لا مش من حقها شرعا و لا حاجة و هاجيب لك الدليل الشرعي
عرض للطباعة
انا من وجهت نظرى ان نسبه كبيره جدا جدا من الشئ الى بيدفع الزوج للخيانه هى الزوجه!؟
أولا ممكن عدم الاهتمام بالمظهر كليا يعنى فى زياده فى الوزن وعدم المحافظه على الشكل مما يدعوه للأستغراب وطبعا هو هيستغرب وهيقول مش هى دى الى انا اتجوزتها
تانى حاجه وهى البرود العاطفى من جهه الزوجه فى ظل ان الزوج شهوانى جدا وعنده الخصوبه عاليه وانا شايف ان لو النقطه دى موجوده بيبقى حلها صعب بس مش مستحيل
وطبعا حكايه انه مش بيصلى و بيشرب حشيش فدى طبعا مصيبه فى حد ذاتها
وهو مستحيــــــــــــــــــــ ــل هيصلى لو انتى قولتيه قوم صلى لأن لازم الاقتناع ينبع من داخله فلازم كلنا ندعي لأنفسنا بالهدى وندعيله عسى الله ان يتقبل دعائنا
وفكره العمره فكره ممتازه بكل المقاييس وطبعا لو فى موسم مذدحم شويه هتبقى الروحانيات أعلى وأن شاء الله ربنا يتوب عليه
هيه دى ضريبة الغربة و ثمن فلوس الغربة و السفر للخارج للبحث عن عمل باجر اعلى
يا راجل دة كلام الاسلام بيقول كدة برضوةاقتباس:
حاولى تنصحية
لو مستجبش سيبة احسنلك
انا معاك مشكلة بس هتعمل اية ماهى بتقولك بتحبوةاقتباس:
/كيف تفبلين على نفسك أن تعاشرى رجل يرتكب كبيرتين من الكبائر ترك الصلاه وشرب المخدرات!!!!!
فى انتظار الدليلاقتباس:
لا مش من حقها شرعا و لا حاجة و هاجيب لك الدليل الشرعي
ليس تشكيكا فى كلام حضرتك لكن الموضوع كده هيختلف تماما
و عاوز اقول لحضرتك حاجه
العدل اكيييييييييييد من شروط الزواج الثانى و اكيد من العدل ان الزوجه الاولى تعرف عشان على الاقل اليوم اللى هتبات فيه عند الزوجه التانيه تكون عارفه الراجل هيبات فين و الا لو مقلش هو بيبات فين يبقى كداب
انا قرات عشرات الفتاوى ان مش لازم الزوج يبلغ الاولى
و لو هيبات عند التانية و من غير ما يقول هو فين بنية حفظ مشاعر الأولى - لو كانت غيورة مثلا - فيجوز ليه في الحالة دي
و شوف المقطع ده :
اقتباس:
ثانيا :
لا شيء على الزوج إذا تزوج على الأولى بدون علمها ، ولكن عليه - كما تقدم بيانه - العدل بينهما .
وقد سئل الشيخ ابن عثيمين عن رجل توفي وترك زوجةً وأولاداً ، وبعد وفاته علمت الزوجة والأسرة بأنه كان متزوجاً بامرأة أخرى منذ عدة سنوات ، دون علم الزوجة الأولى والأولاد؛ فهل يأثم المتوفى على إخفاء خبر زواجه على أهله ؟
فأجاب رحمه الله تعالى : " لا يأثم المتوفى على إخفاء تزوجه بالمرأة ، لكن يجب إعلان النكاح لأمر النبي صلى الله عليه وعلى آله وسلم بذلك . فإذا كان النكاح معلناً كما لو كان نكاحاً في قرية أخرى ، وأعلن في القرية فإنه يكفي ، وإن أخفى ذلك على أهله وعلى زوجته الأولى "
انتهى .
اسمحي لي سيدتي الفاضلة .... أنا عندي حل عملي ، وهو أن تتحولي من موقف الدفاع الى الهجوم، (أنا متأكد طبعا أنك إن شاء الله إنسانة محترمة وتتقي الله ...)
