الموضوع: موضوع خطير بخصوص وائل غنيم ويمس مصر

يعنى كدة معظم اصحابى طلعوا ماسونيين؟؟؟....بطلنا عقدة الخواجة ودخلنا على عقدة المؤامرة

المشاركة الأصلية كتبت بواسطة otefa

حصل اللى حصل وكله راح يجرى ويقول اين وائل غنيم اعتقلوا وائل غنيم طيب مين وائل غنيم ده ياجماعه قالك صاحب صفحة كلنا خالد سعيد وشغال فى جوجل تعالوا بقى لنقطة فيديو الاعتقال حد ارجوكم شوفوا الفيديو بعقلانية ابوس ايديكم حرام بجد شوفوا الفيديو ايه حصل وهما داخلين عليه بيقبضوا عليه تمثيلية الوحيد من وسط الصف الاولانى اللى اتاخد والراجل بتاع الشرطة وهو بيجرى عليه ياخده ركزوا فى الفيديو هتلاقيه بيجرى عليه كانهم فعلا رايحين ياخدوا الشخص ده بالزاااااااات من وسط الناس دى قفشه كانه قافش قاتل محترف ولا بتاع الكاميرا وهو بيصور ياعينى جاية تصوير بطىء ومركز عليه كانه بيصور فيلم هيتعرض للناس واللينك اهو عشان تشوفوا الفيديو وهقول تانى شوفوا الفيديو بعقلكم يامصريين مش بقلبكم الغلبان الطيب وقال فى الحلقة انه اتاخد بليل والفيديو كان الصبح من وسط المظاهره

كلام منطقي جدا ولاحظته من فترة ركزوا في الفيديو هاتلاحظوها بمنتهى البساطة...........تمثيلية

الشخص اللي في الفيديو ده مش وائل غنيم
انا قلتها من أول ما شفته، حتى قبل ما يفرجوا عنه
كمان زوجة وائل قالت إنه مش هو من ساعة ما ظهر الفيديو ده
ده غير إن وائل اعتقل في يوم بالليل مش بالنهار زي ما حضرتك قلت
ومعتقلش في ميدان التحرير، أعتقد في مصر الجديدة

المشاركة الأصلية كتبت بواسطة أبو حمزة

الشخص اللي في الفيديو ده مش وائل غنيم
انا قلتها من أول ما شفته، حتى قبل ما يفرجوا عنه
كمان زوجة وائل قالت إنه مش هو من ساعة ما ظهر الفيديو ده
ده غير إن وائل اعتقل في يوم بالليل مش بالنهار زي ما حضرتك قلت
ومعتقلش في ميدان التحرير، أعتقد في مصر الجديدة

ده أقتباس من على الفيس بوك
أول مرة أعرف من حضرتك أن الفيديو مش ليه..........أنت متأكد؟
بس أنا مابستريحلوش كده كده
والسؤال هل منطقي أعتقاله ويطلع من غير خربوش في وقت كانت قوات الأمن بتضرب رصاص حي على المتظاهرين!
دي مجرد تحليلات من حق الجميع تشغيل العقل...............والأختلاف في الأراء لايفسد للود قضية...........تقبل تحياتي

المشاركة الأصلية كتبت بواسطة otefa

ده أقتباس من على الفيس بوك
أول مرة أعرف من حضرتك أن الفيديو مش ليه..........أنت متأكد؟
بس أنا مابستريحلوش كده كده
والسؤال هل منطقي أعتقاله ويطلع من غير خربوش في وقت كانت قوات الأمن بتضرب رصاص حي على المتظاهرين!
دي مجرد تحليلات من حق الجميع تشغيل العقل...............والأختلاف في الأراء لايفسد للود قضية...........تقبل تحياتي

أعتقد لو كان معتقل لأنه مرصود إنه أدمين كلنا خالد سعيد فأكيد عومل معاملة طيبة لأنهم عارفين عنه حاجات كتير ومن ضمنها إن صوته واصل وإن شركته مش هاتسكت وبالتالي مكانش عنده شكوى من سوء المعاملة

انا مشفتش الصور لكن متوقع حملات زى دى تطلع ايا كانت صادقة ولا كاذبة لازم نطلع نحاول نشوه اى رمز ومدام متجوز بامريكية يبقى اكيد راجل "اجندة" ومتمول من المخابرات الامريكية واسرائيل "مع انهم كانوا عايزين يخلوا مبارك".."بعا انا سمعت انهم طلعوا عليه اشاعة انه تبع بن لادن علشان شكله باكستانى!!!!!

المشاركة الأصلية كتبت بواسطة mikho83

يا جماعة حتى لو افترضنا إن وائل غنيم كده، مع إحترامي الشديد ليه، هو مجرد فرد في الشعب، واللي حصل مش هو اللي عمله دا كانت ثورة شعب بأكمله. يا ريت نضع الأمور في نصابها الصحيح

صح عجبنى كلامك بصراحة

وانا برضه لا هدافع عن وائل ولا اتهمه لانه اصلا لايهمنى فى شئ هو حد شارك فى الثورة زيه زى اى حد بالعكس ده قعد 12 يوم ماشاركش ويشكر لانه نظم الفكرة من البيج بتاعته وانه عرف الناس مين هو خالد سعيد وايه اللى حصله

بس فى الاول والاخر دى كانت ثورة شعب

واكيد لازم يكون فيه حد يوصل اراءنا للحكومة وده اللى هو بيعمل من خلال اسئلة واقتراحات احنا كاعضاء عاديين فى البيج بندخل نقولها وهو الحلقة اللى بتوصلها للحكومة فبليز بلاش افورة فى المواضيع وركزوا فى اللى احنا نعمله الفترة الجاية مش فى كلام لا هيودى ولا هيجيب

وكفاية اوى انه خلى ناس كتير تصحى وتقول للظلم لا حتى لو كان من المريخ

بس على الجانب المهم اللى بقى يقلق فى الموضوع ان فى مجلس امناء للثورة اتكون من 8 افراد لتمثيل الثورة
طيب مين دول؟ ومين اخترهم؟ وازاى حيمثلوا ارائنا ويتحاوروا مع الجيش؟