الموضوع: طالب مشورتكم .. قدامى لانسر 2007 كامله ...

المشاركة الأصلية كتبت بواسطة m7nsh

السلام عليكم يا شباب .. يارب تكونو كلكو بصحه و خير ...

عندى طلب من وحوش اللانسر هنا .. انا دلوقتى قدامى لانسر 2007 سوبر اكشن 1600 اوتو
العربيه كانت مخبوطه فى الشنب و راشه حزام ..ماشيه 120 الف كيلو
و اتفصلت بــ 71 .. هى عربيه واحد قريبى

رأى حضراتكم ايه ؟ و خبطه الشنب دى تعيب العربيه جامد ولا عادى ؟
انا سمعت اراء بتقول ان عيب خبطه الشنب فقط فى سعر اعاده البيع و انها هتنزل الأرض و كده ..
و هل ممكن تبقى عربيه مخبوطه فى الشنب ومرشتش دواخل ؟ لأن واحد قالى ان طالما اتخبطت شنب يبقى رشت دواخل
محتاج رأيكم ؟؟ وياريت تصححولى الكلام اللى فوق ده لو غلط

وشكرا مقدما على الردود :)

وعليكم السلام ياكبير
انا شايف ان خبطه الشنب ديه متعبش العربيه المهم فيها حاجه من تحت الشاسيه بتاعها تمام ديه اكتر حاجه تهم وبعدين كمان حضرتك سعرها معقول بالنسبه للى انت بتقوله وعلى فكره الشنب فى عربيات كتيره بيتشال ويتجاب غيرو انا شايف انه عادى ومسمهاش رشه دواخل رشه شنب

المشاركة الأصلية كتبت بواسطة m.osman

معلش هو الشنب اللي هو اية بالظبط في العربية ؟

الشنب دا اللي هو اول حاجة تشوفها عنيك أول ما تفتح الكبوت يعني فوق الفوانيس على طول يعني اول حاجة في شاسية العربية يعني اهم حاجة في العربية لان خبطة الشنب لاقدر الله لو جامدة بتسمع في الرداتير اول حاجة وسربنتينة التكييف دي اول حاجة بتبوظ على طول طبعا بخلاف الفوانيس وتبدأ تسمع في الشاسية على حسب قوة الخبطة .

بالنسبة لصاحب الموضوع اولا احب اقولك سعر العربية السوبر اكشن 2007 رشة حزام فقط بدون حوار الشنب دا تعمل حوالي 80 الف لو حالتها كويسة وعداد اقل من اللي انت قولت عليه يعني مثلا استعمال 4 سنوات متوسط 80 الف كم بالكتير
يعني عربية فيها شنب والله اعلم في ايه تاني وعداد 120 الف كتير اوي في 4سنوات تقل 10000 ج عن السعر العادي يعني 70 الف كويس عليها وموفق ان شاء الله

المشاركة الأصلية كتبت بواسطة puyol

الشنب دا اللي هو اول حاجة تشوفها عنيك أول ما تفتح الكبوت يعني فوق الفوانيس على طول يعني اول حاجة في شاسية العربية يعني اهم حاجة في العربية لان خبطة الشنب لاقدر الله لو جامدة بتسمع في الرداتير اول حاجة وسربنتينة التكييف دي اول حاجة بتبوظ على طول طبعا بخلاف الفوانيس وتبدأ تسمع في الشاسية على حسب قوة الخبطة .

بالنسبة لصاحب الموضوع اولا احب اقولك سعر العربية السوبر اكشن 2007 رشة حزام فقط بدون حوار الشنب دا تعمل حوالي 80 الف لو حالتها كويسة وعداد اقل من اللي انت قولت عليه يعني مثلا استعمال 4 سنوات متوسط 80 الف كم بالكتير
يعني عربية فيها شنب والله اعلم في ايه تاني وعداد 120 الف كتير اوي في 4سنوات تقل 10000 ج عن السعر العادي يعني 70 الف كويس عليها وموفق ان شاء الله

+1111
بس عارف حضرتك بتبقى صعب انها تدخل على كل ده انا عملت حادثه قبل كده الشنب عندى اتعوج واالكبوت دخل سنه من عند السن بتاعه بس لما فكيت الاكصدام لقيت حديده تحت مخفوسه لجوه فديه طلعت حمايه للسربنتينه والرداتير وكده