بعد الثوره: قبل ماموت هشوف عربيه مكتوب عليها صنع فى مصر ولا هنعمل صناعات صغيرة !!؟

السؤال دة بييجى فى بالى دايما
أصل المفروض الدولة دى تعمل لمصلحتنا فى المرحله القادمه و بما أننا شوفنا ذل و مرمته لازم نطالب برجوع المعنى الحقيقى لكلمة القوة العاملة و دا هييجى لما يكون فى مصر صناعات مصريه 100% و بمصانع مصرية تابعة للدولة غير تابعة لرجال أعمال , دا إذا كان أنت يا مواطن يا طبيعى لما بيكون معاك من أول 20 ألف جنيه لأعلى بتقول أنا هعمل مشروع عشان تكسب و يبقى ليك دخل ثابت يبقى الدولة مش هتعمل مشروع عشان تكسب و تسدد الديون إلى عليها و توفر فرص عمل للشباب !!!؟ أكيد النظام الجديد و الحكومة هتعمل بعد الثورة العظيمه دى لأن لو معملتش هيكون نهايتها الله أعلم شكلها عامل أزاى

المهم بقى هل تتخيلوا أننا هنتخصص فى حوالى 5 صناعات كبيره زى السيارات و الأسلحه و ماشابه
أصل دى لو حصلت أحنا عمتا شعب مش بيحب أى حاجة فأكيد هتبقى سيارة على الأقل زى الدايو أو الهيونداى و هتبقى بسعر كويس يا دوب مكسب الشركة و المصنع يعنى ولا جمارك ولا ضرايب جمركيه ولا غيره و بكدة الناس تشترى أكتر و تحقق مطالبهم و فى نفس الوقت الدولة تكسب و يا سلام لو حصل تصدير لدول عربيه زى سوريا و الأردن و السودان هتبقى حاجة جميله بجد و دا حلمى قبل ماموت

ولا هنتخصص فى الوقت القادم فى كذا صناعة صغيرة زى سلوك الكهربا و اللمبات و الفيش و ماشابه
و دا برضة بتكون التكلفة أقل و سلع أستهلاكيه بطريقة مباشره لكل بيت أو لكل فرد فى المجتمع و دا هيلبى رغبات ناس كتيرة جدا لكن مش هيبقى فيه فرق كبير فى السعر و دا مش هيميز السلعة المصريه عن غيرها المستورد لكن هيوفر فرص عمل كويسة جدا


يا ترى أنت من وجهة نظرك المربح للدولة أكتر و إلى أنت شايفه و نفسك يتحقق أية ؟

انا شايف اننا نعمل الموضوع التانى عشان انا شخصيا كان نفسى انى اعمل الاولانى فكده مصر هاتقطع عليا وانا حاطط خطه عشان اعمل العربيه المصريه 100% هههه

انا مش متأكد بس هو احنا اصلا عندنا القدرة اننا نبدأ مشروعات كبيره لو عندنا امكانيات نتوكل على الله بس انا لسه شايف راجل الصبح كان بيشحتلنا من الدول العربيه فافتكرت الاقتصاد انتهى فى الكام يوم دول ؟؟ ممكن نبدأ بالصغير وبعد كده نعمل المشروعات الكبيره بس الاول نوفر احتياجاتنا كلها بحيث نقلل او نعدم الاستيراد ده من السلع الغذائية والكلام ده ودى رأى شخصى جدا .

أنا شوفت من كام يوم على قناة الجزيرة إن إيرادات قناة السويس في شهر يناير إللي فات ده كانت حوالي 400 مليون دولار، أنا شايف إن رقم زي ده في شهر واحد يسمح للاقتصاد المصري إنه يبدأ بالصناعة إللي هو عايزها حتى لو هيخسر في الأول لكن مع الاستمرار في الإنتاج و تطوير المنتَج هيحقق أرباح كبيرة أو على الأقل هيغطي الاستهلاك المحلي بدل ما بقينا نستورد كل حاجة و فلوسنا كلها طالعة برة البلد.

نفسي ييجي اليوم اللي اشوف Top Gear بيعملو Review لعربيه مصريه ويبقي باين عليهم علامات الاستغراب والذهول واسمعه بيقول
How did they do this !!!!

