المشاركة الأصلية كتبت بواسطة dodino2006
د. أبو نضال, أسف للرد المتأخر, انا فعلا ما اخدتش بالي ان حضرتك رديت...
انا لم أقصد بتاتاً المسيحيين و المرأة, فالوضع في مصر مختلف, فلا يوجد عندنا - ولله الحمد - مثل هذا التقسيم الطائفي, فلا المسلمين كلهم عبارة عن حزب واحد, و لا المسيحيين كلهم حزب واحد, بل يتوزعون جميعاً علي عدة تيارات, ده مش عيب, بالعكس ده شئ صحي جداً....
ما قصدته هو الخلافات بين التيارات المختلفة في اي حكومة ائتلافية, بمعني حكومة تتكون من اخوان و ليبراليين و اشتراكيين مثلاً, لا أعرف الي أي مدي تستطيع أن تصمد, ده غير استئثار كل تيار بعدد و مستوي معين من الوزارات علي حسب نسبة تمثيله في البرلمان, ممكن يسبب بعض المشاكل برضه, بمعني ان لو حزبي مثلاً كان من نصيبه وزارة المالية (مثلاً), فأنا مضطر ابحث عن وزير للمالية في وسط الدائرة الضيقة لحزبي بغض النظر عن الكفاءة, و اللي ممكن يكون اساساً علي خلاف مع وزير الأقتصاد اللي من حزبك, و هكذا....
زي ما قلت قبل كده, نظرياً الدولة البرلمانية أفضل بكثير, بس في رأيي نخليها في مرحلة متقدمة, احنا ماشفناش النور من 60 سنة, يبقي من الأسلم اننا ما نطلعش علي الشمس مرة واحدة كده....
.