الخطة: إنك تحاولي أن تثيري عنده الغيرة والشك المحسوب من جانبك ... وتوقفي عن الإهتمام به والسؤال عما يفعله .... إجعلي صديقة لك تتصل بك دائما أثناء الحديث معه ، ودائما اعتذري له عن عدم اكمال المكالمة معه حتى تتكلمين مع صديقتك وأنت طبعا فاهمه الباقي ... المهم أن يكون دائما عندك الدليل لبراءتك حتى إذا حدث في ا|لأمور أمور نستطيع الخروج من هذا الموقف. جربي هذا الحل بالاتفاق مع قريبة أو صديقة ، المهم الحذر.
سيدتي العزيزة ... بهذا الشكل سوف يتحول من الاهمال والخيانة الى الاهتمام والحفاظ عليك، فلا يقتل الرجل ويسود عشته الا مجرد الشك.
إن حصل حاجة غير كده يبقى كسبنا شرف المحاولة . وربنا يستر
سيدتى
انا اسف ان كلامى مش هايريحك بس احب ان اؤكد ان هذا الرجل طالما يتعاطى مخدرات و لا يصلى فلا تثقى فيه ابدا و لا تثقى فى وعوده ابدا و نصيحة منى اذا كنت متسكة به فلابد من اقناعه ان يبقى بجوارك او ياخذك معه ومراقبة كل افعاله وعدم تصديقه بسهولة فمن لا يصلى ويتعاطى المخدرات سهل جدا ان يكذب بل ويقسم دون ان يشعر باى ذنب . اما بالنسبة لكى فعليك بالصبر و الصلاة والدعاء الى الله ان يصلحه او يعينك على تركه و يباركلك فى اولادك
اعتقد ان حضرتك مش علي درايه كامله باسباب الزواج الثاني م
اولا من حق الزوج انه يتجوز علي مراته لو
1-مريضه مش قادره تلبي مطالبه الزوجيه
2-ان كانت متوفيه
3-لا تستطيع الانجاب
ومع ذلك لابد من اخبار الزوجه الاولي والا مكنش الشرع بيعلم الزوجه بزواج زوجها من زوجه تانيه
اما لو متجوز جواز متعة او ميسار فهو يعتبر زنا لانة جواز بغرض وضاع منة اهم ركن وهو الاشهار فاصبح زنا
اولا الشروط اللي حضرتك بتقوليها دي ما انزل الله بها من سلطان !!!!!! مين قال ان لازم عشان الواحد يتجوز تاني لازم مراته تبقى مريضة او متوفية او ما بتخلفش ؟؟؟؟؟
ثانيا الشرع ما بيقولش لازم اعلام الزوجة الاولى بالزواج الثاني ده القانون المصري الوضعي المتخلف
ثالثا موضوع المتعة انا ماجبتش سيرته
ممكن واحد يكون مسافر في بلد تانية و يتجوز و يشهر جوازه هناك و ساعتها ما يبقاش فقد الاشهار و مابقاش زنا و في نفس الوقت بدون اعلام الزوجة الأولى
رابعا المسيار مش حرام لو فيه قبول و ايجاب و قبول الولي و اشهار ........
و يا ريت بلاش اتباع الأهواء في الشرع بالذات لان تحريم الحلال هو كفر مخرج من الملة باجماع الفقهاء ......