ولما يحبو يقولو علي عربيه انها جباره يقولو دي شبه العربيات المصريه

انا شايف إن البداية الطبيعية هي الصناعات الصغيرة (بس مش صغيرة لعب يعني) لأن دي هتديك فرصة إنك توجه الفكر الأستثماري عندك للصناعة بدون خسائر كبيرة ، لأن معظم المستثمرين بيحبوا المكسب السريع زي الفنادق والأراضي والعقارات ، ولو بصينا فى العالم هنلاقى دول قليلة اللى بتصنع عربيات ، لكن فى دول بتصنع إلكترونيات ، فى دول بتصنع برمجيات وهكذا

وكمان صناعة العربيات والطائرات بتحتاج صناعات مُغذية ، فبالتالي محتاجبن فى البداية صناعات صغيرة

Amr Mohamed
ماهو يا باشمهندس عمر أنت لو بتتكلم إنك هتعمل سيارة مصرية 100% لازم يكون من تمويل الدولة لأن حضرتك حتى لو عملت سيارة فرديه هتبقى تكلفتها أقل و محدش هيسمع عنها كالعاده أنا مش بحبط الحس الحماسى إلى عند حضرتك لكن أحنا بنتطلع للواقع أكتر و فكرة الأستيراد فعلا أنا من زمان معارض أستيراد السلع الغذائيه لأن عيب جدا دوله زى مصر تكون معندهاش أكتفاء ذاتى من السلع دى

Zika9909
و أنا سمعت كمان أن أيرادات قناة السويس لو بالجنيه المصرى هيفرق جامد جدا معانا و كمان حضرتك بتتكلم فى عز الكارثة الأيراد وصل لـ400 مليون دولار يعنى تخيل لو فى شهر موسم ولا حاجة هيوصل كام و بالنسبه لأستمرار المنتج أحنا الحمد لله المفروض عندنا كوادر فى مصر و عقول تنتج حاجات زى الفل لكن كانت المشاكل كلها يا أما سياسية يا أما أقتصادية زى شركة سيات و النصر الأتنين بدأو مع بعض شوف دى فين و دى فين !!!

shaddadfalcon1
الحاجة الوحيدة إلى أتكلموا عنها و محدش يضحك يعنى الحمامات المصريه !!!
بس للأسف مش فاكر فى أنهى حلقة بالظبط بس عمتا الكلام نفسه عن حمام فى برنامج عربيات خلانى منساش الموقف و بالأخص إنهم ناس مسخره بس والله نفسى زيك أشوف عربيه و هما بيجربوها ميقدروش يطلعوا فيها القطط الفطسانه أو يفجروها زى اللادا

م/مصطفى محمود
والله يا باشمهندس عايز أقولك أن فكرتك صح 100% لكن أحنا مش عايزين نكرر تانى موضوع رجال الأعمال و المستثمرين فى مصر تانى لأن الناس دى بتسرق البلد بكل الطرق بس لو هنيجى نبص على موضوع السيارات على الأقل هتلاقى لو حضرتك بتقول فيه دول قليلة هتلاقيهم إلى بيصدروا السيارات للخارج لكن معظم دول العالم و عن ثقة بتنتج سيارات على الأقل تكفى أحتياجاتها الداخليه بأمكانيات كويسة و بأسعار كويسة تحقق مكاسب لدولتهم و فى الرد القادم هكتبلك كام دولة و بصور عربياتهم كمان
و بالنسبه للصناعات المغذيه يتهئ لى الدولة هتاخد مصنع زوز بتاع الحديد على كام مصنع كاوتش كدة و صماويل و الحياه هتبقى معدن

طبعا مش هتكلم عن السيارات الكورى و الصينى و الماليزى إلى مليانه الدنيا و مش محتاجين نتكلم عنهم كتير
لأنهم ماركات أثبتت نفسها فى الدول إلى زينا معندهاش مايكفى من أحتياجات شعبها من السيارات



رومانيا
داتشيا نوفا و داتشيا 1310 و داتشيا duster و داتشيا sandero

و دى صورة الداتشيا نوفا
http://www.daciaclub.cz/graphics/gal...cia-nova-f.jpg









الهند
شركة تاتا موتورز
الشركة عملت أرخص سيارة فى العالم إلى أسمها تاتا نانو
و لكن مش مقتصرة على النوع دة بس دا الشركة دى بتعمل مقطورات كمان و أنتجت سيارة بتعمل بالهواء بسرعة 110 كيلو متر

و دى صورة السيارة بتاعة الهوا

http://www.al-khayma.com/NR/rdonlyre...56/tata300.jpg

و دى صور تانيه لسيارات الشركة

http://www.freescorpio.com/wp-.........umo-grande.jpg

Tata Xover

http://www.dancewithshadows.com/auto...ssover-car.jpg
http://www.dancewithshadows.com/auto...er-concept.jpg
http://burnyourfuel.com/My_Files/Tat...ver_car_10.jpg








السعودية
عملوا سيارة أسمها غزال لكنها معملتش صوت كويس يتهئ لى فى الدول العربيه لكنها غطيت أحتياجات ناس كتيرة


http://www.fannat.com/news/3178_files/image003.jpg
http://www10.0zz0.com/2010/03/07/02/720483317.jpg









سوريا
عملوا سيارة أسمها شام و بشار الأسد شخصيا كان بيجربها و من الواضح إنها عجبته


http://www.albaath.news.sy/epublishe...es/pic_0_2.jpg
http://i.aksalser.com/u110213/773422326.jpg










