الموضوع: حتي الوفد!! بجد الحكاية بقت بايخة قوي

الخبر بتاع 19 الف طن بلاتينم نزل علي مصراوي
و الصورة المتفبركة بالفوتوشوب بتاعة الوثيقة موقعة باسم Hosni Mubarak
هو الرئيس كان اسمه محمد ولا حسني؟ ولا البنوك السويسرية بتاخد باسم الشهرة؟! و ممكن يكون كان حاطط البلاتينيم باسم أبوه اللي في كفر مصيلحة كنوع من التمويه

و دي عينة من التعليقات علي الخبر
------------------------
273 سنة وأكثر هى المدة التى يحتاجها الانسان لينفق مليار جنيه ازا كان ينفق يوميا عشرة الاف جنيه يا ناس هل هؤلاء كانوا بشرا

اطالب بمحاكمة راس الافعى حسني مبارك واعدامه في ميدان عام

الكل يروح التحرير دلوقتي


هولندا ايضا بها كميات كبيره جدا من الدهب الابيض المنهوب من الشعب باسم مبارك

ياجماعه اذا سكتنا وتركنا هؤلاء اللصوص يهربون بأموال الشعب المصرى الغلبان نبقى مش رجاله

كل المليارات دى واكثر من ربع شعبك تحت خط الفقر حتروح من عقاب ربنا فين

الشعب يريدمحاكمه مبارك وعائلته


مبارك ملعون ليوم الدين


المجرم الفاسد الفاجر اللص

ياعالم حد يجيب المليارات المنهوبة دى تروق الشعب الغلبان دة

الفلوس دى لو ما اتحركتش الحكومة بتاعتنا علشان ترجعها يبقى احنا لسه محكومين من باقى العصابة

وما خفى كان أعظم
--------------------

و دي غالبية التعليقات لكن في ناس واعية و مش بتصدق الكلام الاهبل ده بس للاسف لا تتعدي 10 او 20%
و دي تعليقاتهم

اية يا جماعة الفشر و الكذب داة هو الشعب المصرى اهبل للدرجاتي يت عم قول كلأم مغقول ايوة مبارك عندة فلوس بس مش كدة بطلوا تسخنوا الناس اللى خلوتهم يفتكروا هنهم هايخدوا ملأيين

كفايه هبل


تهييج للرأي العام في وقت حرج

بعد الحتة الواسعة بتاعة ال 19 الف طن !!!! ناقص الحتة الاهم و الاوسع . ياتري مبارك كان مخبيهم في الجيب اليمين و الا الشمال ... علي فكرة يا صحفيين علي ما تفرج الثورة مكانتش ضد النظام الفاسد فقط لكن كانت ايضا ضد التخلف و الجهل !!!!

----------------------------------
دلوقتي في ناس كتير زينا (الطبقة الوسطي و الطبقة الغنية الشريفة) عندها حماس و عايزة تتغير و نشتغل اكتر عشان البلد تبقي أحسن لكن في طبقات من الشعب الاخبار الكاذبة دي هاتخليها تحس باليأس و الظلم و رغبة في الانتقام مش في البناء...اشتغل ازاي و انتج ازاي و الاعلام عمال يكلمني عن مليارات منهوبة ..لأ مش هاشتغل و مش هانتج غير اما "فلوسي" المسروقة ترجع...و لو مارجعتش هاخرب اللبلد لحد ما حقي يرجع

انا شايف ان لازم يكون في عقوبة ررادعة لكل من نقل خبر كاذب او بدون مصدر موثوق منه...شغل الهبل اللي الاعلام شغال فيه ده هيضيع البلد...كفاية النفاق اللي كانوا فيه في السنين اللي فاتت دلوقتي هيخربوها باسلوب تاني....هو لازم المشي العوج ده؟ كا ينفعش يبقي في اعلام محايد و شريف لنقل الحقيقة فقط

المشاركة الأصلية كتبت بواسطة sha2e

اقل حرامي من الحراميه الكبار ثروته 80 مليون جنيه
يعنى لو الـ 80 مليون جنية دول اتوزعو على الشعب ال 80 مليون بنى آدم هينوب كل واحد من الشعب بصلى علنبى كده مليون جنيه

بصراحة انا لو مقتنع اني ليه مليون جنيه متهربة في بنوك سويسرا مش هاشتغل و استني المليون جنيه دي ترجعلي و اعيش بها ملك!
المشكلة ان الغالبية الساحقة من الناس مش فاهمة اقتصاد اي بلد ماشي ازاي...لازم تشتغل الاول و بعدين تقول عايز مرتب مش العكس...الكارثة اننا بقالنا حوالي شهر مفيش شغل ولا انتاج و عايشين علي الاحتياطي بتاعنا و ده تقريبا يكفي 6 شهور و بعد كده انهيار بجد...مجاعة يعني

بصراحة الناس بتصدق أي حاجة لأن تعليمها عى قده و نجحوا في امتحانتهم بأسلوب احفظ و ادلق في ورقة الامتحان و أخدوا شهادات عليا بالأسلوب ده، و عشان نصلح الوضع ده محتاجين على الأقل 20 سنة على ما يطلع جيل نضيف و متعلم و بيفهم، و لحد ما الـ20 سنة يخلصوا مش هنقعد نفند في كل مقال يكتبه صحفي فشار مش عارف يقول إيه و بيكتب أي هجس و كلام فارغ و خلاص، الصح إن يكون في قوانين رادعة لأي صحفي ينشر أخبار بدون دليل أو مستند يدعم كلامه.