الموضوع: ليــــــــه ؟!

السلام عليكم ورحمة الله وبركاته

اهلا وسهلا بيكم في سلسلة

( ليــــه؟! )

1-ليـه و إنت في أوضتك .. على السرير وطافي النور ومتغطي

ييجي أخوك الظريف ويفتح الباب والنور عليك ويقول : ايه ده انت هتنام ولاّ ايه ؟
(( أظن ده مش وضع الرقص !!! واضح ان انا هنام ))

#######

2- ليـه بعد ما نشرب كانز البيبسي ونخلصه نهز العلبه؟؟
يعني مستنى عفريت يطلعلك من الكانز يقولك مبروك كسبت كمان شفطه ..؟؟!!

#######

3- ليـه لما بنكون معزومين عند ناس ولما بنوصل لبيتهم وأول ما يفتحولكوا الباب يقول ابنهم الصغير(ودايما بيكون رزل): انتوا جيتــواااااااااااااااا ؟
(( لا لسه هناك ))

#######

4- ليـه اذا شفنا على جدار او عامود نور عبارة: احترس من الدهان؟...مانصدقش ونجرب بأصابعنا؟؟..
يعني لازم يحلفوا عالمصحف انو مدهون ياغبى ..؟؟!!

#######

5- ليـه لما بتكون انت لابس هدومك و متأنتك و على سنجة عشرة وريحة البارفان واصله لاخر الشارع .. وخلاص بتفتح باب الشقة,, يجي حد من أهلك وينادي بصوت عالي : انت خااااارج ولاّ اييييييييييه
(( !!! لاء دانا لسه راجع ))

#######

6- ليـه اذا كانت بطارية الريموت كنترول ضعيفه نضغط بقوووووه على الأزرار؟؟؟؟
يعني هو كده هتتشحن البطاريه؟؟!!!

#######

7- ليـه لما بتكون راكب العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟
يقولك : انت رايح الشغل يابيه ؟
(( لا.. العربية واحشاني قولت اقعد في الصالون))

#######

8- ليـه بنوطي صوت الكاسيت في السيارة اذا كان الطريق زحمه او لو تهنا؟؟؟
يعني كده الطريق هيفضى ولا هنعرف فين الطريق

#######

9- ليـه اول ما تمسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟
(( لا.. بعد الارقام ))

#######

10- ليـه لما بنكون قاعدين في مكان عام ونسمع رنة مسج ولارنة موبايل على طووووول نشوف موبايلنا؟؟
ليييييه حضرتك مهم للدرجادي علشان موبايلك بس هواللي يرن ما بين البشر دي كلها ..؟؟!! ولا يعني انت مش عارف رنة موبايلك عشان كل ما واحد يرن تبص

#######

11- ليـه لما بيكون ربنا هاديك كده ... ماسك سبحة و عمال تسبّح ، يجي حد من البيت يعدي عليك ويقول: هوّه انت بتسبح ؟
(( لاء..اصلي جعان هفرطها و أسلقها ))

#######

12- ليـه دايما لما نيجى نقول نكته يقولوا بيقولك
الا بيقلولك
مين باه دول اللى عمالين يطلعوا اشاعات فى البلد وعمالين يقولوا

#######

13- ليـه لما تمسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر؟
(( تقوم رامي الكتاب و تقوله لااااااااء ))

#######

14- ليـه الناس في المنتدي عاجبهم اوي السمايل ده
مش عارف بس شكلـــــه مستفز اوي!!

#######

######

#####

####

###
##
#

انا نقلت الموضوع ده هنا فى المنتدى بس كان لغرض آخر مش مجرد الضحك بس والرابط من هنا http://www.nilemotors.net/Nile/201268-a.html