لمبة الدينامو بترعش

**aymangalal510** · 22-02-2011 05:49 PM

المشاركة الأصلية كتبت بواسطة abo_kanze

حضرتك شكلك ما اخدتش بالك من الرد بتاعي,,,

المهم المشكله اتحلت الحمدلله...

تحياتي لكـ.

ازاى يا فندم (اناباعتذر لحضرتك) طبعا اخدت بالى بس بطريقة تخو من الحس الكهربى (يعنى ماعرفش الفرد اللى حضرتك ذكرتها) هزيت السلك كده بإيدى يمكن تكون حاجه مقطوعة ولا مكشوفة مالاقيتش حاجه
غير ان السلك بصفة عامة ملفوف بشيكرتون وانا اصلا مابفهمش حاجه فى موضوع السلوك اللى رايح فين وجاى منين وكده لكن برضه من باب العلم بالشىء هشوف نقطة الكليبسات دى(عشان كده انا قولت لحضرتك ان السلك ملحوم فى بعضه باللزق) ومن ساعة ما هزيته كده اللمبة مابقيتش ترعش
وللأسف انا ساكن فى بعد المرج واحيانا بكون فى امبابة عشان كده الكهربائى بعيد عنى شويتين مع انى فى امس الحاجه للكهربائى ده لانى ناوى -ان شاء الله- اجدد فرش العربية (هشيله واعزل الدواخل كويس واركبه تانى) وطبعا محتاج افك التابلوه عشان اعزل وراه وهعتمد على نفسى فى النقطة دى(توفيرا للمصاريف) فكان نفسى فى كهربائى كويس جنبه سروجى عشان يشد لى فرش الكراسى والكنبة بس
لكن ربنا يسهل ويقرب البعيد

وال شكر جدا جدا جدا لاهتمام حضرتك واعتذر مره اخرى

**abo_kanze** · 23-02-2011 04:17 PM

السلام عليكم ورحمة الله...

والله العظيم ما قصدي اي اعتذار ... العفو حضرتك

انا قصدت المساعده بس ولاني عندي فكره مش بطاله في موضوع الكهربا...

العفو حضرتك بتعتذر ايه بس...

ع فكره انا فلسطيني مقيم في غزه وبعشق الشعب المصري ومصر طبعا

الكلبس حضرتك هاتلاقيه في الدينامو من الخلف...هي مشكلة حضرتك زي ما انا فهمت ان في سلك او كلبس بيهرب كهربا مش مشكلة في الدينامو ان شاء الله

تحياتي لك واتشرفت بالحديث معاك ...

**mohamed16** · 25-02-2011 07:07 PM

أزيك يا باشا
بعد اذنك ممكن تقولى فين الميكانيكي المتخصص في سيتروين ax العنوان بتاعو وايه ظروفوا غالى و لا ابه

**aymangalal510** · 26-02-2011 01:22 AM

المشاركة الأصلية كتبت بواسطة mohamed16

أزيك يا باشا
بعد اذنك ممكن تقولى فين الميكانيكي المتخصص في سيتروين ax العنوان بتاعو وايه ظروفوا غالى و لا ابه

الحقيقة الكهربائى اللى بروح له مش متخصص ستروين هوه كهربائى شامل لكن مابيقولش :مابشتغلش فى العربية دى والمره اللى كشف فيها على الدينامو وفكة ونضفة خد 20ج ومره فك المارش وكشف عليه ونضفة برضه خد 25ج بالاضافة الى الكشف على البطارية وتغيير الميه بتاعتها
وفى مره اتصلت بيه وجالى ببطارية من عنده وقوم لى عربيتى وانا اديت له 10ج من غير ما يطلب

ده لغاية دلوقتى شغلى معاه بس انا حاسس انه عنده ضمير وباله طويل فى الشغل وبيدور على سبب العيب كويس
اما مكانه بقى اعتقد انه هيبقى بعيد عنك (على الرغم انى مش عارف حضرتك ساكن فين) وبالوصف كده .... من نزله الدائرى بتاعة المرج تاخد اتجاه الخانكة فى منطقة اسمها القلج(انا ساكن بعدها بشوية) بعد المرج الجديدة (الدائرى) بحوالى 5 دقائق تقريبا

لو المكان يناسبك وعايز تروح له انا تحت امر حضرتك كلمنى وانا اروح معاك او اوصفلك وانت رايح واديلك رقم تليفونة
واتمنى لك التوفيق

**wael6** · 01-03-2011 03:14 PM

السلام عليكم
عربيتي اكسيل مو 95 1500
انا عندى ع السلانسيه لمبه كده فيها موجب وسالب ( دى بتاعة البطارية ولا الدينامو ) بتظهر ولما بدوس بتختفي ومبتظهرش تانى ؟

وكمان لاحظت رعشه فى نور العدادات والفوانيس وتقريبا لما بدوس بنزين بتثبت والنور بيزيد سنه بسيطه
بطاريتي سائله ولسه كاشف عليها قريب وكانت بخاله جيده الحمد لله ( ت شرائها 4/2010 )

يا ترى المشكله فين؟؟؟؟؟
ولكم جزيل الشكر والامتنان

**aymangalal510** · 01-03-2011 08:34 PM

المشاركة الأصلية كتبت بواسطة wael6

( دى بتاعة البطارية ولا الدينامو ) دى لمبة على شكل بطارية(موجب وسالب) بتنور احمر لكن وظيفتها الاساسية انها لمبة تحذير للدينامو فى حالة انك تزود بنزين الدينامو بيشتغل اسرع واقوى وبيغذى العربية بكهباء اكتر ولما اللمبة بتطفى معنى كده ان العربية خدت الشحن اللى محتاجاه من الدينامو

رعشه فى نور العدادات والفوانيس
فى الغالب انه ده عدم انتظام لشحن الدينامو

بطاريتي سائله ولسه كاشف عليها قريب وكانت بخاله جيده الحمد لله ( ت شرائها 4/2010 )

ما اعتقدش المشكله فى البطارية

ده على قد تجربتى مع نفس المواقف(يعنى مش بفتى) ويمكن يكون فى اسباب تانية ماعرفهاش وان شاء الله اخواننا الخبراء يفيدونا اكتر

**wael6** · 01-03-2011 11:00 PM

المشاركة الأصلية كتبت بواسطة aymangalal510

ده على قد تجربتى مع نفس المواقف(يعنى مش بفتى) ويمكن يكون فى اسباب تانية ماعرفهاش وان شاء الله اخواننا الخبراء يفيدونا اكتر

جزاكم الله خيرا
هل ممكن ده يكون سير الدينامو عاوز يتشد ؟
ممكن اعرف خارج الدينامو المظبوط كام ؟ بالاحمال ومن غير الاحمال الكهربيه ؟
ولكم جزيل الشكر

الموضوع: لمبة الدينامو بترعش

LinkBack

أدوات الموضوع

عرض

-

-

المواضيع المتشابهه

لمبة الدينامو بترعش .........

لمبة الدينامو بترعش على السلانسية

لمبة الزيت بترعش

لمبة الدينامو اللى فى التابلوه بترعش

لمبة الزيت بترعش في السلانسية ومجنيناني

الكلمات الدلالية لهذا الموضوع

المفضلات

المفضلات

ضوابط المشاركة