الموضوع: الرئيس المصري السابق في غيبوبة متكررة ويرفض تناول العلاج

حسبى الله و نعم الوكيل , لو الكلام دة صح ربنا يشفيه عشان يشوف الذل بعنية و يدفع تمن الجرائم اللى ارتكبها فى حق البلد دى .

المشاركة الأصلية كتبت بواسطة نور القمر

ربنا يشفيه
طيب يعمل حركة جدعنة كدة ويعلن توبته ويرد كل المسروقات ويكشف لنا كل الفساد والفاسدين عشان الناس كلها تدعيله والتاريخ يكتب له نهاية مشرفة

+1

بجد احسن تعليق

المشاركة الأصلية كتبت بواسطة أحمد كمال

فعلا

مبارك مش أغلى و لا أشرف و لا أطهر و لا أفضل من أي واحد أصيب بعاهة مستديمة أو قتل غدراُ و هو أعزل .........

مبارك مش أغلى من معتقل بدون إذن نيابة أو حكم محكمة لفترات تتجاوز العقد و نصف لمجرد "الاشتباه" فيه ...... و لا أغلى من زوجة فقدت زهرة شبابها منتظرة زوجها المعتقل بكل اخلاص ..... و لا اغلى من طفلة حرمت من حضن و قبلة أبوها المعتقل ......



كفاية بقى تعاطف معاه ...... و الله و لا يسوى أصلا ......

السلام عليكم و رحمة الله و بركاته

ده نوع من مليون نوع من أنواع الظلم اللى مبارك و أسرته كانوا بيصبوه عالشعب المصرى صبا .

أنا لو شفت مبارك قاعد فعلا و جنبه سوزان و بيشحتوا بالدولار, مش هديله حاجة و هتف عليه و أمشى و ابقى خلى علاء و لا جمال, حد فيهم يفتح بؤه, و هما أصلا ساعتها, هتلاقى كل واحد منهم ماسك جردل و فى بؤه صفارة و شغال منادى فى أى موقف عربيات و لا ممكن تلاقى علاء ده فارش فى شارع سعد زغلول فى محطة الرمل و لما المرافق تيجى, يطلع يجرى.

الteeeeeeet ابن الteeeeeeeeeeet

قيمة المرء دائما تقدر بافعاله واعماله وليس بوظيفته او بجاهه او سلطانه وكما قال صلى الله عليه وسلم إن الله تبارك وتعالى لا ينظر إلى صوركم ولا إلى أجسامكم ولكن ينظر إلى قلوبكم وإلى أعمالكم كما روى ابو هريرة فى صحيح مسلم
وبذلك فان مبارك شخص لا قيمة له (على الاقل بالنسبة لى) حينما كان رئيسا طوال 30 عاما يحارب الله ورسوله وعباده المؤمنين وبالطبع بعد ان تنحى ليصبح رئيس سابق
ويجب ان يعلم الجميع انه الان مازال يتنعم فى قصره فى شرم الشيخ والذى بنى من مال الشعب المسكين وينفق من الاموال التى استولى عليها بغير حق حتى الان وهذا لا يحل له
فلا تاخذكم به رافة ابدا وانما كان يجب ان يحاكم على جرائمه وعلى الدماء التى سفكها لشباب اطهار لم يطالبوا الا بابسط حقوقهم
وسيعلم الذين ظلموا اى منقلب ينقلبون
تقبلوا تحياتى