق و هو اللى هرب المساجين و هو اللى ساب الاقسام و هو اللى داس المتظاهرين بالعربيات و هو اللى ضربهم بالرصاص؟؟؟؟؟؟؟

العدل ان كل اللى غلط يتحاسب... من اكبر واحد لاصغر واحد... يعنى حنرجع للمريلون الا نفرين اللى ذكرتهم فى الاول

7-تقديم القيادات التى تخلت عن ضباطها فى الاحداث وتركوهم دون قيادة او مصدر معلومات او اوامر للمحاكمة السريعة والعلنية ليعلم الشعب كل من بذر بذرة شيطانية اثمرت شجرة خطايا فى حق هذا الشعب العظيم

صح... الضبابيت ياعينى غلابة و الكيادات سابتهم لوحدهم وسط الناس الوحشين

دة كلام فارغ... المنظومة بالكامل فاسدة... مسح الاخطاء فى العادلى و القيادات للتنصل من المسؤلية هى لعبة قذرة لن تنطلى علينا

وصلاة الغائب على روح كل الشهداء الشرطة والتحرير
والله المستعان

و هو من امتى بنصلى صلاه الغائب على قتلى الاعداء؟؟؟؟؟؟؟؟؟؟؟؟؟؟؟

MMamdouh

المشاركة الأصلية كتبت بواسطة bmw323

أتقى الله يامحمد دول مسلمين وشهداء ومصريين زينا

«ومن يقتل مؤمناً متعمّداً فجزاؤه جهنّم خالداً فيها وغضب الله عليه ولعنه وأعدّ له عذاباً عظيماً» النساء 93

{ من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا }

ولا أنتا شايف ألى ماتوا دول أسرائليين ؟؟؟

اذكر الفرق بين ما فعلة رجال الشرطة (المسلمين والمصريين) فى المتظاهرين و بين ما يفعلة جنود الاحتلال الاسرائيليين

على فكرة انا مش قصدى على الناس اللى ماتت و هى بتحاول تمنع المساجين من الهروب... الناس دى فقدت ارواحها و هى بتادى واجبها

MMamdouh