اعتقد اللي فيه الداء ده مش بيبطله الا من رحم ربي
يا جماعه ارجوكم انا حالتي زي الزفت
انا دلوقتي جالي اتصال علي التليفون الارضي من تركيا من 00902
رديت قولت الو الخط قفل
وبعدين اتصلت تاني رديت ردت واحده سالت علي جوزي
قولتها مين
قالتي شركه المياه في القاهره مش عارفه اني عندي اظهار
وبعدين قالتها انتي عايزه انا عارفكي كويس وهو قالي عليكي
\راحت شتماني بعيب عندي محدش يعرفوا الا هو
وكل شويه عماله تتصل علشان تشتم واضح انا هتموت علشان توصله
انا اتصلت بيه في الشغل قالته الهانم بتاعت تركيا اتكلمت وانا شتمته
رد باسهترار فاكر اني بكذب مش عارف اني مسجله رقمه
دلوقتي هل اكلمه من موبايلي الخاص واعرف ايه الموضوع
ولا انتظر لحد ما يجي ويتصل هو من موبايلي علشان مش يحفظ رقمها وافتح السبيكر
وقالوا يقول لها انتي ليه بتتصلي ببيتي وتعمليلي مشاكل ولا اخليه يقول لها ايه
علي فكره الست صوته مصري حاد
انا مش عرفه اعمل ايه هو بيرجع الساعه4
ولازم اكون خت قرار
ها يا جماعه محدش قالي اعمل ايه
انا محتاجه رايكم ضرروي قبل مايجي من الشغل
في مثل بيقول الباب اللي يجيلك منه الريح سدو و استريح .دلوقتي باب الريح هو التليفون الأرضي كلمي السنترال واقطعي عنه الخدمة وغيري الرقم
مينفعش تتكلمى معاه فى أى حاجه بتشكى فيها وهو لسه راجع من الشغل....لو مصممه أوى أنك تتكلمى معاه فى الموضوع ده فحاولى تكلميه بعد ما يستريح ويكون عنده أستعداد يتناقش معاكى فى الموضوع.
وبعدين مش حل انك تخليه يكلمها من موبايلك لأنه ممكن يعمل عليكى تمثيليه معاها ويحسسك أنه ميعرفهاش وممكن يشتمها قدامك ويرجع يعتذرلها بينه وبينها.....مع العلم.....انتى كل ده مش متأكده إذا كان بيخونك معاها ولا لأ صح؟
السلام عليكم
أنا عايش في الإمارات
وعايز أنصح حضرتك بإنك تحاولي تضغطي على نفسك في المصارييف مقابل إنك تحافظي على جوزك ولازم تفهمي إن الراجل بصفة عامة ضعيف قدام الإغراء الجنسي وخصوصا في حالة عدم وجود وسط معين على العفة
انا عن نفسي لما مراتي بتنزل ساعات بأقولها والله العظيم لو الوضع استمر شهر تاني لهتيجي تلاقيني متجوز لأن انا مش قرد وقطع وكل مهمته إنه يجمع في فلوس ويرجع آخر اليوم يبات في الضلمة ويكلم نفسه لو انتي مش محتاجاني ومحتاجة الفلوس أكتر مني خلاص أنا هأوفرلك الفلوس والعيشه المرفهة لكي وللأولاد وزي ما تحبي لكن ما تدفعينيش إني أقع في الحرام لأني هأختار الحلال اللي ربنا أحله ومش هأفضل عايش حارم نفسي من متعة أساسية وكمان عايش غريب ووحيد في آخر الدنيا
وعلشان إيه
ما أنا وكل إخوتي طلعنا لقينا أبونا على قده وتعبنا وكونا نفسنا وكنا بنبات من غير عشا وسعداء
فمش لازم أوفر لأولادي ضمان لمائة سنة لقدام يكفي إن الواحد يوفر حد معقول من الحياة الكريمة لهم وفي النهاية لازم يتعبوا ولو بقدر
وبعدين زي ما ربنا رزقنا هنا مش هينسانا هناك
ده كلامي لزوجتي وأرجو أن يكون فيه فايده لحضرتك وطبعا لن أكرر لك كلام من سبقني من حرصك على الصلاة واولادك وهداية زوجك
ودائما تدعي ربنا وتقولي ( رب اجعلني مقيم الصلاة ومن ذريتي ربنا وتقبل دعاء ربنا اغفر لي ولوالدي وللمؤمنين يوم يقوم الحساب )
تحياتي للجميع
يا استاذ يوسف
انا رحت الامارات اسبوع كنت هاتجوز تقول لي شهر هههههههههههههههه