البطارية فيها مشكلة او الدينامو ياريت المساعدة

**thegoodhacker** · 17-02-2011 08:31 PM

عندي بطارية عادية فارتا 55 امبير بقالها 9 شهور بس ..... تركت العربية بدون تدوير لمدة يومين وبعدها لقيت العربية مش راضية تدور خالص ..... زقيتها ودورت ورحت للكهربائي قالي ان البطارية مستوي الحمض فيها قليل وزودلها حامض علشان يظبط الكثافة ..... المهم قالي روح مشوار طويل شوية بالعربية علشان تشحن .... وعملت زي ما الكهربائي قالي .... وركنت العربية لمدة يوم .... جيت ادورها اليوم اللي بعده برضه العربية ما بتدورش .....
يبقي انا دلوقتي عندي سبب من اثنين : اما البطارية فيها عيب او الدينامو ....
انا بكرة حاخلع البطارية واروح بيها للكهربائي يحطها علي التونجر ..... المفروض اسيبها تشحن حوالي اد ايه عنده ؟ والتكلفة بتبقي حوالي كام ؟
وازاي اقدر اكشف علي شحن الدينامو بنفسي ؟ يعني المفروض الجهد اللي بيطلع منه حوالي كام لو شغال كويس ؟

**nodey** · 17-02-2011 09:50 PM

بس حضرتك
اولا الدينمو مفهوش مشكلة بدليل ان العربية تدور بالزق وده معناه ان المشكلة من البطارية
طب ايه سبب انها مدورش العربية وعمرها 9 شهور بس
لازم الكهربائي يكشف عن تسريب كهرباء هو اللي بتسبب في تغريغ شحنة البطارية وبالتلي تجي تدور بعد يومين ما دورش
في عند حمل معين موجودة بيسحب من البطارية
وعشان تتأكد من كلامي
افصل صابع البطارية الموجب لمدة يومين وبعدين وصله ودور لو دارة يبقي في حاجة بتسحب شحن البطارية وتفرغها ولو ما دريتس علي طول فرغ البطارية خالص واستبدل السائل اللي بيها وعبيها جديد وحطها عيا التونجر
وحياك الله
تقبل تحياتي ابو خالد

**ramremo** · 17-02-2011 10:06 PM

طيب تعالى نفكر مع بعض : لو فيه حاجه فى الدينامو هتروح تقيس شحن البطاريه هتلاقى الشحن سىء او مفيش شحن اصلا (لان الشحنه المثاليه هى 13.5 فولت مش اقل ومش اكتر) وبالتالى شحنة البطاريه بتخلص كلها فى المشاوير اللى انت بتعملها واما تيجى تدور تانى بعد يوم او اتنين مش هتدور معاك --- طيب فلنفرض قيست الشحن ولقيته تمام يبقى عيب بطاريه مفيش شك ولو عليها ضمان بتروح المحل اللى جبتها منه ويبدلهالك,, وبردو نشوف اراء باقى الاعضاء

**thegoodhacker** · 18-02-2011 09:24 PM

اولا اشكركم علي ردكم
النهاردة دورت العربية بالزق وخلصت مشاويري والعربية بقت تمام .... وشلت كابل البطارية وحاشوف البطارية بكرة حيبقي فيها شحن ولا لا .... علشان اتاكد ان العيب من البطارية مش بسبب وجود حمل بيستهلك البطارية اثناء ركن العربية .... وحاقولكوا علي الاخبار