انا شخصيا متعرضتش لاي حاجه من ظابط شرطه
ولا في لجنه ولا في قسم ولا في اي حته
ومشفتش منهم اي حاجه وحشه
بس اللي شوفته في الفيديوهات وشفته في الجرايد وشفته من صحابي وحكاياتهم عنهم
للاسف يخليني اكره الشرطه واكره اللي بيدخل الكليه واكره اي حد يكذب ويقول انا دخلت عشان احمي وانيل
مفيش حد فيهم داخل عشان يحمي ولا يهبب
كان زمان الكلام ده
هات اي واحد في كليه الشرطه دلوقتي
حتلاقيهم شباب عادي اهاليهم اغنياء ومدخلين الواد شرطه
الواد ده شكله ايه بقي
غني معاه فلوس معاه عربيه احدث موديل متجوز واحده تحل من علي حبل المشنقه اللي هيا اصلا متجوزاه عشان ستايل وان ده تكمله للبرستيج بتاعها
انها مرات ظابط شرطه
بس كده
هل تتخيلوا ان ناس زي دي حتحس بمعاناه الشعب ازاي وهما اصلا في الاصل كانوا شباب ضايع قبل ما يدخلوا الكليه وكانوا بيحششوا كمان
بس فلوس ابوه هيا اللي جابتله واسطه يخش شرطه
وانا ليا واحد صاحبي كان كده
وواحنا في الثانويه كان من افلام اباحيه لشرب لحشيش لكل حاجه
هوا دلوقتي فين
في كليه شرطه
سلملي علي كليه الشرطه
هيا دي الفئه اللي في كليات الشرطه
بيخرجوا بالبدل بالليل يوم الخميس يلفوا علي سيتي ستارز عشان يظبطوا بنات
ادي اللي بيتعمل
وده اسمه خريج
امال لما يبقي رائد ولا ظابط حيعملوا ايه
مستنيين يحس بينا ازاي
ولا يحس باي واحد في الشارع ليه
اما بقي الفئه الاخري وهي الامناء
ودول ما شاء الله ناس اصلا مكملتش تعليمها فجأه لقت نفسها ماسكه سلطه
وشايفين بقي ايه اللي حواليهم
الباشا جه الباشا راح
وهوا مرتبه متنيل بنيله
حيعمل ايه
يااما يرتشي يااما يسرق
وكلا الامرين هباب
ابتدي الموضوع برشوه
وانتهي ببلطجه
والبلطجه امتدت للباشا الكبير
وواحده واحده الفساد بقي مستشري
وكل واحد حسب مستواه
من الامين اللي بيقفش 10 جنيه و50 جنيه بدون وصل
لحد حبيب بيه اللي فوق اللي ثروته من الهبش عدت المليار هوا كمان
يلا ماهي المليارات دي انصاص جنيه بتتوزع
5% هما اللي فعلا ولاد ناس ومحترمين
ودول اصلا مش باينين ولا بيتحطوا في اماكن حساسه عشان بيتقال عليهم علي طول
عاوزينا دلوقتي نصدقهم
ياااااااااااااااااااااااا ااااااااااااااه
اسفين
عليكو حاجات كتير اوي لازم تتعمل عشان الناس يدوب تبتدي تطمئن ان فعلا الشرطه في خدمه الشعب