إيران
و دى الفكرة الأولى لسيارة شام السوريه و أسمها سمند

http://www.oyunlab.com/photo/Ikco-Samand35916.jpg
http://www.motorward.com/wp-......./...03/samand6.jpg

و دا أصدار جديد من السيارة و محدش يستغرب لأنهم وصلوا لمرحله متقدمه و عملوا أصدار أسمه سورن

http://www.digitaljournal.com/img/7/...mand-suren.jpg









ليبيا
من الغريب أن محدش حتى فى ليبيا سمع عن موضوع السيارة إلى بيسموها الصاروخ
لكنها أتعملت و أتحققت أة مش هتعمل مبيعات كبيرة لأن تصميمها عجيب لان مصممها معمر القذافى شخصيا يعنى مش شخص متخصص مع أحترامى له طبعا لكن أحنا بنتكلم على أرض الواقع
و بما أن البدايه جت يبقى التطوير قادم

http://www.samapro.net/uploaded/382_1254250261.jpg
http://www.samapro.net/uploaded/382_1254250117.jpg









النرويج
أسمها على ماأظن THINK Ox
و للأسف و بكل أسف تم تصديرها لستوكهولم و تل أبيب (حسبى الله و نعم الوكيل)


http://www.treehugger.com/THINK-4-Door.jpg
http://www.pureelectric.us/wp-.........9/think-ox.jpg
http://www.hybrid.cz/obrazky/think/think-ox-03.jpg
http://www.planetpinkngreen.com/wp-....imagelarge.jpg





أية رأيكم كفاية كدة ولا عايزين تانى !!؟

الي قريته في تقارير و مقالات كتير ان مصنع نصر فيه مكن و عنابر ماشتغلتش اصلا
و يقدر ينتج عربيات من الالف للياء
فكره انتاج عربيه محليه مهمه جدا و هتخدم ناس كتير
طبعا احنا عارفين السوق و احتياجاته اكترمن اي حد تاني
ف هتتميز العربيات مهما كان شكلها او امكانياتها برخص التمن و غير كدا المصنع هيوفر فرص عمل كتير جدااااا

مصانع السيارات او بمعني اصح مدن السيارات مشروع مربح بس الي يعرف يديره صح و يقدر يعمله دعايا صح
و الاهم من كدا الامانه في الشغل و نضافه الصناعه

يعني ايه الي يفرق النيسان صني الي بتتجمع هنا عن الي بتتجمع في المصنع
هنا عشان المستثمر يكسب اكتر ف بيجيب خامات رديئه بيقفل بيها العربيه عشان يوفر و يكسب اكتر
احنا مش عايزين كدا
احنا عايزين جوده عاليه و خدمه ممتازه

والله يا رجاله طول ما في البلد دي ناس بتفكر زيكوا كدا لواحد متفائل ان شاء الله خير

saadelden
للأسف المشكلة مش فى الشخصيات التى تعمل فى المصانع أو غيره المشكلة فى الإدارة نفسها
الإدارة ممكن تراقب على العمال و تخليهم ينتجوا أفضل
الإدارة ممكن تخلى العمال يحبوا شغلهم عشان كدة الأنتاج يبقى أفضل
الإدارة لو دفعت مرتبات كويسة العمال هيبقوا نشطين جدا و مفيش دقيقة هيضيعوها فى الشغل
لو تفكر أحنا ليه بنسافر بره مصر أكيد عشان الفلوس طيب المجهود إلى بيحصل برة مصر شوف أد أية
شوف كام واحد مصرى سافر بره و من كتر المجهود بسبب حبه للشغل كان هيموت من الأجهاد
هتعرف أن العمليه أولا و أخيرا أدارة و نظــــــــام

mhmdalsaadany
والله يا باشا طول مافيه ناس زى حضرتك برضة عندها أمل أحنا كمان بيبقى فينا أمل أكبر

طب انا هرد عالعنوان بس

لو متوسط العمر الطبيعي بتاع الناس بقى 500 سنة أحب ابشرك ممكن :)

ليه كده بس
طيب يعنى انت كنت تصدق ان الثوره يحصل فيها كل ده
خلى عندك امل فى بكره وفى الشباب المصرى

mailo
لأ دى سهله بقى ممكن نشوف على كدة ههههههههههههههه

MISS_MONA
عندى مليون أمل عشان كدة بكتب الموضوع و بضحك و عشان كدة عايش
على فكرة انا واحد من الناس كنت مش متخيل اساسا ان احنا نعمل كدة بس لما اتحطينا فى موقف بجد لقيت ان احنا مش زى الأول خالص اة بنضحك و اة بنهزر لكن مين قال اننا مش فى دماغنا حاجة !!!
الى يقول اننا مفيش فى دماغنا حاجة يبقى دخل جوة دماغنا و عرف فيها ايه و ميغروش الضحك و الهزار على مدار 24 ساعة دا مجرد تصبير على الحياة الى كله عايشها و ان شاء الله الأمل و الثقة فى ربنا موجود