الموضوع: عاوز اعرف السعر دا كويس ولا لأ علي ابيزا 2002

انا معروض علي ابيزا 2002 لسه ماشوفتهاش......بس علي كلام صاحبها هيا كامله فول اوبشن لسه مغيرلها اربع كاوتشات تيوبلس و رش بره بعض الأجزاء و ماشية كيلو 100000 ولونها ميتاللك.

هو بيقولي اخرها 49000 جنيه

ايه رأيكم في السعر دا وعلي فكره انا مابفهمش اي حاجة في العربيات ودي اول مرة اركب عربية.

نا مستني رأيكم ضروري.

العربية دى فيها حاجة .. ابعد عنها

المشاركة الأصلية كتبت بواسطة SEATLOVER

العربية دى فيها حاجة .. ابعد عنها

قصدك ايه ش فاهم....من فضللك وضح اكتر.

العيب فالعربيه دي بالزات ولا موديل 2002 اصلا موديل فاشل

المشاركة الأصلية كتبت بواسطة moka81

قصدك ايه ش فاهم....من فضللك وضح اكتر.

العيب فالعربيه دي بالزات ولا موديل 2002 اصلا موديل فاشل

بص يا moka الابيزا 2002 الكاملة .. ماتقلش عن 54 بحالة كويسة و لا تقل عن 52 فى جميع الاحوال ..لكن لو لسة مغير كاوتش 4 فرد تيوبلس دى بتتعمل لما يكون عايز يصرف النظر عن حاجة تانية و يبيع لكن 49 دى .... دة سعر الابيزا ال 99 ...يبقى اذاى !!

لكن طبعاً الابيزا موديل 2002 او اى موديل فوق ال 2000 و خصوصاً ال 2001 تحفة و جامدة جداً شكلاً و مضموناً

يا جماعة هو قال 50000 اخره بس انا بقول ممكن نزلها 49000

ياعني لو العربيه دي حالتها كويسه يبقي 50000 مش خساره فيها؟؟؟؟؟

لو سمحتوا افيدوني

زى ما قال كريم و Seatlover السيارة سعرها مغرى لو حالتها حلو
لكن طبعا يتشك فيها لإن سعرها قليل ودا ممكن يكون للأتى :
1- إنه عايز يخلص منها بسرعة يإما لظروف خاصة عنده أو العربية فيها حاجة غلط
2- ممكن يكون مش عارف سعرها فى السوق كام أصلا و متمنها غلط

توكل على الله انت ممكن تاخد واحد مكنيكي ابن ناس وتجرب العربية وعلى طريق سريع وحاول بقدر الامكان تسخن العربية ؟؟؟؟؟
لان الالماني كل مشاكله في الحرارة ....
واكشف على العفشة من تحت وعلى أجزاء العربية من الدواخل أهم كتير من الشكل الخارجي ..مراعاة ان العربيه عاملة 1000000 كم وياريت تعرف لسة قد اية في الرخصة وهيه باسم المالك ولالا .. دة ممكن يكون سبب لو العربية كويسة .

بعد كلام قريني السياتاوي سيات لوفر مفيش كلام و العربية دي فعلا يتشك فيها يبيع ب 49 و هي تجيبلو 54 اكيييييييييييد في حاجة...........












Ibiiiiiiiiiiiiiiiiiiiiiiiiiiiiiiiiiiiiiiiiiiizzzzz zzzzzzzzzzzzzzzzzaaaaaaaaaaaaaa For Ever

خلي ميكانيكي يبصلك عليها بس يكون ميكانيكي ثقة
ممكن تكون كويسة و صاحبها هو اللي مش عارف