يخرب بيت ام الغباء , هى الناس بتفهم منين اللى قاعدين يشككوا فى وائل غنيم
يا نهار اسود والمصحف خسارة فيهم التعليم اللى اتعلموه
عرض للطباعة
يخرب بيت ام الغباء , هى الناس بتفهم منين اللى قاعدين يشككوا فى وائل غنيم
يا نهار اسود والمصحف خسارة فيهم التعليم اللى اتعلموه
يعنى كدة معظم اصحابى طلعوا ماسونيين؟؟؟....بطلنا عقدة الخواجة ودخلنا على عقدة المؤامرة
ده أقتباس من على الفيس بوك
أول مرة أعرف من حضرتك أن الفيديو مش ليه..........أنت متأكد؟
بس أنا مابستريحلوش كده كده
والسؤال هل منطقي أعتقاله ويطلع من غير خربوش في وقت كانت قوات الأمن بتضرب رصاص حي على المتظاهرين!
دي مجرد تحليلات من حق الجميع تشغيل العقل...............والأختلاف في الأراء لايفسد للود قضية...........تقبل تحياتي
انا مشفتش الصور لكن متوقع حملات زى دى تطلع ايا كانت صادقة ولا كاذبة لازم نطلع نحاول نشوه اى رمز ومدام متجوز بامريكية يبقى اكيد راجل "اجندة" ومتمول من المخابرات الامريكية واسرائيل "مع انهم كانوا عايزين يخلوا مبارك".."بعا انا سمعت انهم طلعوا عليه اشاعة انه تبع بن لادن علشان شكله باكستانى!!!!!
صح عجبنى كلامك بصراحة
وانا برضه لا هدافع عن وائل ولا اتهمه لانه اصلا لايهمنى فى شئ هو حد شارك فى الثورة زيه زى اى حد بالعكس ده قعد 12 يوم ماشاركش ويشكر لانه نظم الفكرة من البيج بتاعته وانه عرف الناس مين هو خالد سعيد وايه اللى حصله
بس فى الاول والاخر دى كانت ثورة شعب
واكيد لازم يكون فيه حد يوصل اراءنا للحكومة وده اللى هو بيعمل من خلال اسئلة واقتراحات احنا كاعضاء عاديين فى البيج بندخل نقولها وهو الحلقة اللى بتوصلها للحكومة فبليز بلاش افورة فى المواضيع وركزوا فى اللى احنا نعمله الفترة الجاية مش فى كلام لا هيودى ولا هيجيب
وكفاية اوى انه خلى ناس كتير تصحى وتقول للظلم لا حتى لو كان من المريخ
انتو بس مش مستريحين له علشان مش وسيم
ماشى الثوره اللى جايه حنجبلكم احمد عز ( الممثل ) علشان تستريحو
بس على الجانب المهم اللى بقى يقلق فى الموضوع ان فى مجلس امناء للثورة اتكون من 8 افراد لتمثيل الثورة
طيب مين دول؟ ومين اخترهم؟ وازاى حيمثلوا ارائنا ويتحاوروا مع الجيش؟
أهي علاقته بجوجل وشبكة أتصالاته تثير تساؤلات أكثر في نفسي
ومش مهم الكلام حقيقي ولا مش حقيقي ده حوار في أطار الموضوع المفتوح ألي معترض على النقاش يكلم الأدارة علشان يمنعو النقاش كلامي مش لحضرتك كلامي للمهاجمين لكل من يختلف معاهم في الرأي .........ألي عايز يوقف عقله هو حر بس مايجبرش غيره(ديمقراطية)
المهم الحمد لله الثورة ناجحة للأن ربنا يتمها على خير وتحقق كل طموحاتنا