الموضوع: ركبت فلتر رياضى للسيراتو

المشاركة الأصلية كتبت بواسطة Mshawky

اولا مبروك عليك يباشا

ثانيا طبيعى مش هتحس بفرق ملحوظ لان ناقص حاجتين للسيستم ده غير الفلتر

اول حاجه لازم ماسوره كاربون او استنانلس للتبريد علشان الهوا اللى داخل مش ماسوره مبلاستيك وبيكون لونها استانلس فى ازرق او اسود

تانى حاجه هو عمل Remapping لل ECU علشان يرفع Ration بتاع الهوا الى كان متوافق مع الاستوك وينفع يتشغل مع الفلتر الجديد

الكلام ده كله بيتكلف 1900 جنيه عند مومن الى انت روحتله

فلتر + ماسوره استانلس او كاربون + اعادة تهئيه كمبيوتر العربيه بالمعدل الجديد للهوا اللى داخل اغرفة الحرق

ساعتها هتلاقى العربيه فيها 7 حصان فرق وهتحس بيهم جدا لكن فلتر لوحده مينفعش ولا سيموتا ولا كى اند ان

الماسورة مش هتعمل حاجة زى ما انت فاكر اوى لكن الـ Remapping هو اللى هيعمل لكن دا هيعملى مشاكل فى التوكيل باردوا اكتر من الـ 7 حصان الزيادة

الفلتر بينفع فى عربيات تانية لكن انا اعتقادى ان فلتر السيراتو الاصلى دا احسن فلتر ليها لانه اصلا حجمه مش صغير وبياخد الهوا من برا على طول ومش بيخنق الموتور واللى حصل عندى لما غيرت للفلتر الرياضى انى مش حاسس بفرق يذكر غير الصوت لان كدا كدا الموتور كان بيوصله الهوا اللى محتاجه