الموضوع: موضوع خطير بخصوص وائل غنيم ويمس مصر

هو احنا ليه اتعودنا على نظريه المؤامره فى اى حاجه
و بقينا تلقائيا بنهدم اى حاجه تلمنا او اى حاجه جميله فى حياتنا ... احنا خلاص اتعودنا على الفساد فى كل حاجه لدرجه اننا مش عارفين نعيش من غيره

اولا علشان تبقى عارف نظام مبارك كان بيخدم امريكا و اسرائيل بشكل افضل مما كان حيحدث لو هما احتلونا
يعنى ان نظام مبارك يسقط ده مش فى مصلحة اسرائيل نهائى ... و بالتالى امريكا مش حتبعت عميل ليها لإسقاط النظام
وبناء عليه امريكا فى التصريحات الاولى كانت ضد المتظاهرين ( لأن التظاهرات مش فى مصلحتها) ... و لما الكفه بدات ترجح لصالح المتظاهرين بداءت تدعم المتظاهرين
فلو كان صحيح وائل غنيم جاسوس كانت امريكا مارست ضغوط لدعم الثوره من اللحظه الاولى
و بشكل عام وائل غنيم مش مناضل ولا وزير ... هو مجرد ادمن لصفحه جمعتنا كلنا و خلتنا نعمل احلى ثوره فى الدنيا
نمسك بقى نص المقال و نمسك الصور واحده واحده
اولا : موضوع الحظاظه الماسونيه : اولا اللى اعرفه ان الماسونين بيبقو لابسين دوباره حمراء مش حظاظه ... و بعد كده بفرض انها رمز ماسونى ... هل يعقل انه يطلع بيها فى التلفزيون

ثانيا : موضوع الصفحه بتاعت خالد سعيد هو قال قبل كده ان فيه اتنين ادمن واحد قاهرى و التانى سكندرى ... فممكن ان السكندرى ده يكون هو اللى صاحب خالد سعيد ... و حتى لو ماكنشى فيه و هو اللى بيكدب ... ايه يعنى ده مايدلش انه جاسوس اصلا ... و بعد كده ممكن يكون كدب لأنه خايف على منصبه فى جوجل ومعلشى لو كان صاحب الصفحه مخطوف و ده مزروع مكانه ماكنوش جابو واحد معروف ( المدير الاقليمي لجوجل و ليه تعاملات متعدده مع التلفزيون و خلافه ) كانو جابو اى حد و خلاص

ثالثا : موضوع انه عايش معظم حياته بره ازاى حيحس بالمصريين - بالعكس هو ده السبب اللى خلاه يحس بالمصريين - انا مثلا ليا عمى مهاجر انجلترا بقاله اكتر من 40 سنه و لما بينزل مصر بيبقى مدايق جداا لأنه اتعود على نظام بره و لما بيرجع هنا بيبقى مخنوق , و لما قامت الثوره لاقيته بيتصل بيا و بيعيط و بيقولى روح الميدان و خليك فيه حتى لو مت علشان مصر تنضف
اللى اقصده ان اللى عايشين بره بيقو عارفين الدنيا ماشيه ازاى و بيحسو بالفارق لما بيزورو مصر , لكن المصريين اللى جوه مصر خلاص اتعودو على القرف اللى هما فيه لأنهم ماشفوش غيره ...كأنك بتسأل اعمى على جمال منظر الشمس وهو عمره ماشافها

رابعا : ده الهبل بعينه .. مين اصلا اللى قالك ان ده وائل غنيم اساسا اخوه طلع و قال ان ده مش اخوه و الكلام ده قبل مايظهر ... ووائل غنيم نفسه قال انه اتخطف يوم الخميس على الساعه 3 الفجر وهو مروح وماكنشى فى مظاهرات يوم الجمعه اصلا
و بالنسبه لتركيز الكاميرا على ( الشخص المخطوف ) فده طبيعي ... تخيل انك كنت بتصور و لا قيت حد بيعتقل طبيعي انك تتابعه بكاميرتك ... و هو كده كده مش وائل غنيم اصلا

رابعا ( المقاله فيها رابعا مرتين ) : ماتنساش ان جوجل شركه امريكيه و الامريكان بيحترمو البنى ادمين اللى تبعهم .. و اقصد تبعهم لأنه بيشتغل فى شركه امريكيه ... و بالنسبه لأنه ادمن الجروب فواضح انه كان ليه اكتر من صديق عارفين الحكايه دى و كان معاهم السيوسرنيم و الباس بتاع ااكونت بتاعه كمان

خامسا : ما انا لسه قايلك انه ليه اكتر من صديق ( بره مصر و جوه مصر ) معاهم اليوسر نيم و الباسورد بتوعه و بيتكلمو باسمه و منهم صاحبه اللبنانى اللى قال لمنى الشاذلى عليه ده
وغير كده و كده النت بالفعل كان موجود على 070005000 زى ما اللنك ده بيقول
http://www.nilemotors.net/Nile/199891-a.html

سادسا : موضوع العياط ده نتيجه لأحساسه بالمسؤليه ... انا نفسى عيط و لغاية دلوقتى ببكى لما بفتكر الصور دى مع اغنيه يا بلادى ... تخيل الاحساس لو حسيت انك صاحب الدعوه اللى خليتهم ينزلو و يموتو بسببها و خد بالك انه كان لسه عارف ان فيه ناس استشهدو و ان الثوره فى تقدم من وقت قريب لأنه ماكنشى بيعرف اى اخبار و هو معتقل

سابعا :هو مالهوش علاقه بالتفويض لأن فيه ناس كتير اتأثرو بيه و ببكاءه و بالتالى اتعمله صفحة التفويض جى

ثامنا : واضح انك مانزلتش المظاهرات فى اول يوم ... مطالب ثانى يوم اختلفت عن اول يوم فى ان فى التانى قلنا اسقاط النظام ... و بعد كده معظم المطالب دى اتكونت من المتظاهرين نفسهم و برضه نقابلة المحامين انضمت للثورا من اول يوم .. و اعتقد ان دول ناس ليهم فى القانون و الدستور

تاسعا : هو ماقلشى اسمه ... احنا عرفناه و عرفنا انه مؤسس جروب خالد سعيد لما كان هو فى المعتقل
و موضوع الحزب ده لأنه لقى الموضوع كبر و لازم تلم المتظاهرين دول تحت حاجه واحده

عاشرا : هو مش عامل فيها قائد نهائى و بالتالى ماكنشى بيبقى فى التحرير كل يوم و طبيعى انه ساعتها يرقص لأن اللى تعبو فيه اتحقق ... و لا انتا عاوزة يقعد يعيط طول عمره

بس كفايه كده انا تعبت

بالمناسبه فيه حاجه الموضوع نسيها .. التيثير اللى كانى وائل غنيم لابسه كان عليه اسد كبير شببه الاسود الماسونيه ... ده لنك للماركه بتاعت التيشرت وواضح انها بتعمل التيشرتات نفس الطريقه
Giordano - Collection-Polo 2010