الحمله الشبابية لاصلاح شوارع المحروسة - للمناقشة

**BLACKVERNA** · 15-02-2011 03:14 PM

السلام عليكم و رحمة الله و بركاته

طبعاالواحد بعد الثورة اللى حصلت فى البلد حاسس ان البلد بقت مسئولية كل واحد فينا والمفروض كل واحد يساعد على قد ما يقدر علشان الثورة تنجح و فى نفس الوقت اللى مشاركش فى الثورة يحس ان قام بدور فى الاصلاح

اناجاتلى فكره :
ايه رايكم نحاول نجمل شوارع المحروسة بمعنى ادق اننا نحاول نضبط الحفر و النقر الى فى الشوارع الجانبية على الاقل

انا مثلا ساكن فى زهراء مدينة نصر و طبعا اللى ساكن فىالزهراء عارف ان الشوارع بقت عبارة عن كتله من النقر و الحفر و شوارع مكسرة و حاجه تزهق

ايه رايكم نجمع بعض من كل منطقة و نحاول نساعد بعض ، كل مجموعة تحاول تمهد الشارع و تصلح النقر و الحفر اللى فيه على قد ما تقدر وتدهن الرصيف مثلا و ماعتقدش ان بالمشاركة الموضوع هيكون مكلف

و بالطريقة دى لو كل مجموعة عملت الشارع اللى ساكنه فيه هتلاقى البلد بقت احسن و الواحد يقدر يمشى فى شوارع ادمية

رابط الحمله على الفيسبوك Login | Facebook

يا ريت اسمع اراء الاعضاء و اى اقتراحات اخرى

**م/مصطفى محمود** · 15-02-2011 03:56 PM

انا لسة طالع من الشارع وكنا بنضف الشارع (كنس وكده ) وبإذن الله ناوي فعلا أعمل موضوع النقر ده لأني فعلا بفكر فية بقالى فترة (ومن قبل الثورة برضوا والله)

وبإذن الله هقابل أصدقائي فى المنطقة النهردة ونحاول ننظم الموضوع بتاع النقر ده

**BLACKVERNA** · 15-02-2011 04:46 PM

جزاك الله خير

و الله الموضوع دا بيفرق كتير اوى

كفاية ان الواحد يبقى ساعد فى حاجه تفيد

انا ساكن فى زهراء مدينة نصر و على اتم استعداد للمشاركه

اللى ساكن فى الزهراء و عايز يشترك معايا ياريت يتفضل يبلغنى او يبعتلى رسالة خاصة و نحاول نجمع اكبر عدد و الموضوع هيبقى سهل جدا ان شاء الله

و الله ولى التوفيق

**ahmed_mido1889** · 15-02-2011 05:17 PM

والله انا كنت بنضف تحت البيت لميت كميخ شنط الناس رامياها
وبمجرد اني لمتيت الشنط وطلع ارميهم في صندوق الزباله في الشارع الرئيسي
لقيت واحد حدف شنطتين زباله وهو ماشي

**م/مصطفى محمود** · 15-02-2011 05:44 PM

والله انا كنت بنضف تحت البيت لميت كميخ شنط الناس رامياها
وبمجرد اني لمتيت الشنط وطلع ارميهم في صندوق الزباله في الشارع الرئيسي
لقيت واحد حدف شنطتين زباله وهو ماشي

ولا يهمك يا باشا أنت عملت الصح

أستاذ BLACKVERNA أعتقد أنت ممكن تجمع 2 أو 3 من أصحابك وتجيبوا أسمنت وتعملوا الكام حفرة اللى فى الشارع عندكم كبداية ، بس المهم حاول تعملها بعد صلاة الجمعة القادمة (علشان توعي الناس) وحاول تقول لخطيب الجمعة على الفكرة وهو يقولها بعد الصلاة (طبعا الكلام ده لو حضرتك مسلم ولو مسيحي ممكن تقول لحد من زمايلك المسلمين يقول للشيخ)

انا النهردة بدأت لوحدي فى الشارع وعلى آخر اليوم الشارع كان مليان ناس بتنضف ، المهم أختار الوقت الصح وأبدأ أنت

