الموضوع: خطيييير جداااا... سيناريو الثوره المضاده..!! (( اقرأ بتمعن ))

اتفق معاك 100%..لازم نكون فايقين لان أكيد بقايا النظام البائد هيحاول يعمل اى حاجه

و آآآآدي خبر كمااان و خطييير جداا بردو... و انا سعيييد بيه بصراحه

تم القبض على رئيس تحرير جريدة الأهرام ( اسامه سرايا ) حبيب الملايين
و هو بيهرب وثائق و اوراق مهمه جداا و يقال انها وثائق خطيره...

اســــامه سرايـــا اللي كتب بالبنط العريــــض (( الشعــب اسقــط النظــام ))
في سابقه تعجب و اندهش لها كل من قرأ (المانشيت), و انا و الكثيرين
من الصدمه و لاننا مش مصدقين اشترينا اكتر من نسخه من الاهرام اليوم ده...

و بردو بيتهموا المصري اليوم و الدستور و الشروق انهم ليهم اجندات غير وطنيه..!!

زي ماتكون كلمة ( اجنده ) بقت كلمة الموسم او موضه بتتقال في اي مناسبه و على اي حد..!!

YouTube - ‫ط§ظ„ظ‚ط¨ط¶ ط¹ظ„ظ‰ ط§ط³ط§ظ…ط© ط³ط±ط§ظٹط§ ظˆظ‡ظˆ ظٹظ‚ظˆظ… ط¨طھظ‡ط±ظٹط¨ ظˆط«ط§ط¦ظ‚ ط³ط±ظٹط©‬‎

ده غير ان المناوي و اسامه الشيخ و انس الفقي كانوا بيحاولوا احراق
بعض الوثائق و المستندات داخل بعض المكاتب في مبنى الاذاعه و التليفزيون
و تهريب البعض الآخر و ده شئ بردو خطير لاننا محتاجين الوثائق كدليل ادانه...

و ما خفي كان اعظم...

اتفق مع المقال تمام
وبدات بالفعل بعض المحاور في العمل بضراوة

ازود على الكلام ده الى حصل انهارده لوائل عنيم

والبقيه تأتى
انا مش عارف فيه حاجه مش مظبوطه وقلبى مش مطمن للى جاى

ربنا يستر

دي وجهة نظري وقناعاتي حول الثورة من البداية ممكن تساهم لحد ما في توضيح الصورة لمن يقتنع بها

هي عملية لفة شوية بس أظن السياسة عمرها ماهاتكون مانراه على السطح ها أحاول ألخصها في نقاط
-الجيش غير راضي عن مايحدث بالبلد من فساد وخصوصا السنوات الأخيرة ومازاد الطين بلة هو توريث الحكم بعد عدة شهور
-تغيير الدستور وتزوير أنتخابات مجلس الشعب والشورى يتم تحت سطوة وعنف أجهزة ما مختصة بالداخلية
-موقف صعب الجيش يعمل أيه بقى بين نارين أستحالة الموافقة على مبدأ التوريث وعلشان يعمل ده هايتواجه مع قوات أمنية تأمن ذلك بالداخلية كده هايدخل نفسه في مواجهات دامية لا يمكن أن يسمح لنفسه كمؤسسة عسكرية لها تاريخها المحترم بالأنزلاق لها مع أمكانية تطور الموضوع لما يشبه الحرب الأهلية ده غير الأضرار بصورة مصر عالميا نتيجة لهذه الفوضى........فيه حل تاني للفزورة دي!!!!!
-أيوه في الشعب أصبح على حافة الأنفجار نتيجة للفساد الشامل في البلد وهاينفجر بثورة في جميع الحالات أجلا أم عاجلا سواء بسبب ترضي الحياة المعيشية أو السياسية المتمثلة في لحظة تولي جمال الحكم(ماكنتش هاتعدي بالساهل) ده غير حبيب العادلي كان بيظبط الدنيا لمواجهة يوم التوريث وبالتالي أي تأخير كان مش في صالح لا الشعب ولا الجيش
-طيب الجيش ليه يدفي بدأ شرارة الثورة الله أعلم بس من بعض التحليلات أنا أتوقع له دور في ذلك بمساعدة وائل غنيم في تجهيز الشعب لأنطلاق الشرارة الأولى
-هروب العادلي وأنسحاب الشرطة كان يوم 28 مساءا في تصوري أنسحب بعد علمه أن الجيش أمسك بزمام الأمور وأن الحكم أصبح بصورة ما في يد القوات المسلحة وأن لم يعلن ذلك لأسباب سياسية في صالح سمعة البلد عالميا وتاريخيا
-من اللحظة دي أصبح العادلي خارج نظام الدولةولكنه كان مسيطر على أقل تقدير على قوات خاصة مقربة منه لتنفيذ أي عمليات فاسدة وحدثت بعد ذلك أحداث خروج المساجين والأنفلات الأمني
-أحداث يوم الأربعاء كانت لأظهار أن أحمد شفيق لايلتزم بوعوده وبالتالي خروج مزيد من المتظاهرين لأشعال الموقف يزيادة وتوريط الجيش مابين الأحداث الأمنية والسيطرة على فلول النظام الفاسدة وأتاحة فرصة لمحاولات هروبهم
لا أعتقد أن صح تصوري بأن جهاز المخابرات ممثلا في عمر سليمان ضد الثورة بالمرة
الناس دي عارفة هي بتعمل أيه وعارفين كل صغيرة وكبيرة بالبلد وان شاء الله في صالح البلد بس نصبر عليهم علشان الموضوع عايز خطوات ثابتة ومدروسة بدون تهور ولاشك أنهم الأقدر على فعل ذلك
تقبلو تحياتي

يا أستاذ غازى اللى حاضرتك كاتبه كله طبيعى جدا. لأن عمر حسنى مبارك مكان يقدر يقعد 30 سنة الا لو كان فيه جيش من المستفيدين لديهم قصور و أراضى وأموال فى البنوك ودول فى كل الجهات بما فيها الجيش لذلك لازم يحافظوا على مكتسباتهم وهما أصلا انهاروا زى اسرائيل فى 73 لنفس السبب وهوا المفاجأة وعدم جهازيتهم واستهانتهم بقوة شباب الثورة. دلوقتى هما بيلملموا أوراقهم وعلشان كده لازم الثورة يكون لها وفد متفق عليه (او ما يسمونه الائتلاف) ويكون هذا الوفد جامع كل التيارات ويقوم بالمتابعة اليومية لتنفيذ متطلبات الثورة يوميا يعنى مثلا أنا نفسى ان الثورة تعطى مهلة أسبوعين للجيش لتغيير الحكومة الحالية بحكومة ائتلاف والا اعادة الثورة الى ميدان التحرير وهكذا. بس بلاش ان كل اللى ليه فكر او رأى مخالف نتهمه بإنه من الأوباش (الحزب الوطنى) لازم من قاموا بالثورة اول ناس يحترموا حرية الرأى والفكر