أهي دي لوحدها كارثة مش فاهملها حاجة بصراحة
أذاى اعداد أفراد وزارة الداخلية ضعف عدد أفراد الجيش( وزارة الدفاع)
عدد أفراد الجيش الرسمية حولي 485 ألف فرد
ووزارة الداخلية الكلام ما بين مليون و 2 مليون
مش فاهم أذاي؟ ياريت حد ينورنا يا رجالة.
عرض للطباعة
كان الغرض من زيادة قوات الشرطة (خاصة الامن المركزى)
هو الالتفاف حول اتفاقية السلام وتجنيد اعداد كبيرة لتذهب للشرطة لا الى الجيش
وده كان بغرض تأمين سيناء اللى مفروض ان مفيهاش جيش وفق اتفاقية كامب ديفيد
فبدل الجيش نبعت شرطة (الامن المركزى)
لكن اللى فات ده كله محصلش
و أصبح الامن المركزى (اللى المفروض يبقى فى سيناء) موجود فى المحافظات فقط (خاصة القاهرة)
التفاف حول أتفاقية كامب دايفيد ولا حول الشعب.
أعتقد انة كان عندة عقدة الانقلاب سنة 52!!
معني كدا ان الداخلية كانت ممكن تحتل البلد !!
واضح جدا من ال بيبان في الفترة دي أن قيادات الجيش فعلا ماكنش عاجبها حال البلد بس كانت متكتفة.
مش عارف مين ال انقذ التاني الشعب ولا الجيش!
هل يا تري ممكن نربط بين ان كل الوزارات و المؤسسات الحكومية في القاهرة وعدم الاستجابة للندائات المتكررة
لنقلها لمحافظات تانية, وبين تمركز العدد الاكبر من الامن المركزي في القاهرة مش الصعيد مثلا.
الجيش ممكن ينقل الاحتياطي بتاعة لسيناء أسرع ما هتنقل الداخلية أفرادها من القاهرة طبعا والمحافظات الاخري لسيناء.
قصدي بدون ذكر أسماء كل من كان له مصلحة في تفشي الفوضى الأمنية أمثال تجار المخدرات وغسيل الأموال ومن يدعمهم من فاسدين بالدولة
الراجل قضى فعليا على المخدرات التقليدية زي الحشيش بس ماخدش باله أن التجار هايلتفو على الموضوع وبدأ عصر المخدرات التخليقية(الهيروين)لسهولة مروره من الحدود وتخزينه السهل لحجمه الصغير ومكسبه الرهيب.
يسلام على الكلام الموزون دون اوتيفا
تقبل تحياتى
لكن اللى انا عايز اعرفه
هو مش الفساد اللى فى جهاز الشرطة هو اللى شال اللواء احمد رشدى
ممكن يشيل اى حد كويس هيجى يصلح
فيبدو انهم داخليا غير قابلين للاصلاح
إذا كان الطباع طباع سوء فلا أدب يفيد ولاأديب
إن الأفاعي وان لانت ملامسها عند التقلب في أنيابها العطب
اما بالنسبة لافراد الشرطة الشرفاء اللى الست منى الشاذلى استضفتهم
(مفيش راجل بيعيط- مفيش راجل بيتهرب من المسئولية)
أسد عليّ وفي الحروب نعامة ربداء تجفل من صفير الصافر
ومن العجائبِ والعجائبُ جمةٌ أن يلهج الأعمى بعيبِ الأعورِ
(يعنى شباب 25 يناير المفتح اللى زى الورد فيهم كل اللى انتو قولتوه)
اقول لكل ضابط شرطة عايز الناس تتعاطف معاه
ترجو النجاة ولم تسلك مسالكها إن السفينة لا تجري على اليبس
واخيرا
تقبل تحياتى مرة اخرى
الفساد الداخلي جزء
الأهم النظام السياسي ألي بيشجع الفاسد على فساده ويدعمه ضد من يريد الأصلاح
أنا مؤمن بنظرية أصلاح الفساد يبدأ من قمة الهرم أولا ولا يقلل من أصلاح القاعدة(الشعب)
وكما جاء بالحديث الشريف
كلكم راع وكلكم مسئول عن رعيته، فالإمام راع ومسئول عن رعيته، والرجل راع في أهل بيته ومسئول عن رعتيه، والمرأة راعية في بيت زوجها ومسئولة عن رعيتها، والخادم راع في مال سيده ومسئول عن رعيته، وكلكم راع ومسئول عن رعيته.
بالنسبة للشرطة وأصلاح علاقة الشعب بهم فأول خطوة محاكمة عاجلة للمتسببين في قتل الشهداء
تحياتي
مرة اخرى تقبل جزيل احترامى وتقديرى لعقليتك الواعية دون اوتيفا
لكن لى تعقيب صغير
ضباط الشرطة (الشرفاء) بوضعهم الحالى محتاجين بجد لاعادة تأهيل جذرى لمستواهم الذهنى والعلمى والتدريبى والوعى الاستراتيجى و الاتزان النفسى والسلوكى (عشان ميهربو ش تانى ولا يعيطو)
تقبل تحياتى