ركبت زينون ومحتاج اخد رايكم .... ومقارنه بينه وبين لمبات Osram Night Breaker

**احمد المصرى** · 19-02-2011 12:43 AM

المشاركة الأصلية كتبت بواسطة midooo_119

اخى الحبيب انا ماقصدتكش خالص انا بكلم عمتا لو حد هيفتى و يقول ان الهالوجين اقوى من الزينون يبقى كده مش فاهم ماقصدتكش انت خالص انا اسف لو فهمت كلامى غلط انا عمرى مااغلط فعضو فمنتدانا الحبيب و حقك عليا و جزمتك فوق راسى
بالله عليك اوعى تزعل منى

العفو اخى الكريم دا انا ال بعتزر عن فهمى الخاطى بس ال انا اعرفه ان كل النواحى العلميه بتقول ان نور الزينون اقوى واحسن بس المشكله ال بيحتاج مواصفات خاصه مثلا ان لازم يتركب بعدسات وفى مصر محدش بيعمل كدا علشان كدا النور الهالوجين بيكون احسن بس مثلا لوقارنا بين عربيتين واحده راكب فيها هالوجين والتانيه باسات مثلا علشان يكون فيها زينون اصلى اكيد انت شخصيا هتقول الزينون علشان متركب صح

بس انت مقلتش رايك فى الزينون ال راكب عندى ويهمنى اعرف رايك

**midooo_119** · 19-02-2011 01:36 AM

المشاركة الأصلية كتبت بواسطة احمد المصرى

العفو اخى الكريم دا انا ال بعتزر عن فهمى الخاطى بس ال انا اعرفه ان كل النواحى العلميه بتقول ان نور الزينون اقوى واحسن بس المشكله ال بيحتاج مواصفات خاصه مثلا ان لازم يتركب بعدسات وفى مصر محدش بيعمل كدا علشان كدا النور الهالوجين بيكون احسن بس مثلا لوقارنا بين عربيتين واحده راكب فيها هالوجين والتانيه باسات مثلا علشان يكون فيها زينون اصلى اكيد انت شخصيا هتقول الزينون علشان متركب صح

بس انت مقلتش رايك فى الزينون ال راكب عندى ويهمنى اعرف رايك

اولا و لا يهمك احنا اخوات و عمرنا ماهنزعل من بعض , كلامك صحيح طبعا بالنسبه للعدسات و ده التركيب الصح للزينون و بالنسبه للنور بتاع الزينون عندك هو بسم الله ماشاء الله نوره قوى بس ملاحظتى زى ماهى ان نوره مش فارش لقدام و انا مش مستغرب لان هو ده عيب الى يركب زينون من غير عدسات ....
كل سنه وانت طيب

**احمد المصرى** · 19-02-2011 11:24 AM

المشاركة الأصلية كتبت بواسطة midooo_119

اولا و لا يهمك احنا اخوات و عمرنا ماهنزعل من بعض , كلامك صحيح طبعا بالنسبه للعدسات و ده التركيب الصح للزينون و بالنسبه للنور بتاع الزينون عندك هو بسم الله ماشاء الله نوره قوى بس ملاحظتى زى ماهى ان نوره مش فارش لقدام و انا مش مستغرب لان هو ده عيب الى يركب زينون من غير عدسات ....
كل سنه وانت طيب :e_braces[1]:

يبق كدا كل الاجماع ان العيب عيب عدسات

طيب محدش يعرف العدسات دى بكام يا شباب ولا تغيير الفانوس كله اسهل وبرضوا بكام واجيب العدسات منين او الفانوس المتعدل