انا اتصدمت في مصنعية التوكيل

**A.Lotfy** · 17-02-2011 10:48 AM

وحشتوني والله ياجماعة ووحضني المنتدى الواحد اتشغل الفترة اللي فاتت بالأحداث السياسية
بعد الأحداث دي قررت اروح التوكيل أفحص الفتيس الأوتو عندي لانه عامل مشكلة (كيا سبيكترا 2005)

المهم وديت العربية وبعد شوية كلمني المهندس وقالي التالي:
- مصنعية فك الفتيس والكشف عليه وعمل مقايسة 3000 جنيه (ولسه معملناش حاجة والمقايسة مممكن تدخل ف 5000 جنيه قطع غيار واذا معجبتنيش المقايسة أو طلعت غالية يبقى هاخد العربية من غير تقفيل الفتيس)
- مصنعية فك وش السلندر 5000 جنيه

قولتله يعني اخدها اجيب فتيس استيراد احسن
وخدت العربية فعلا ووديتها لواحد يصلحه لاني ملقيتش استيراد وبعد مافكه لقينا محتاج ورق وكنترول لان الكنترول فيشته ساحت وجيبت الكنترول من فتيس قديم (من غير فلوس) والتكلفة ف حدود 3000 جنيه ولسه العربية بتتقفل

هذا والله الموفق ... شكرا كيا بس كده حرام 1000 مصنعية ماشي اكتر من كده حراااااااااااااااااااام

**shaddadfalcon1** · 17-02-2011 10:54 AM

حضرتك بتتكلم جد ؟؟
فك وش سلندر 5000 جنيه؟
ليه هيسحرلو ولا هيعمل ايه بالظبط
هي مش مسامير ومفاتيح برده

**mesho70** · 17-02-2011 11:10 AM

هى دى لعبة التوكيلات
مصنعيات وقطع غيار فلكية السعر
وكمان اى حاجة بيفكها للوصول للقطعة التالفة بيغيرها حتى لو تنفع تتركب تانى علشان مينفعش ترجع تشتكى من نفس العيب
وكلة على حسابنا طبعا ً
وهو متأكد انة فية ناس هتروح التوكيل - وانا واحد منهم -

**A.Lotfy** · 17-02-2011 02:32 PM

هو عن تجارب قبل كده قطع الغيار عندهم تقريبا نفس السعر برة وساعات اقل ده بالنسبة لعربيتي السبيكترا

**kar!m** · 17-02-2011 03:11 PM

ازاى يعنى مصنعية فك وش السلندر 5000 جنية؟ مين المهندس اللى قال لك كده؟ و انهى توكيل اللى حضرتك رحت له؟

**sando_star109** · 17-02-2011 04:24 PM

على فكره من اسوء التوكيلات فى مصر التوكيل دا رغم انى لغايه دلوقتى متعملتش معاه الا انى بسمع عنه اخبار سيئه جدا وبصراحه انا كنت ناوى اجيب سيراتو 2011 بس شكلى هغير راى

**yasserelsayad** · 17-02-2011 04:34 PM

كل التوكيلات كدا
انا قبل كدا فى توكيل بى ام دافع مصنعيات 13 الف جنيه فى تصليح خبطة وصيانة مع بعض

**yasserelsayad** · 17-02-2011 06:30 PM

المشاركة الأصلية كتبت بواسطة a.lotfy

لا بالعكس هو من أحسن التوكيلات في مصر
بس اعتقد لانه بيحسبها بساعة العمال مش بالقطعة

توكيل أبورواش اللي انا رحته eit

+1
هما فعلا مش بيحسبوا بالمجهود بيحسبوا بالساعات
والوكيل فعلا من احسن التوكيلات فى مصر .. انا بفضله عن البافريا اللى ممكن اقعد هناك 6 ساعات مثلا عشان اغير زيت وفلتر بس