**BLACKVERNA** · 15-02-2011 05:55 PM

المشاركة الأصلية كتبت بواسطة ahmed_mido1889

والله انا كنت بنضف تحت البيت لميت كميخ شنط الناس رامياها
وبمجرد اني لمتيت الشنط وطلع ارميهم في صندوق الزباله في الشارع الرئيسي
لقيت واحد حدف شنطتين زباله وهو ماشي

انت كدا عملت الصح بس للاسف الشديد احنا كمجتمع مصرى مش متوعد على انه يشوف حد بينظف الشارع او بيصلح حاجه فى الشارع

بس صدقنى لو الموضوع دا انتشر و الناس ابتدت تشوف الناس اللى حواليها اللى بينظف و اللى بيصلح مع الوقت هتلاقى الناس سلوكيتها اتغيرت

السلوكيات مش هتتغير من يوم و ليله اهم حاجه اننا نستمر فى الاصلاح حتى لو شوفت فى عيون الناس نظره مش كويسه

تحياتى على المبادرة الجميلة منك

**BLACKVERNA** · 15-02-2011 05:57 PM

المشاركة الأصلية كتبت بواسطة م/مصطفى محمود

ولا يهمك يا باشا أنت عملت الصح

أستاذ blackverna أعتقد أنت ممكن تجمع 2 أو 3 من أصحابك وتجيبوا أسمنت وتعملوا الكام حفرة اللى فى الشارع عندكم كبداية ، بس المهم حاول تعملها بعد صلاة الجمعة القادمة (علشان توعي الناس) وحاول تقول لخطيب الجمعة على الفكرة وهو يقولها بعد الصلاة (طبعا الكلام ده لو حضرتك مسلم ولو مسيحي ممكن تقول لحد من زمايلك المسلمين يقول للشيخ)

انا النهردة بدأت لوحدي فى الشارع وعلى آخر اليوم الشارع كان مليان ناس بتنضف ، المهم أختار الوقت الصح وأبدأ أنت

انا اسمى محمد

و بالفعل انا ابتديت على صغير بس لما شوفت النتيجه حبيت انى اشوفها على اوسع

تحياتى لك

**M.Osman** · 16-02-2011 01:53 AM

لسة كنت بتكلم مع صحابي في الموضوع ده

بس انا مش بفكر في النقر و الحفر دلوقتي...
انا بفكر ادهن المطباااات و قبلها
عشان الكوارث اللي بتحصل بسبب ان بعض الناس مبتخدش بالها

متابع

**BLACKVERNA** · 16-02-2011 05:27 PM

المشاركة الأصلية كتبت بواسطة m.osman

لسة كنت بتكلم مع صحابي في الموضوع ده

بس انا مش بفكر في النقر و الحفر دلوقتي...
انا بفكر ادهن المطباااات و قبلها
عشان الكوارث اللي بتحصل بسبب ان بعض الناس مبتخدش بالها

متابع

فكرة ممتازة بدل ما الواحد بياكل كل مطب و مطب

أؤيدك بشدة

متابع و فى انتظار افكار جديدة

**abdalah_hashem** · 08-03-2011 12:03 AM

والله الكلام حلو هننضف وهنصلح الشوارع بس الناس وخصوصا الستات الكبيرة ونسبة عالية من الستات المتزوجين الصغيرات فى السن برضة

بيرمو الزبالة فى الاماكن اللى مش للزبالة
يعنى فى شارعنا نضفنا الشارع و علقنا سلات بلاستيك على الحيطان عشان الورق الصغير بدل مايترمى فى الارض
وانا نازل النهاردة
الاقى شنطة زبالة كبيرة محشورة فى السلة مش عارف دخلت فيها ازاى
يعنى الناس بتعمل التجاوز ويقللك مجتش عليا واهو مش عارف مين هيصلح دة

الموضوع: الحمله الشبابية لاصلاح شوارع المحروسة - للمناقشة

LinkBack

أدوات الموضوع

عرض

الحمله الشبابية لاصلاح شوارع المحروسة - للمناقشة - انشر الموضوع فى :

-

-

-

-

-

-

-

المواضيع المتشابهه

الحمله الشبابية لاصلاح شوارع المحروسة - للمناقشة

بجد هي دية اللي تنفع في شوارع المحروسة :)

ألفا روميو ميتو فى شوارع المحروسة!!

Evo X فى شوارع المحروسة

شوارع المحروسة

الكلمات الدلالية لهذا الموضوع

المفضلات

المفضلات

ضوابط المشاركة